Qonşusunu öldürüb 6 il evinin divarında gizlətdi
Kaliforniyada 47 yaşlı Rendolf E. Qarbat (Randolph E. Garbutt) qonşusunu öldürərək, onun cəsədini öz mənzilinin divarında gizlədib.
“Ölkə.Az” “NBC News”-ə istinadən xəbər verir ki, Los-Anceles şəhərinin sakini Reyven Kempbelin (Raven Campbell) adı 2009-cu ildən itkin düşənlər siyahısında olub. Ancaq 2015-ci ilin iyulunda anonim zəng daxil olur. Zəng edən xanım deyir ki, ola bilsin itkin düşən şəxs onun yaşadığı apartament kompleksinin divarında basdırılıb. Ölən şəxsin yaxınları hüquq-mühafizə orqanlarına müraciət edir. Polis itin köməyi ilə Kempbelin cəsədini divardan tapırlar. Bəlli olur ki, qonşular illərlə xoşagəlməz iydən əziyyət çəkib.
Günahkar qismində 47 yaşlı Rendolf E.Qarbat bilinib. Qadın küt alətlə öldürüldüyü bəlli olub. Qarbat qonşu xanımı çəkiclə öldürüyünü etiraf edib.
Cinayətkar 11 il müddətinə azadlıqdan məhrum edilib.
Ölkə.Az
