Qurban Qurbanov: "Əfran İsmayılov mayın 21-dək komandamızın oyunçusudur"

Qurban Qurbanov:
23:43
16.05.2018
2768
İdman
A
"U-20 yığmasının ilk oyunu idi. Çalışdılar ki, qələbə ilə başlasınlar, amma hardasa 5-7 dəqiqəni uduzdular. Maraqlı alındı, darıxdırıcı matç olmadı. İlk hissədə yaxşı qol imkanları oldu, ikinci hissədə ümumiyyətlə, qolların arasındakı vaxtı çıxsaq, yaxşı oynadılar. Razı qaldım, yaxşı düşünülmüş əks hücumlar edirdik. Bəzi oyunçulardan razı qaldım. Bununla belə, bir neçə gündü yığışmış, normal komandadır".

"Ölkə.Az" xəbər verir ki, bunu "Report"a açıqlamasında Azərbaycan millisinin və "Qarabağ" klubunun baş məşqçisi Qurban Qurbanov 20 yaşadək futbolçulardan ibarət yığmanın Gürcüstandan olan həmyaşıdlarına 1:2 hesabı ilə uduzduğu yoldaşlıq görüşünü dəyərləndirərkən deyib.

46 yaşlı mütəxəssis digər sualları da cavablandırıb...

Bu oyunda sizi ən çox narahat edən nə oldu?

- Dediyim kimi, ikinci hissədə 5-7 dəqiqə oyuna nəzarəti itirdik, başqa ciddi bir şey olmadı.

Legioner oyunçular meydanda digərlərindən fərqlənirdilər?

- Bəzi oyunçular fərqlənir. Məsələn, Ziyanın düşüncəsi, ağlı, oyunu aparmağı mənim üçün maraqlı oldu. Ozancan Kökcü sonradan girdi. Aqressivlik və sürəti diqqət çəkir. Fərid və Kamran da pis deyildi. Hər oyunçunun özünəxas xüsusiyyyətləri var və fərqlənirdi.

Rəşad Sadıqov komandasının buraxdığı hər iki qoldan sonra əsəbləşdi. Amma siz “Qarabağ”ın oyunlarında qapınızda qol görəndə daha sakit və soyuqqanlı olursunuz. Bu yaşla, yoxsa xarakterlə əlaqədardır?

- Rəşada həmin vaxt baxmadım, amma səhvlər varsa, etiraz da olacaq. Normaldır. Ümumiyyətlə, gənclər daha çox səhvlər edirlər. Bəlkə biz də onun yerində olsaq, həmin reaksiyanı verərdik.

Sizə elə gəlmirmi ki, bu komanda U-21-ə nisbətən daha istəklidir?

- Bugünkü futbolda istəkli və aqressiv olmaq ən vacib amillərdən biridir. Görünür Rəşad bunu komandasına aşılaya bilib.

Milli komandanın heyətini nə vaxt açıqlayacaqsınız?

- Mayın 21-də. Artıq 20-də üç oyun baş tutacaq. Bircə “Qarabağ”ın “Qəbələ” ilə matçı qalacaq. Günün ilk yarısında heyət elan olunacaq.

Millinin oyunu olsa da, “Qarabağ” barədə də sualımız var. Bəzi oyunçuların komandadan gedəcəyi deyilir. Heyətdə dəyişikliklərə başlamısınız?

- Hələ heç bir oyunçu ilə bağlı qərar verməmişik. Kim komandada qalacaq, kim gedəcək, onların hər biri ilə təkbətək söhbət edilib, özlərinə elan olunacaq.

Əfran İsmayılov hələ komandadır?

- Bəli, ayın 21-nə kimi komandamızın oyunçusudur.

Ölkə.Az

ŞƏRH YAZ
0

İlin ən yaxşı futbolçusu açıqlandı

İlin ən yaxşı futbolçusu açıqlandı
01:28
Bu gün
128
İdman
A
İngiltərənin paytaxtı Londonda FIFA ötən ilin ən yaxşı futbolçusunun adını açıqlayıb.

"Ölkə.Az" xəbər verir ki, FIFA-nın prezidenti Canni İnfantino bu mükafatı İspaniyanın “Real Madrid” klubunun və Xorvatiya millisinin yarımmüdafiəçisi Luka Modriç təqdim edib.

Xorvatiyalı 2017/2018-ci il mövsümündə “Real Madrid” klubunun heyətində UEFA Çempionlar Liqasının qalibi olub. Həmçinin futbolçu Rusiyada keçirilən dünya çempionatının finalçısıdır. Modriç İngiltərənin “Liverpul” klubunun misirli hücumçusu Məhəmməd Salah və hazırda İtaliyanın “Yuventus” komandasında forma geyinən portuqaliyalı forvard Kriştianu Ronaldunu qabaqlayıb.

Ən yaxşı qadın futbolçu adına altıncı dəfə braziliyalı Marta layiq görülüb. Hazırda ABŞ-ın “Orlando Prayd” klubunda çıxış edən 32 yaşlı hücumçu Ada Hegersberq (“Lion” Fransa, Norveç) və Cenifer Marojanı (“Lion” Fransa, Almaniya) üstələyib.

Qadınlardan ibarət komandalar arasında ən yaxşı baş məşqçi nominasiyasında Reynal Pedros fərqləndirilib. O, Fransa “Lion”una Çempionlar Liqasını qazandırıb. Pedros Yaponiya millisindəki həmkarı Asako Takakura və Almaniya yığmasına rəhbərlik edən Sarina Viqmandan üstün olub.

Rəmzi yığmanın tərkibi isə belə olub: David De Xea, Dani Alveş, Marselo, Serxio Ramos, Rafael Varan, Eden Azar, Nqolo Kante, Luka Modriç, Kriştianu Ronaldu, Kilian Mbappe, Lionel Messi. Ronaldu və Messi mükafatlandırma mərasimində iştirak etməyib.

“Fair Play” mükafatına Türkiyənin “Erzurumspor BB” klubunun almaniyalı hücumçusu Lennart Tay layiq görülüb. Ən yaxşı fanat nominasiyasında isə Peru azarkeşləri birinci yeri tutub.

Ölkə.Az

ŞƏRH YAZ
0

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb
20:29
24.09.2018
391
İdman
A
Gürcüstanın Batumi şəhərində keçirilən 43-cü Ümumdünya Şahmat Olimpiadasına start verilib.

"Ölkә.Az" report-a istinadla xәbәr verir ki, Azərbaycanın kişilərdən ibarət əsas milli komandası ilk turda Beynəlxalq Fiziki Məhdudiyyətli Şahmat Assosiasiyasının (İPCA) kollektivi ilə üz-üzə gəlib.

Görüşlərdən sonra üstünlük əsas milli komandanın tərəfində olub. Arkadi Naydiç və Teymur Rəcəbov rəqibləri ilə heç-heçə edib. Eltac Səfərli və Rauf Məmmədov isə görüşlərini qələbə ilə başa vurublar.

Azərbaycan - Beynəlxalq Fiziki Məhdudiyyətli Şahmat Assosiasiyasının (İPCA) komandası - 3:1

Teymur Rəcəbov (2751) - İqor Yarmanov (2376) - 0,5:0,5

Arkadi Naydiç (2721) - Andrey Qurbanov (2305) - 0,5 - 0,5

Rauf Məmmədov (2699) - Dmitri Scerbin (2264) - 1:0

Eltac Səfərli (2676) - Andrey Tersinsev (2194) - 1:0 

Ölkә.Az

ŞƏRH YAZ
0
BAĞLA