“Qızıl top”a namizədlərin adları açıqlandı — SİYAHI

“Qızıl top”a namizədlərin adları açıqlandı
23:14
09.10.2017
38
İdman
A
“France Football” nəşri dünyanın ən yaxşı futbolçusuna verilən “Qızıl top” mükafatına namizədlərin adlarını açıqlayıb.

Ölkə.Az oxu.az-a istinadən xəbər verir ki, bu barədə məlumat bazar ertəsi, oktyabrın 9-da, nəşrin saytında yerləşdirilib.

Yekun siyahıya 30 futbolçunun adı daxil edilib: Lionel Messi (“Barselona”), Pyer-Emerik Obameyanq (“Borussiya” D.), Edison Kavani (PSJ), Mats Hummels (“Bavariya”), Karim Benzema (“Real”), Kilian Mbappe (PSJ/”Monako”), İsko (“Real”), Leonardo Bonuççi (“Yuventus”/”Milan”), Eden Azar (“Çelsi”), Kriştiano Ronaldo (“Real”), Canluici Buffon (“Yuventus”), Antuan Qrizman (“Atletiko”), Radamel Falkao (“Monako”), Toni  Kroos (“Real”) və Sadio Manenin (“Liverpul”), Kevin de Bruyne (“Mançester Siti”, Belçika), Robert Levandovski (“Bavariya”, Polşa), David De Xea (“Mançester Yunayted”, İspaniya), Harri Keyn (“Tottenhem”, İngiltərə), Edin Dzekonun (“Roma”, Bosniya və Herseqovina), Luis Suares (“Barselona”, Uruqvay), Yan Oblak (“Atletiko”, Sloveniya), Serxio Ramos (“Real”, İspaniya), Filipe Koutinyo (“Liverpul”, Braziliya), Dris Mertens (“Napoli”, Belçika), Neymar (PSJ/“Barselona”, Braziliya), Luka Modriç (“Real”, Xorvatiya), Paulo Dibala (“Yuventus”, Argentina), Marselo (“Real”, Braziliya) və Nqolo Kante (“Çelsi”, Fransa).

Xatırladaq ki, ötən il bu mükafatın sahibi Portuqaliya millisinin və “Real” komandasının ulduzu Kriştiano Ronaldo olub.

ŞƏRH YAZ
0

Futbolçumuz Türkiyə klubundan borcunu hədə ilə aldı

Futbolçumuz Türkiyə klubundan borcunu hədə ilə aldı
11:42
Bu gün
369
İdman
A
Azərbaycan milli komandasının futbolçusu Dəniz Yılmaz çıxış etdiyi Türkiyənin "Bursaspor" klubundan 1 milyon lirə (təqribən 472 min manat) borcunu hədə yolu ilə alıb.

"Ölkə.Az" Report- a istinadən məlumat verir ki, 29 yaşlı hücumçu "Adanaspor"la ölkə kubokunun cavab oyunundan sonra öz klubuna xəbərdarlıq edib.

Borcunun bir gün ərzində ödənilməsini tələb edən Yılmaz əks təqdirdə, müqaviləsini birtərəfli qaydada pozaraq, azad agentə çevriləcəyini bildirib. Maliyyə feyr-pleyi məsələsində problemlə üzləşməmək üçün hərəkətə keçən "Bursaspor" rəhbərliyi kassasında pul olmadığı üçün dərhal nəğd pul axtarışına başlayıb. Klub axşam saatlarında həmin vəsaiti tapmağa müvəffəq olub və futbolçuya ödəyib. "Timsahlar"ın prezidenti Ali Ay onsuz da maddi problemlər yaşadıqları bir vaxtda Yılmazın belə bir hərəkəti tutmasına qəzəblənib.

Ötən həftə "Bursaspor" rəhbərliyi komandanın məşqçi heyəti və futbolçularla görüş keçirərək, əmək haqqı ödənişlərinin 2 ay gecikmə ilə ödənişinə dair razılığa gəlib. Bundan bir neçə gün sonra təcrübəli forvardın hədə üsulunu seçməsini görən klub onunla 31 may 2019-cu ilədək nəzərdə tutulan müqaviləni qış fasiləsində pozmaq fikrinə düşüb.

Qeyd edək ki, Dəniz Yılmaz "Bursaspor"un "Adanaspor"u 2:0 hesabı ilə yendiyi son oyunda 90 dəqiqə meydanda olub. Lakin o, imkanlarından xeyli aşağı səviyyədə çıxış edib. Yılmaz Azərbaycan millisinin son oyunlarına çağırılmayıb.

ŞƏRH YAZ
0

Azərbaycan klubları Çempionlar Liqasına buraxılmayacaq

Azərbaycan klubları Çempionlar Liqasına buraxılmayacaq
11:16
Bu gün
501
İdman
A
Avropa Həndbol Federasiyası (EHF) qadın və kişi klubların yeni reytinq cədvəlini açıqlayıb.

"Ölkə.Az" Apasport.az- a istinadən məlumat verir ki, 2018/2019 mövsümü üçün müəyyənləşən siyahı Azərbaycan üçün biabırçı göstərici ilə diqqət çəkib.

Kişi komandalarımız 10 ildi avrokuboka qatılmadığından reytinqdə sonuncudu. Belə ki, siyahıda Azərbaycan aktivində xalı olmayan 48 ölkədən xalı olmayan 10-u arasında yer alıb. Ölkəmiz Albaniya, Andorra, Ermənistan, Farer adaları, İrlandiya, Latviya, Lixtenşteyn, Malta və Monteneqro ilə birgə 39-48-ci pillələrə şərikdi. Reytinqə əsasən, yeni ildə Çempionlar Liqasında və EHF kubokunda təmsilçimiz mübarizə apara bilməz. Azərbaycan çempionatında cəmi 4 klubumuzun mübarizə apardığı halda, EHF bu sayda komandamızın “Çelenc Cup” qatılmasına icazə verib.

Qadın klublarımızın da uğursuzluğu siyahıda özünü göstərib. Bu reytinqdə Azərbaycan 30-cudu. Ötən illə müqayisədə yeri dəyişməyən ölkəmizin aktivində cəmi 3,63 xalı var. Bu isə 2018/2019 mövsümündə bizə EHF kubokunda 1, “Çelenc Cup”da 3 klubla iştiraka icazə verir.

Müqayisə üçün bildirək ki, kişilərin reytinqində birinci olan Almaniya 128,50, qadınlarda Macarıstan 114,13 xala malikdi.

Qeyd edək ki, reytinq son 3 mövsümün nəticəsinə əsasən tərtib edilir. 

ŞƏRH YAZ
0
BAĞLA