Qızıl alverçilərini aldadan dələduz məhkəmə qarşısında
Qızıl alverçilərindən qızıl götürərək dələduzluq edən şəxsin məhkəməsi başlayıb.
“Ölkə.Az”ın məlumatına görə, cinayət məcəlləsinin 178.2.2-ci madəsi ilə təqsirləndirilən Səmədov Elşən Yaşar oğlunun məhkəmə prosesinə Səbail Rayon Məhkəməsinin hakimi Anar Tanrıverdiyev sədrlik edir. Cinayət işində 3 nəfər zərərçəkmiş qismində tanınıb.
Belə ki, 1977-ci il təvəllüdlü Qasımov Yusif Əbdül oğlu polisə müraciət edərək bildirib ki, tanışı, 1986-cı il təvəllüdlü Elşən Səmədov satış məqsədi ilə ondan 15300 dollarlıq qızıl alıb.
Şikayətçinin sözlərinə görə, E.Səmədov 2016-cı ilin noyabrında onun işlədiyi Mərkəzi Univermaqdan xeyli qızıl götürüb. Lakin həmin şəxs verdiyi vədə əməl etməyib və qızılların pulunu verməkdən boyun qaçırıb.
