“Qızıl Qurd” ləqəbli kikboksçumuz dünya çempionu oldu
İdmançımız ağır çəkili K-1 de 91+ çəki dərəcəsində ilk dəfə olaraq "Wako" növü üzrə dünya çempionu olub.
"Ölkə.az" xəbər verir ki, Macarıstanın Budapeşt şəhərində keçirilən kikboksinq idman növü üzrə dünya çempionatında iştirak edən kikboksçularımız qələbə ilə idman azarkeşlərimizi sevindiriblər.
Bəhrəm Rəcəbzadə turnirin ən güclüsü olaraq qızıl medal qazanıb. Digər kikboksçularımız isə 1 gümüş və 3 bürünc medal ilə Azərbaycan bayrağını zirvəyə ucaldıblar.
Qazanılan zəfərlə bağlı Azərbaycan Kikboksinq Federasiyasının prezidenti, Milli Məclisin deputatı da idmançılrımızı təbrik edib:
"İdmançılarımızın uğurlarınız Azərbaycanın uğurudur, qələbə bütün həmvətənlərimizin qələbəsidir. Bu qələbə münasibətlə Azərbaycan xalqını təbrik edirəm. Qələbəmiz mübarək!"
