Qonaq gedən ana doğuş zamanı övladı ilə birgə dünyasını dəyişdi

Qonaq gedən ana doğuş zamanı övladı ilə birgə dünyasını dəyişdi
09:22
14.03.2018
1688
Hadisə
A
Hadisə Tovuz rayon Mərkəzi Xəstəxanasında baş verib.

Tovuz rayon prokurorluğundan “Ölkə.Az”a verilən məlumata görə, Cəlilabad rayon sakini, 1997-ci il təvəllüdlü Dadaşova Aytən İlqar qızı Ağstafaya qohumları evinə qonaq gəlib. Ancaq qohumlarının evində olduğu zaman doğuş sancısı başlayıb və onu Tovuz rayon Mərkəzi Xəstəxanasında çatdırıblar. 

Həkimlərin müdaxiləsinə baxmayaraq dünyaya gələn uşaq ölüb. Həmçinin ananın vəziyyətidə ağırlaşmağa başlayıb. 21 yaşlı qadına lazımı tibbi yardımlar göstərilsə də, həyatını xilas etmək mümkün olmayıb. 

Qeyd edək ki, A. Dadaşova ilk dəfə idi ki, dünyaya övlad gətirirdi. 

Faktla bağlı Tovuz rayon prokurorluğunda cinayət məcəlləsinin  314-cü  (səhlənkarlıq) maddəsi ilə cinayət işi  başlanılıb.

ŞƏRH YAZ
0

Məşhur aktyor Bakıda məktəb direktorunu döydü — Xəstəxanadan FOTOLAR

Məşhur aktyor Bakıda məktəb direktorunu döydü
22:56
Bu gün
1650
Hadisə
A
Bakıda məktəb direktoruna xəsarət yetirilib.

"Ölkə.Az" Təhsil Nazirliyinə istinadən xəbər verir ki, 175 saylı orta məktəbin direktoru Tural Mirzəliyev hücuma məruz qalıb.

Hadisə zamanı o, ciddi xəsarət alıb. T.Mirzəliyev xəstəxanaya yerləşdirilib. 

Bildirilir ki, məsələ Təhsil Nazirliyi rəhbərliyinin diqqət mərkəzindədir.

Gənc müəllim Həbib Əlizadə sosial şəbəkədə direktoru döyən şəxsin kimliyini açıqlayıb. O bildirib ki, T. Mirzəyevə xəsarət yetirən şəxs “Dolu” filminin məşhur aktyoru, “Drakon” obrazını canlandıran Rza Rzayevdir. Onun sözlərinə görə, hadisə Nizami Rayon Məhkəməsinin qarşısında baş verib. Bu barədə gənc müəllim Həbib Əlizadə sosial şəbəkədə məlumat verib.

Qeyd edib ki, bu gün məhkəmə iclasından sonra tərəflər arasında yenidən mübahisə düşüb. R. Rzayev direktoru döyərək ona ağır bədən xəsarətləri yetirib.

T. Mirzəliyev hazırda 3 saylı Sabunçu xəstəxanasındadır. R.Rzayevin isə polis tərəfindən saxlanılıb-saxlanılmaması dəqiq deyil.

Xatırladaq ki, bir neçə ay əvvəl qohumunun işdən çıxarılmasına etiraz edən Rza Rzayev bu qərarını dəyişməsi üçün məktəbə gedərək direktorla mübahisə etmişdi.

Hadisə 220 nömrəli məktəb-liseydə baş vermişdi. Belə ki, təhsil müəssisəsinin direktor müavini Zeynəb Rzayeva 29.01.2018-ci il tarixində direktor Tural Mirzəliyev tərəfindən dəvət edilərək, ona təlim-tərbiyə işləri üzrə direktor müavinlərinin vəzifə səlahiyyətlərinin bölgüsündə II yarımildən etibarən dəyişiklik ediləcəyi bildirilib. Amma Zeynəb Rzayeva bu qərara etiraz edib. Daha sonra özünü Zeynəb Rzayevanın qardaşı kimi təqdim edən Rza Rzayev direktorun yanına gələrək məsələni “həll eləməyə” çalışıb. Amma ortaya xoşagəlməz mənzərə çıxmışdı. “Drakon” məktəb direktorunun ünvanına nalayiq ifadələr səsləndirmişdi.

Bütün bu olanlar direktorun xidməti otağında açıq şəkildə quraşdırılmış video kameradan görüntülənmişdi. Bu qalmaqal məhkəmə müstəvisinə çıxmış və tərəflər bir-birindən şikayətçi olmuşdular.

Ölkə.Az

ŞƏRH YAZ
0

Tovuzda yol qəzası — Yaralananlar var

Tovuzda yol qəzası
21:14
Bu gün
1767
Hadisə
A
Tovuz rayonunda yol qəzası baş verib.

"Ölkə.Az"ın "Report"a istinadən məlumatına görə, hadisə rayonun Öysüzlü kəndində qeydə alınıb.

Belə ki, "VAZ-2106" markalı avtomobillə "VAZ-21015" markalı minik maşını toqquşub. Nəticədə Qazax rayon sakini Tofiq Musa oğlu İbrahim və Tovuz rayon sakini Ədalət Xankişi oğlu İbrahimov müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA