Qubada 32 bina təmir olunacaq — SƏRƏNCAM

Qubada 32 bina təmir olunacaq
17:50
07.12.2017
880
Siyasət
A
Azərbaycan Prezidenti İlham Əliyev Quba şəhərində çoxmənzilli binaların əsaslı təmiri ilə bağlı tədbirlər haqqında sərəncam imzalayıb.

"Ölkə.Az"ın xəbərinə görə, sərəncamda bildirilib ki, Azərbaycan Respublikası Prezidentinin SərəncamıAzərbaycan Respublikası regionlarının sosial-iqtisadi inkişafına dair dövlət proqramlarının uğurla yerinə yetirilməsi nəticəsində Quba rayonunda sosialyönümlü bir sıra mühüm layihələr həyata keçirilib, o cümlədən “ASAN Həyat” Kompleksi, Müalicə-Diaqnostika Mərkəzi, Olimpiya İdman Kompleksi, Quba Soyqırımı Memorial Kompleksi, Bayraq Muzeyi, “Yaşıl teatr”, Tarix-Diyarşünaslıq Muzeyi, Gənclər Mərkəzi, Uşaq-Gənclər Şahmat Məktəbi, əlil və şəhid ailələri üçün ümumilikdə 118 mənzilli 4 yaşayış binası inşa edilmiş, xalçaçılıq müəssisəsi yaradılıb, ən müasir tələblərə cavab verən turizm obyektləri, təhsil ocaqları istifadəyə verilib. 

Bununla yanaşı, Quba şəhərinin su təchizatı sistemi yenidən qurulmuş, “Şahdağ” Elektrik Stansiyası istismara verilmiş, yol-nəqliyyat infrastrukturu yaxşılaşdırılmış, genişmiqyaslı abadlıq-quruculuq işləri görülüb.

Sənəddə qeyd olunub ki, Quba şəhərində 32 çoxmənzilli binanın əsaslı təmirinə başlanılması üçün podratçı təşkilatlara zəruri avansın ödənilməsindən ötrü Azərbaycan Respublikasının 2017-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Quba Rayon İcra Hakimiyyətinə 3,0 (üç) milyon manat ayrılıb. 

ŞƏRH YAZ
0

“Star” Neft Emalı Zavodunun əsas qazancı mənəvi dəyəridir — Ərdoğanın baş sözçüsü

“Star” Neft Emalı Zavodunun əsas qazancı mənəvi dəyəridir
15:01
Bu gün
532
Siyasət
A
Türkiyə prezidentinin baş sözçüsü, sabiq deputat Mehmet Akarca oktyabrın 19-da Türkiyədə açılış mərasimi keçirilən SOCAR-a məxsus “Star” Neft Emalı Zavodunun əhəmiyyətindən danışıb.

Mehmet Akarca "Ölkə.Az"a açıqlamasında bildirib ki, “Star” Neft Emalı Zavodu Türkiyəyə investisiya vəsaiti qoyulan layihələr arasında ən başda gedir: 

"Şübhəsiz ki, “Star” Neft Emalı Zavodu həm Türkiyəyə, həm də Azərbaycana böyük iqtisadi qazanc gətirəcək. Bu layihənin əsas qazancı mənəvi dəyəridir. Çünki “Star” Neft Emalı Zavodu iki qardaş ölkənin dostluğunun göstəricisidir. Bizim üçün bu layihə mənəvi baxımdan daha əhəmiyyətlidir". 

Baş sözçü deyib ki, “Star” Neft Emalı Zavodu dünya çapında çox böyük müəssisədir: 

"Azərbaycan və Türkiyə dövlət başçılarının iştirakı ilə bu zavodun açılması bütün Türk dünyasının sevincinə səbəb olub. SOCAR-a məxsus olan “Star” Neft Emalı Zavodu dünya əhəmiyyətli layihədir. Bu, həqiqətən də Azərbaycan-Türkiyə qardaşlığının növbəti bariz nümunəsidir. Dünya əhəmiyyətli "Star" Neft Emalı Zavodunun açılışı ilə həm Türkiyə, həm də Azərbaycan dünyada tanınacaq. Ona görə də bu zavodun açılışı bütün Türkiyəni məmnun edir".

Vasif Həsənli
Ölkə.Az

ŞƏRH YAZ
0

Bakı Şəhər İcra Hakimiyyətinin vəzifəli şəxsi işdən çıxarıldı

Bakı Şəhər İcra Hakimiyyətinin vəzifəli şəxsi işdən çıxarıldı
14:48
Bu gün
913
Siyasət
A
Bakı Şəhər İcra Hakimiyyətinin (BŞİH) Ticarət və Xidmət Departamentinin direktoru dəyişdirilib.

"Ölkə.Az" Report-a istinadən xəbər verir ki, departamentin direktoru Ramiz Hacıyev işdən çıxarılıb.

Həmin vəzifəyə İntiqam Məmmədov təyin olunub.

Xatırladaq ki, BŞİH başçısı səlahiyyətlərini icra edən Eldar Əzizovun imzaladığı əmrlərlə bundan əvvəl də İcra Hakimiyyətində kadr dəyişiklikləri olub.

ŞƏRH YAZ
0
BAĞLA