Qurban Qurbanov: “Azarkeşlər “Qarabağ”ı daha çox sevməyə başlayıblar” — VİDEO

Qurban Qurbanov: “Azarkeşlər “Qarabağ”ı daha çox sevməyə başlayıblar”
11:07
11.11.2017
2188
İdman
A
“Hazırda qrupda iki element var. Minimum Avroliqada iştirak etmək və ya Çempionlar Liqasında mübarizəni davam etdirmək”.

"Ölkə.Az" xəbər verir ki, bunu “Lider” telekanalına müsahibəsində “Qarabağ” klubunun və Azərbaycan yığmasının baş məşqçisi Qurban Qurbanov deyib.

Baş məşqçi bildirib ki, bu gün Avroliqaya düşmək imkanımız və şansımız var: ““Atletiko” klubu mübarizəni Çempionlar Liqasında davam etdirməyi düşünür. Ona görə də ən ağır bizim üçün olacaq. Qrupda olan komandaların hansı gücdə olduğunu bilirsiniz. Biz çalışırıq ki, düzgün hazırlaşaq və rəqiblərə düzgün yanaşaq”. 

Q.Qurbnov “Çelsi” ilə oyunda azarkeşlərlə bağlı problemlərin yaşanmayacağını qeyd edib:

“Azarkeşlər “Qarabağ”ı daha çox sevməyə başlayıblar. Oyundan-oyuna azarkeşlərimizin sayının artdığını hiss edirik. Hər oyundan sonra bizə olan müraciətlərdə bunu görürük. Biz azarkeşlərimizə inanırıq və bilirik ki, bizimlə olacaqlar”.

ŞƏRH YAZ
0

Millimiz İtaliya yığmasına uduzdu

Millimiz İtaliya yığmasına uduzdu
23:38
25.09.2018
166
İdman
A
Dünya çempionatının keçiriləcəyi Yaponiyada təlim-məşq toplanışında olan voleybolçu qadınlardan ibarət Azərbaycan milli komandası yoldaşlıq görüşünə çıxıb.

"Ölkə.Az"ın "Report"a istinadən məlumatına görə, rəqib İtaliya yığması olub.

Senday şəhərində keçirilmiş qarşılaşma Faiq Qarayevin baş məşqçisi olduğu kollektivin məğlubiyyəti ilə yekunlaşıb - 0:3. İtaliya voleybolçuları setləri 25:21, 25:19 və 25:20 hesablı üstünlüklə başa vurublar.

İki komanda sentyabrın 26-da yenidən üz-üzə gələcək.

Azərbaycan millisi Cənubi Koreya, Rusiya, Tailand, ABŞ, Trinidad və Tobaqo ilə C qrupunda yer alıb. İtaliya isə B qrupunda Bolqarıstan, Kanada, Çin, Kuba, İtaliya və Türkiyəyə qarşı mübarizə aparacaq. Çempionata sentyabrın 29-da start veriləcək. İlk turda Azərbaycan ABŞ-la, İtaliya Bolqarıstanla qarşılaşacaq.

Ölkə.Az

ŞƏRH YAZ
0

"Qarabağ" - "Arsenal" oyununa 20 min bilet satılıb

16:18
25.09.2018
474
İdman
A
Avropa Liqasında “Qarabağ” və İngiltərənin ”Arsenal” komandaları arasında keçiriləcək II tur matçına indiyədək satılan bilet sayı açıqlanıb.

“Ölkə.Az” Ağdam klubunun rəsmi "facebook" səhifəsinə istinadən xəbər verir ki, artıq 20 min bilet sahibini tapıb.

Oyunun keçiriləcəyi Bakı Olimpiya Stadionu 70 minədək tamaşaçı tutumuna malikdir. Biletlərin qiymətləri 2 manat, 5 manat, 15 manat, 20 manat və 50 manatdır. Onları Qarabağ FK Fan-şop ("Park Bulvar"), İticket kassaları, Sumqayıt şəhəri ("ASAN Xidmət"), "28 Mall" və "Gənclik Mall"dan almaq mümkündür.

Qeyd edək ki, “Qarabağ” - ”Arsenal” oyunu oktyabrın 4-ü saat 20:55-də keçiriləcək.

ŞƏRH YAZ
0
BAĞLA