Qohumunun əllərini kəsərək amansızlıqla qətlə yetirdi
“Ölkə.Az”-ın xəbərinə görə, hakim Samir Əliyevin sədrliyi ilə keçirilən hazırlıq iclasında anket məlumatları dəqiqləşdirilib. Prosesin baxış iclası yanvarın 24-nə təyin edilib.
Qeyd edək ki, L. Alıyev münaqişə zəminində Elçin Tapdıqov adlı şəxsi bıçaqlayaraq qətlə yetirib. O, Cinayət Məcəlləsinin 120-ci (qəsdən adam öldürmə) maddəsinə əsasən ittiham edilib.
Xatırladaq ki, hadisə 2017-ci ilin iyun ayında Nərimanov rayonunda qeydə alınıb. Təbriz küçəsi 57 ünvanında, 4 saylı Şəhər Poliknikasının qarşısında 36 yaşlı Tapdıqov Elçin İdris oğlu ona məxsus 90 SD 055 dövlət qeydiyyat nişanlı, BMV markalı avtomobildə ölümcül bıçaqlanıb.
Yaralı 1 saylı Kliniki Tibbi Mərkəzə aparılsa da, yolda dünyasını dəyişib. Elçin Tapdıqovun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin Nərimanov Rayon Şöbəsinə göndərilib. Meyit üzərində müayinə zamanı məlum olub ki, o, ayaq nahiyəsindən dərinə nüfuz edən bir neçə bıçaq xəsarəti alıb. Bundan başqa, mərhumun əlləri bıçaqla kəsilib.
Elçin Tapdıqovun qardaşları Nərimanov Rayon Polis İdarəsinin 18-ci Polis Bölməsinin əməkdaşlarına onun öz qohumu tərəfindən qətlə yetirildiyini bildiriblər. Faktla bağlı Nərimanov Rayon Prokurorluğunda qəsdən adam öldürmə maddəsi ilə cinayət işi başlanıb və Loğman Alıyevin çübhəli şəxs qismində həbs edilib.
