Qüdrət Həsənquliyev:" Nardaran hadisələrində xarici dövlətlərin xüsusi xidmət orqanlarının əli var idi"

Qüdrət Həsənquliyev:
12:58
02.12.2017
3025
Analitika
A
"Nardaranda belə bir əməliyyatın keçirilməsi tələbi ilə çıxış edən millət vəkillərindən biri mən olmuşam. Vaxtilə televiziya vasitəsi ilə ölkə rəhbərliyinə, hüquq-mühafizə orqanlarına müraciət etmişdim ki, Nardaran faktiki ölkənin yurisdiksiyasından kənara çıxıb, artıq gözləmək lazım deyil".

"Ölkə.Az" xəbər verir ki, bunu Nardaranda dini ekstremist qrupa qarşı keçirilən əməliyyatının ikinci ildönümü ilə bağlı APA-ya açıqlamasında millət vəkili, Bütöv Azərbaycan Xalq Cəbhəsi Partiyasının sədri Qüdrət Həsənquliyev bildirib.

 Q. Həsənquliyev deyib ki, o zaman qəsəbəyə daxil olanda insanda sanki başqa bir dövlətin ərazisində olması təəssüratı yaranırdı: "Divarlarda fərqli dillərdə şüarlar yazılmışdı, fərqli bayraqlar açılmışdı. Bu qəsəbədə bəzi insanlar açığı, Azərbaycan qanunlarına riayət etmirdilər. Xarici dövlətlərin xüsusi xidmət orqanları tərəfindən orda geniş iş aparılmışdı, çoxlu sayda insanlar əməkdaşlığa cəlb olunmuşdu, bunların bəzilərinin isə heç o kəndə aidiyyatı yox idi. Nəhayət, dövlət, hüquq-mühafizə orqanları öz sözlərini deməli idilər. Əks halda, gələcəkdə vəziyyəti hüquqi müstəviyə gətirmək üçün daha ağır nəticələr ola bilərdi. Təəssüf ki, Nardaranda hüquqi nizam-intizamın bərpa olunması üçün Daxili İşlər Nazirliyi tərəfindən keçirilən tədbir zamanı 2 polis əməkdaşı da daxil olmaqla, bir neçə nəfər həyatını itirdi. Amma biz bilirik ki, polis əməkdaşları vətəndaşların təhlükəsizliyini qorumaq, ictimai asayişi, dövlətin təhlükəsizliyini təmin etmək üçün həyatları ilə risk edirlər. Allah əməliyyat zamanı həyatını itirən polislərə rəhmət etsin. Əlbəttə, ağır itkidir. Amma bir daha deyirəm ki, iki il əvvəl Nardaranda keçirilən əməliyyatla dövlətçiliyimiz üçün daha böyük yarana biləcək təhlükələrin qarşısı alındı. Bu istiqamətdə də Daxili İşlər Nazirliyinin fəaliyyətini təqdir etmək və yüksək qiymətləndirmək lazımdır. Bu əməliyyatda itki verilsə də,  hər halda nizam-intizam bərpa olundu, dövlətimiz üçün hazırlanan böyük bir qəsdin, təhlükələrin qarşısı alındı".

Sonrakı mərhələdə Nardaranda abadlıq işlərinə başlandığını xatırladan millət vəkili qəsəbənin küçələrində Azərbaycan bayrağı qaldırıldığını söyləyib: "Nardaranda o vaxta qədər müxtəlif ekstremist qüvvələrin bayraqlarının da dalğalandığı olmuşdu.  Orda yalnız Azərbaycan bayrağı qaldırılanda insanlarımız rahat bir nəfəs aldılar ki, biz daha bir təhlükədən sovuşduq. Biz hamımız bir daha o əməliyyatda iştirak edən polis işçilərini minnətdarlıq hissi ilə qeyd etməliyik. Nardaranı ölkənin yuridiksiyasından kənara çıxarmağa çalışmış insanlar da layiqli cəzalarını aldılar".
 
Q. Həsənqulyev bəzi siyasi qüvvələrin aksiyalarında, çıxışlarında Nardaran əməliyyatı zaman həbs edilən və məhkəmə tərəfindən haqlarında hökm verilmiş insanları "siyasi məhbus" kimi təqdim etməyə çalışmalarına, onları azadlığa çıxmalarını tələb etməsinə də toxunub: “Əgər insanlar doğurdan da törətdikləri cinayətə görə peşmançılıq hissi keçirirlərsə, cəzalarının bir hissəsini çəkiblərsə, cəzaçəkmə yerlərində özlərini yaxşı aparıblarsa, qanunvericiliyimiz onların cəzalarının çəkilməmiş hissəsindən azad olunmasına imkan verir. Nardaranda da məsuliyyətə cəlb olunmuş çoxlu sayda insanlar artıq azad ediliblər. Amma orada təşkilatçılar, insanları qızışdırıb dövlət və hakimiyyət orqanları ilə üz-üzə qoymaq istəyənlər olub və o insanlar cəzalarını çəkəcəklər. Belələrindən haqq-ədalət uğrunda mübarizə aparan obrazını yaratmaq cəhdlərinə gəlincə, bəri başdan deyim ki, belə cəhdlər cəmiyyət tərəfindən lənətlənir". 

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
255
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
295
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA