Qonşusunu güllələdi
Xəstəxanaya qırma yaraları ilə gətirilən Xaçmaz rayon sakini R.Kamilovun qonşusunun ov tüfəngi ilə ehtiyatsız davranması nəticəsində yaralandığı müəyyən edilib.
"Ölkə.Az" xəbər verir ki, avqustun 12-də Xaçmaz rayonu Yeni Həyat kəndində yaşayan R.Kamilov sağ və sol baldır nahiyəsindən qırma yaraları ilə xəstəxanaya gətirilib.
Araşdırmalar zamanı R.Kamilovun xəsarəti qonşusu Q.Binaliyevın yaşadığı evin həyətində ov tüfəngi ilə ehtiyatsız davrandığından açılmış atəşdən alması müəyyən edilib.
Görülən tədbirlərlə Q.Binaliyev saxlanılıb və ondan müvafiq sənədləri olmayan 1 ədəd “TOZ-16” markalı tüfəng götürülüb.
Araşdırma aparılır.
Natiq Allahverdiyev
Ölkə.Az
