Qış Olmpiya Oyunlarında fırtına — İki yarış təxirə salınıb

Qış Olmpiya Oyunlarında fırtına
22:48
14.02.2018
905
İdman
A
Cənubi Koreyada keçirilən Qış Olimpiya Oyunlarında fırtına və əlverişsiz hava şəraiti hakimdir.

“Ölkə.Az” xarici mediaya istinadən xəbər verir ki, fırtına səbəbindən qadınların fərdi biatlon yarışları sabaha qədər təxirə salınıb.

Qərar təşkilatçılar tərəfindən qəbul edilib. Startı bu gün Bakı vaxtı ilə 15.05-də verilməli olan yarış güclü küləyə görə sabah 11.15-də, kişilərin 20 km-lik yarışı isə 14.20-də keçiriləcək.

Təşkilatçılar fırtına zamanı səsgücləndiricilər vasitəsilə tamaşaçıları Olimpiya parkından ayrılmağa və ya qapalı idman obyektlərinə getməyə çağırıb. Jurnalistlərə isə yaxındakı xokkey arenasında işləmək təklif edilib.

Şiddətli külək təxminən 4 saat davam edib.

Ölkə.Az

 

ŞƏRH YAZ
0

Ronaldo "Yuventus"da rəsmi debüt edib

Ronaldo
01:17
Bu gün
121
İdman
A
Yuventus"un yeni transferi Kriştiano Ronaldu Turin klubunda rəsmi debüt edib.

"Ölkə.Az" xəbər verir ki, portuqaliyalı hücumçu İtaliya A seriyasının 1-ci turunda "Kievo"ya qarşı matçda ilk oyununa çıxıb. 90 dəqiqə meydanda olan Kriştianu Ronaldu qol vura bilməyib. 

"Yuvenmtus" klubunun baş məqçisi Massimiliano Alleqri Kriştianu Ronaldunun debütü barədə fikirlərini bildirib: "O, fiziki cəhətdən çox güclüdüş Ronaldu cəmi yeddi gün bizimlə məşq etdi, amma heyif ki, bu günkü görüşdə qol vura bilmədi. Onun komandaya tez uyğunlaşmasına heyranam".

Qeyd edək ki, "Kievo" - "Yuventus" görüşü qonaq komandanın 3:2 hesablı qələbəsi ilə başa çatıb.

Ölkə.Az

ŞƏRH YAZ
0

Qurban Qurbanov: "Rəşadın nə gücü tükənib, nə də zəifləyib"

Qurban Qurbanov:
21:12
18.08.2018
199
İdman
A
"Futbolçularımı və azarkeşləri təbrik edirəm. Xeyli dəyişiklik etmişdik, bununla belə pis oynamadılar. Nəticə qazanmağı bacardılar".

"Ölkə.Az" Report-a istinadən xəbər verir ki, bunu "Qarabağ"ın baş məşqçisi Qurban Qurbanov Azərbaycan Premyer Liqasının II turunda səfərdə "Səbail" üzərində 2:0 hesablı qələbəni şərh edərkən deyib.

46 yaşlı mütəxəssis bildirib ki, BATE ilə Çempionlar Liqasının III təsnifat mərhələsini hər iki oyununda əllərini gələni ediblər: "Xüsusən səfər oyununda yaxşı oynadıq. Vurduğumuz qolun üzərində çalışmışdıq. Çatışmazlıqlar var. Mübarizəni dayandırdığımız üçün üzgünəm. Avropa Liqasındakı rəqibimiz "Şerif" təcrübəli komandadır. Vaxtımız çox azdır. Qrupa düşmək üçün əlimizdən gələni edəcəyik".

Qurbanov BATE ilə matçlarda buraxılan qollarda səhvə yol verən Rəşad Sadıqovun azarkeşlərin tənqidi ilə üzləşməsinə də toxunub. O, kapitanan inamını ifadə edib: "Hamının onun karyerasını bitirməsini istəməsinə inanmıram. Rəşadı məndən yaxşı tanıyan olmaz. Onun oyunçu kimi davam etdirməsini mən israrla istədim. Bu söhbətlər keçən ildən vardı. Ona görə israr etdim. Bu gün də Rəşadın gücünə arxayınıq. Onun nə gücü tükənib, nə də oyunu zəifləyib. Səhv axtarsaq, çox futbolçuda taparıq. Sadəcə olaraq üzdə olan insan daha çox müzakirə olunur. Buna normal baxıram. Bizi sevənlər çoxdur. Bu fikirləri bildirənlərə hörmətlə yanaşıram. Onun həm meydanda, həm də meydandan kənarda nə qədər faydalı kapitan olduğunu yaxşı bilirəm. O, futbolumuz üçün vacib insandır. Düzdür, özü də çox üzgündür yazılanlardan dolayı. Ona görə narahat deyiləm, daha yaxşı oynayacaq. Bu gün Rəşada istirahət vermişdim. Ümumiyyətlə, əsas heyətin bir çox üzvü yox idi. Ona səhər başqa cür məşq vermişdik. Heç bir psixoloji problemi yoxdur. Bu cür fikirlər ona da, mənə də pis təsir edib. Onun gücünə inanıram".

Qurbanov yeni transfer Delarjın özünü yaxşı tərəfdən göstərə bilməməsinə də toxunub: "Delarjın uğursuz transfer olduğunu deməzdim. Optimal formadan uzaqdır. Ən gec məşqlərə qoşulan oyunçudur".

Ölkə.Az

ŞƏRH YAZ
0
BAĞLA