Qız qaçıran evli kişi danışdı: O, buna layiq idi

Qız qaçıran evli kişi danışdı: O, buna layiq idi
15:40
18.10.2017
630
Ölkə
A
Tərtərdə ailəli olduğu halda başqa qızı qaçırmaqda ittiham olunan Vahid Qasımov məsələ ilə bağlı açıqlama verib.

"Ölkə.Az" BakuPost.az-a istinadən xəbər verir ki, o, keçmiş həyat yoldaşı barəsində ittihamlar irəli sürüb və qız qaçırmasına haqq qazandırıb: "9 ay idi ki, çıxıb anasının yanına getmişdi. Heç ailəsindən xəbəri yox idi. Ailə kimi davranmırdı. Məni ailəmdən ayırmaq istəyirdi. Deyirdi ki, gedək, ayrı yerdə qalaq. Mən sənin valideyninə baxmaq istəmirəm. 

Mən o insana insan kimi, ailə kimi hörmət qoyurdum. Amma əksini görmək mənə xoş gəlmədi. Mən nə hərəkət etmişəmsə, ona da layiqdir. 

O qadın öz ailəsindən xəbərsiz, xəlvəti olaraq mollalarda gəzirdi. Evdə söz-söhbət düşən kimi otağa  girirdi, qapını bağlayıb, qolunu kəsirdi. Sizcə, bu insanla yaşamaq olar? Mənim qız qaçırmağım ona niyə pis gəlir ki? O, buna layiq idi”.

O, həyat yoldaşı ilə münasibətlərinin çoxdan soyuduğunu, buna görə də başqa biri ilə evlənmək qərarı verdiyini deyib: "Mən hansısa marağa görə qız qaçırmamışam. O qadınla münasibətim soyuduğuna görə başqa qadınla ailə qurmaq fikrində idim və qurdum. İndi çox xoşbəxtəm. O insan da çalışsın, düz danışsın”. 

ŞƏRH YAZ
0

Nazirlik sürüşmə zonası ilə bağlı yeni məlumat yaydı

Nazirlik sürüşmə zonası ilə bağlı yeni məlumat yaydı
21:29
15.10.2018
1253
Ölkə
A
Badamdardakı sürüşmə sahəsində ümumi dinamikada gərginlik qalmaqdadır.

Bu barədə "Ölkə.Az"a Ekologiya və Təbii Sərvətlər Nazirliyi tərəfindən yaradılan Qərargahdan məlumat verilib.

"Sürüşmə zonasında saat 21-00-a olan monitorinqlərin nəticəsinə əsasən, sürüşmə sahəsi üzərində asılı qalmış süxurların xırda hissələrinin yamaca doğru hərəkəti yenə də müşahidə edilir. Ümumi dinamikada gərginlik qalmaqdadır", - deyə məlumatda bildirilir.

Ölkə.Az

ŞƏRH YAZ
0

Çaylarda suyun səviyyəsi açıqlanıb

Çaylarda suyun səviyyəsi açıqlanıb
20:00
15.10.2018
1328
Ölkə
A
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, ötən günlər ərzində yağan yağış nəticəsində respublikanın bəzi çaylarında, xüsusən də, Lənkəran-Astara bölgəsi çaylarında sululuğun artımı müşahidə olunub. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 55-65, Kiçik Qafqazın çaylarında 30-80, Lənkəran-Astara çaylarında 50-70, Naxçıvan Muxtar Respublikası çaylarında 5 faizini təşkil edir.

Departamentdən "Ölkə.Az"a bildiriblər ki, oktyabrın 15-də Kür çayının Qıraqkəsəmən məntəqəsində suyun səviyyəsində dəyişiklik müşahidə olunmayıb. Hazırda məntəqədə su sərfi saniyədə 110 kubmetr olmaqla ongünlük normanın 65 faizini təşkil edir. 2017-ci ildə isə bu rəqəm saniyədə 167 kubmetr təşkil etməklə ongünlük normanın 99 faizinə bərabər olub.

Qanıx çayının Əyriçay məntəqəsində suyun səviyyəsində dəyişiklik müşahidə edilməyib. Hazırda məntəqədə su sərfi saniyədə 65 kubmetr olmaqla ongünlük normanın 61 faizini təşkil edir. Ötən il isə bu göstərici saniyədə 101 kubmetr təşkil edərək ongünlük normanın 94 faizinə bərabər olub.

Oktyabrın 15-də Kür çayının aşağı axınında suyun səviyyəsində əsasən artım qeydə alınıb. Belə ki, Kür çayının Surra məntəqəsində 6, Salyanda 2, Araz çayının Novruzlu məntəqəsində 7 santimetr artım müşahidə olunub. Lakin suyun səviyyəsi Şirvanda 2, Bankədə isə 1 santimetr azalıb.

Hazırda Surra məntəqəsində suyun səviyyəsi 336 (2017-ci il oktyabrın 15-də 381 sm), Şirvanda 179 (2017-ci il oktyabrın 15-də 273 sm), Salyanda 137 (2017-ci il oktyabrın 15-də 210 sm), Bankədə 167 (2017-ci il oktyabrın 15-də 197 sm), Araz çayının Novruzlu məntəqəsində isə 40 santimetrə (2017-ci il oktyabrın 15-də 108 sm) bərabərdir.

ŞƏRH YAZ
0
BAĞLA