İqtisadiyyat Nazirliyində yeni işçi komissiyası yaradılır

İqtisadiyyat Nazirliyində yeni işçi komissiyası yaradılır
12:21
14.11.2017
621
İqtisadiyyat
A
Azərbaycanda biznes-inkubatorların fəaliyyətinin əlaqələndirilməsi məqsədi ilə İqtisadiyyat Nazirliyində bu sahə üzrə peşəkar mütəxəsssislərin və fəal inkubator idarəedicilərinin də təmsil olunduğu komissiya yaradılır.

"Ölkə.Az"ın Report-a istinadən verdiyi xəbərə görə, bu gün Bakıda “Biznes inkubatorların və sahibkar düşüncə tərzinin inkişaf etdirilməsi, startap layihələrinin dəstəklənməsi” mövzusunda keçirilən tədbirdə belə qərar alınıb.

Tədbirdə ölkədə fəaliyyət göstərən biznes-inkubatorların idarəedicilərinin, rezidentlərinin, ölkədə fəaliyyət göstərən startapların fikirləri dinlənilib, müzakirələr aparılıb.

İqtisadiyyat nazirinin müavini Sahib Məmmədov iqtisadi siyasətin prioritet istiqaməti kimi sahibkarlığın inkişafı üçün aparılan davamlı islahatlar, həmçinin bu tədbirlər çərçivəsində biznes-inkubatorların yaradılması və inkişafı etdirilməsi ilə bağlı həyata keçirilən işlər barədə məlumat verib.
Qeyd edilib ki, hazırda ölkədə 11 biznes-inkubator fəaliyyət göstərir. Nazir müavini biznes-inkububatorların bir-biri ilə əlaqələndirilməsi üçün işçi komissiyasının yaradılmasının uğurlu olacağını bildirib.

ŞƏRH YAZ
0

Manatla olan əmanətlər 39 faiz artıb

Manatla olan əmanətlər 39 faiz artıb
19:45
Bu gün
483
İqtisadiyyat
A
Mərkəzi Bankın məlumatına görə, oktyabrın 1-nə əhalinin banklardakı əmanətlərinin milli valyuta ekvivalentində məbləği 7022,2 milyon manat təşkil edib.

Dövlət Statistika Komitəsindən "Ölkə.Az"a bildiriblər ki, əmanətlərin 71,8 faizi xarici, 28,2 faizi isə milli valyutada qoyulub. Əmanətlərin 5598,0 milyon manatı və ya 79,7 faizi özəl banklarda, 1424,2 milyon manatı (20,3 faizi) isə dövlət banklarında yerləşdirilib.

Milli valyutada olan əmanətlər əvvəlki ilin müvafiq dövrünə nisbətən 39,0 faiz artıb, xarici valyutada əmanətlər isə 21,1 faiz azalıb.

ŞƏRH YAZ
0

Azərbaycanda günəş və külək enerjisi istehsalı azalıb

Azərbaycanda günəş və külək enerjisi istehsalı azalıb
19:31
Bu gün
328
İqtisadiyyat
A
Bu ilin yanvar-oktyabr aylarında Azərbaycanda günəş enerjisi ilə işləyən stansiyalar 35,9 mln. kVt/saat elektrik enerjisi istehsal edib.

"Ölkə.Az" Dövlət Statistika Komitəsinə istinadən xəbər verir ki, bu, illik müqayisədə 32% azdır.

Son 1 ildə küləklə işləyən stansiyalarda istehsal 20,5% azalaraq 10,5 mln. kVt/saata enib.

Əvəzində istilik elektrik stansiyalarında istehsalın həcmi 1,5% artaraq 16 384,3 mln. kVt/saata yüksəlib, su elektrik stansiyalarında isə 8,5% azalaraq 1 526,3 mln. kVt/saat təşkil edib.

Bu ilin yanvar-oktyabr ayları ərzində ölkədə cəmi elektrik enerjisi istehsalı 18 751,4 mln. kVt/saat olub ki, bu da ötən ilin eyni dövrü ilə müqayisədə 0,2% çoxdur. Bunun da 17 957,0 mln. kVt/saatı əmtəəlik olub və bu, illik müqayisədə 0,5% çoxdur.

ŞƏRH YAZ
0
BAĞLA