Qurban Qurbanov "Çelsi" matçından öncə inamlı danışdı

Qurban Qurbanov
11:26
11.09.2017
101
İdman
A
“Avropanın ən nüfuzlu klub turnirində çıxış etmək bizim çoxdankı arzumuz idi”.

"Ölkə.Az" "Report"a istinadən xəbər verir ki, bunu “Qarabağ” futbol komandasının baş məşqçisi Qurban Qurbanov komanda ilə bağlı yazı dərc edən “Frans Press” agentliyinə açıqlamasında deyib.

45 yaşlı mütəxəssis bildirib ki, Ağdam təmsilçisinin Çempionlar Liqasının (ÇL) qrup mərhələsindəki rəqibləri çox güclü və təcrübəlidirlər. O, “Qarabağ”ın döyüşdən əvvəl təslim olmayacağını söyləyib: “Biz yüksək rəqabət səviyyəsini püşkatma nəticəsində İngiltərə, İtaliya və İspaniyanın top-klubları ilə eyni qrupda düşdükdən dərhal sonra hiss etdik. Qrupdakı rəqiblərimiz çox güclü və təcrübəlidirlər. Amma bu, döyüşdən əvvəl təslim olacağımız demək deyil. Biz hər bir matçda dişimiz və dırnağımızla mübarizə aparmağa hazırıq”.

Qurbanov sentyabrın 12-də İngiltərədə "Çelsi"yə qarşı keçirəcəkləri qarşılaşmanın çətin və ağır olacağını vurğulayıb. Baş məşqçi üzərlərinə düşən işi layiqincə yerinə yetirməyə çalışacaqlarını deyib: “Yarışa Londonda başlayırıq. “Stemford Bric”dəki oyun bizim üçün çox çətin və ağır olacaq. Üzərimizə düşən işi layiqincə yerinə yetirəcəyimizə ümid edirik”.

Nüfuzlu agentliyin hazırladığı geniş məqalədə Nərmin Vəliyeva adlı “Qarabağ” azarkeşinin də fikirlərinə yer verilib. O, Ağdam klubunun uğurunun hər kəsi birləşdirdiyini qeyd edib: “Qarabağ”ın uğuru cavan və qocaları, kişilərlə qadınları, bütün Azərbaycan klublarının tərəfdarlarını birləşdirdi. Onlar ölkədə bizim favoritimizdirlər. “Qarabağ”ın işğal olunmuş bölgəni təmsil etməsi xüsusilə önəmlidir. İndi bütün dünya bizim problemdən xəbər tutacaq”.
Yazıda erməni separatçılarının 1990-cı illərin əvvəllərində Dağlıq Qarabağı işğal etmələri, “Qarabağ”ın ÇL-in “C” qrupundakı ev oyunlarını Ağdamdan 365 km uzaqda yerləşən Bakıda keçirdiyi qeyd olunub.

“Qarabağ”ın 1951-ci ildə yerli fermerlərin həmkarlar ittifaqı tərəfində təsis olunduğu, komandanın 1991-ci ilə qədər SSRİ-nin II divizonda çıxış etdiyi diqqətə çatdırılıb. Həmçinin, Ağdam təmsilçisinin 2001-ci ildə “Azərsun Holding”in himayəsinə keçənə qədər maddi çətinliklərlə üzləşdiyi, stabil maliyyə qaynağının komandanın ardıcıl 4 dəfə ölkə çempionu olmasına köməklik göstərdiyi yazılıb.

Məqalədə “Qarabağ”ın heyətində Dino Ndlovu, Miçel, Dani Kintana və Riçard Almeyda kimi legionerlərin yer aldığı xatırladılıb, “Qafqazın Barselonası” kimi xarakterizə edilən Ağdam komandasının Gürcüstan “Samtredia”sı, Moldova “Şerif”i və Danimarka “Kopenhagen”ini mübarizədən kənarlaşdıraraq, ÇL-in qrup mərhələsinə vəsiqə qazanan ilk Azərbaycan klubu olduğu vurğulanıb.

ŞƏRH YAZ
0

Qış Olimpiya Oyunlarında Azərbaycanın bayraqdarı kim olacaq?

Qış Olimpiya Oyunlarında Azərbaycanın bayraqdarı kim olacaq?
16:55
22.01.2018
381
İdman
A
Cənubi Koreyanın Pxençxan şəhərində keçiriləcək XXIII Qış Olimpiya Oyunlarında Azərbaycan nümayəndə heyətinin tərkibi və bayraqdar müəyyənləşib.

 "Ölkə.Az" xəbər verir ki, bu barədə "Report"a Milli Olimpiya Komitəsinin (MOK) beynəlxalq əlaqələr İdarəsinin müdiri və Azərbaycanın şef de-missionu Anar Bağırov məlumat verib.

Onun sözlərinə görə, fevralın 9-da start götürəcək olimpiadanın Açılış mərasimində bayraqdar funksiyasını ölkənin yeganə təmsilçisi Patrik Braxner yerinə yetirəcək. Braxner slalom və böyük slalom yarışlarına qatılacaq.

A.Bağırov bildirib ki, əvvəlki qış olimpiadalarında nümayəndə heyətinin istənilən üzvü bayrağı daşımaq imkanına malik olub. Amma bu dəfə Beynəlxalq Olimpiya Komitəsi ölkə bayrağını yalnız idmançının daşımalı olduğuna dair tələb irəli sürüb. Ona görə də bu missiyanı elə avstriyalı legionerin özü yerinə yetirməli olacaq.

Nümayəndə heyətində isə ümumilikdə 11 nəfər, o cümlədən, MOK-un vitse-prezidenti Çingiz Hüseynzadə, baş katibin müavini Azər Əliyev, gənclər və idman nazirinin müavini İsmayıl İsmayılov, nazirliyin idman şöbəsinin müdiri Fərid Mansurov, Azərbaycan Dağ Xizəkçiliyi Federasiyasının prezidenti Rauf Xəlilov yer alacaq.

Braxner ardıcıl ikinci olimpiadada Azərbaycanı təmsil edəcək. O, 2014-cü il Soçi Qış Olimpiya Oyunlarında da iştirak edib. Həmin vaxt böyük slalom növündə 53-cü yeri tutmuş Braxner slalomçuların mübarizəsində finişə çata bilməyib.

Qeyd edək ki, ümumilikdə 2500 idmançının qatılacağı "Pxençxan-2018"ə fevralın 25-də yekun vurulacaq. 

ŞƏRH YAZ
0

Kriştianu Ronaldu oyun vaxtı al-qana qərq oldu — VİDEO

Kriştianu Ronaldu oyun vaxtı al-qana qərq oldu
13:12
22.01.2018
648
İdman
A
"Real Madrid" klubunun hücumçusu Kriştianu Ronaldu İspaniya çempionatında zədələnib.

 "Ölkə.Az" xəbər verir ki, "Deportivo" ilə oyun vaxtı portuqaliyalı oyunçu yerə düşən topa kəllə vurmaq istəyib. Rəqib komandanın müdafiəçisi isə səhvən top yerinə Ronaldunun başına təpik vurub.

Nəticədə Ronaldunun başı partlayıb və o, meydançanı tərk etmək məcburiyyətində qalıb. Meydançanı tərk edən futbolçu telefon vasitəsilə sifətini nəzərdən keçirib. Ronaldu gördüyü mənzərədən narazı qalıb.

Qeyd edək ki, 7-1 "Real Madrid"in qələbəsi ilə başa çatan oyunda Ronaldu 2 qola imza atıb.

Hikmət Həsənov
Ölkə.Az

ŞƏRH YAZ
0
BAĞLA