Qohumlar arasında qanlı dava

Qohumlar arasında qanlı dava
12:21
13.02.2018
1349
Hadisə
A
Ötən gün Ramana qəsəbəsində 2 qohum arasında düşən mübahisə sonda qanla nəticələnib.

 "Ölkə.Az"ın əldə etdiyi məlumata əsasən, 3 saylı şəhər xəstəxanasına bədəninin çoxsaylı kəsilmiş-deşilmiş yarası xəsarəti ilə 41 yaşlı Nağıyev Niyaməddin Mirağa oğlu gətirilib.

Cərrahiyə əməliyyatı olunan N. Nağıyev reanimasiya şöbəsinə yerləşdirilib. 

Dərhal xəstəxanaya Sabunçu RPİ-nin əməliyyatçıları gəlib və zərərçəkmişin ilkin izahatını alıblar. Məlum olub ki, Nağıyev mübahisə zəminində xalası oğlu Mehdiyev Nadir Hacıağa oğlu tərəfindən bıçaqlanıb. İsti izlərlə keçirilən əməliyyat tədbirləri nəticəsində N.Mehdiyev saxlanılaraq Sabunçu RPİ-nə təhvil verilib.

Faktla bağlı rayon polis idarəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.

 

ŞƏRH YAZ
0

Axtarışda olan məşhur meyxanaçının yeni — FOTOLARI YAYILDI

Axtarışda olan məşhur meyxanaçının yeni
13:10
Bu gün
1797
Hadisə
A
2015-ci ildə Bakı şəhər Baş Polis İdarəsi tərəfindən axtarışa verilən və uzun müddətdir Rusiyada yaşayan tanınmış meyxanaçı Vahid Qədim illər sonra görüntülənib.

"Ölkə.Az" A24.az-a istinadən xəbər verir ki, meyxanaçının fotolarını həmkarı Vüqar Əbdülov paylaşıb. Rusiyada baş tutan məclislərdən birinin ardından axtarışda olan meyxanaçı ilə görüşən V. Əbdülovun paylaşdığı fotolardan Vahid Qədimin ölkədən köçdüyü 5 il ərzində xarici görünüşdən heç bir dəyişikliyin baş vermədiyi görünür.

Qeyd edək ki, dələduzluqda təqsirləndirilən meyxanaçı 2013-cü ildən ailəsi ilə birlikdə Rusiyada yaşayır. Məlumata görə, Vahid Qədim Rusiyada yaşayıb, sənətlə məşğul olur. Bildirilir ki, o, Rusiyada meyxanaları ilə məşhurdur, sevilir.

Xatırladaq ki, söz xiridarı barədə Bakı şəhər Baş Polis İdarəsinin saytında məlumat yerləşdirilib. Məlumatda qeyd olunur ki, 1973-cü il təvəllüdlü Səfərov Vahid Ağabala oğlu Cinayət Məcəlləsinin 178-ci (dələduzluq) maddəsi ilə təqsirləndirilir.

Meyxana aləmində Vahid Qədim kimi tanınan V. Səfərov 2015-ci ilin yanvarından axtarışa verilib.

Onu da əlavə edək ki, Vahid Qədim polislə də qarşı-qarşıya gəlib. O,  "Bacım oğlu” adlı meyxanasına çəkdirdiyi klipində polisin tətbiqindən yayınmağa çalışmışdı.  

 

Ölkə.Az
 

ŞƏRH YAZ
0

Metroda bədbəxt hadisə: maşinist vaqonların arasına yıxıldı

Metroda bədbəxt hadisə: maşinist vaqonların arasına yıxıldı
12:46
Bu gün
1727
Hadisə
A
“Bakı Metropoliteni”nin bənövşəyi xəttinin “Memar Əcəmi-2” stansiyasında maşinist ehtiyatsızlıq səbəbindən vaqonların arasına düşərək xəsarət alıb.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədovun "Ölkə.Az"a verdiyi açıqlamaya görə, hadisə noyabrın 19-u səhər saatlarında baş verib:

“Hadisə iki gün əvvəl baş verib. Həmin gün metronun Bənövşəyi xətt üzrə “Avtovağzal-Memar Əcəmi-2” stansiyasına hərəkət edən qatarın maşinisti Rəmzi Rüstəmov təhlükə ilə üzləşib. 

Belə ki, maşinist “Avtovağzal” istiqamətində platforma ilə sonuncu vaqona doğru hərəkət edərkən, yıxılıb. Xoşbəxtlikdən əməkdaşlarımız bunu görüb və dərhal müdaxilə edərək onu xilas ediblər. 

R.Rüstəmov xəstəxanaya çatdırılıb. Çox ciddi xəsarət almayıb, sadəcə, qolu sınıb. Hazırda maşinist işə çıxmır və bülletendədir. Əmək Müfəttişliyinə faktla bağlı məlumat verilib, hadisə araşdırıldıqdan sonra yekun qərar veriləcək”.

Qeyd edək ki, insidentlə ilə bağlı ilk məlumatı Modern.az saytı yayıb.

Ölkə.Az

ŞƏRH YAZ
0
BAĞLA