Qubada avtomobil qaz xəttinə çırpıldı — 1 ÖLÜ, 3 YARALI

Qubada avtomobil qaz xəttinə çırpıldı
14:03
12.09.2019
4528
Ölkə
A
Ölümlə nəticələn ağır yol nəqliyyat hadisəsi törətməkdə təqsirli bilinən Nicat Şalbuzovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Azər Paşayevin icraatına verilib.

Məhkəmə hazırlıq iclası sentyabr ayının 20-nə təyin olunub.

Qeyd edək ki, bu il avqustun 5-də Quba rayonu ərazisindəXaçmazın Əhmədova kənd sakini, 34 yaşlı Nicat Tahir oğlu Şalbuzov idarə etdiyi "VAZ-21074" markalı avtomobillə Quba şəhəri istiqamətinə gedərkən idarəetməni itirib. Nəticədə yoldan çıxaraq Püstəqasım kəndinin qaz xəttinə çırpılıb. Maşında olan 4 sərnişin-Xaçmazın Müzəffəroba kənd sakinləri 61 yaşlı Elmira Məmmədova, onun gəlini və nəvəsi-26 yaşlı Şəlalə, 6 yaşlı Dilşad Məmmədovalar, Qubanın Timiryazev qəsəbə sakini, 39 yaşlı Gülnarə Quliyeva Quba diaqnostika mərkəzinə çatdırılıblar.

Həkimlərin səyinə baxmayaraq nənə Elmira Məmmədovanı xilas etmək mümkün olmayıb.

Natiq Allahverdiyev
Ölkə.Az

 

ŞƏRH YAZ
0

Koronavirus təlaşı: “Qırmızı körpü”dən keçənlər yoxlanılmır? — VİDEO

Koronavirus təlaşı: “Qırmızı körpü”dən keçənlər yoxlanılmır?
23:36
Bu gün
54
Ölkə
A
Azərbaycanla Gürcüstan arasındakı “Qırmızı Körpü” keçid məntəqəsi fəaliyyətini davam etdirir. Gün ərzində bu sərhəd-keçid məntəqəsində fasilə yaranmayıb.

Buraxılış məntəqəsindən keçənlərin əksəriyyəti qoruyucu maskalardan istifadə edirlər. Elə sərhəd-keçid məntəqəsinin bütün əməkdaşları da qoruyucu maskalar taxır. Gürcüstandan fərqli olaraq, Azərbaycan tərəfdə vətəndaşlar nədənsə tibbi yoxlamadan keçmirlər. Apardığımız qısa sorğu belə deməyə əsas verir.

 

Vətəndaşların sözlərinə görə, Gürcüstandan Azərbaycana və ya Azərbaycandan Gürcüstana keçdikləri zaman Azərbaycan gömrüyündə onların tibbi müayinəsi aparılmır.

Gürcüstanda koronovirusun yayılması xəbəri qonşu ölkəyə gedənlərin də sayına təsir edib. Adi günlərdən fərqli olaraq, bu günlərdə Gürcüstana getmək istəyən Azərbaycan vətəndaşlarının sayında kifayət qədər azalma var. Elə keçid məntəqəsində müşahidə olunan seyrəklik də buna bariz nümunədir.

Dünən İrandan gələrək, Azərbaycandan tranzit keçməklə Gürcüstana gedən şəxsdə koronavirus aşkarlanıb. Yoxlama zamanı onun hərarətinin norma daxilində olduğu müəyyənləşdirilib, səhhətində şübhə doğuran əlamətlər qeydə alınmayıb.

Həmin vətəndaş  Qərb Ərazi Baş Gömrük İdarəsinin “Qırmızı Körpü” gömrük postu vasitəsilə ölkəni tərk edib. Gürcüstan kütləvi informasiya vasitələrində yayılan məlumatlardan aydın görünür ki, məhz xüsusi laboratoriyada aparılan müayinə və analizlərdən sonra həmin şəxsin virus daşıyıcısı olduğu müəyyən edilib.

ŞƏRH YAZ
0

"Tövbə edənlər koronavirusa yoluxmaz" — Hacıdan AÇIQLAMA

22:42
Bu gün
730
Ölkə
A
Sosial şəbəkələrdə bəzi dindarlar dünyanı cənginə alan ölümcül koronavirusun qiyamətin əlaməti olduğunu iddia edirlər.

"Ölkә.Az" bildirir ki, sözügedən məsələ ilə bağlı unikal.org “Seyid vəsiqəsi” verməklə gündəmə gələn Qafqaz Müsəlmanları İdarəsinin (QMİ) Masallı rayonundakı qazısı Hacı Mirqiyas Təhməzovun fikirlərini öyrənib. 

Hacı Mirqiyas Təhməzov koronavirusun qiyamətin əlaməti olmadığını dilə gətirib: “Qətiyən bu virusda qiyamətin əlaməti yoxdur. Bu virus yalnız insanların pis əməllərinin “bəhrəsidir” ki, görürük”. 

QMİ rəsmisi əlavə edib ki, dinimizdə belə bir bəlalı virusun aradan getməsi üçün dua da (ayə və yaxud surə) yoxdur:

“Bunun təkcə bir yolu var. Allaha sığınıb, tövbə etmək. Əgər insanlar pis əməllərinə görə tövbə etsələr belə bir virusa tutulmazlar. Yalan danışmaq, şərabxorluq, mərdiməzarlıq, ailəyə, başqasının namusuna sataşmağın bəlasıdır ki, gəlib boğazımıza keçib. Bu yer üzündə olan məxluqatın pis əməlinin mükafatıdır ki, Çindən başlayıb. Artıq bütün dünyanı ağuşuna alır. İranda məgər pis əməl sahibləri yoxdur? Bundan sonra da Allahın qadağan etdiyi hərəkətlərə “əməl edənlər” Yaradanın bəlasına düçar olacaqlar”.

ŞƏRH YAZ
0
BAĞLA