Qurban Qurbanov ehtiyatlı danışdı — “Uduzmaq faciə deyil”

Qurban Qurbanov ehtiyatlı danışdı
22:38
09.07.2019
1451
İdman
A
“Bizi çətin oyun gözləyir. Ötən il də Albaniyada oynamışıq, bilirik ki, azarkeşləri sona qədər komandalarını dəstəkləyir və futbolçuları çox xarakterlidir. Onu da bilirik ki, rəqibə yeni baş məşqçi gəlib, yeni sistem var, bizə məlum olmayan sürprizlər gözləyirik və buna hazır olmalıyıq”.

“Ölkə.Az” xəbər verir ki, bu fikirləri “Qarabağ”ın baş məşqçisi Qurban Qurbanov Albaniyada “Partizani” ilə keçirəcəkləri Çempionlar Liqasının I təsnifat mərhələsinin ilk oyunundan əvvəl mətbuat konfransında deyib.

47 yaşlı mütəxəssis bildirib ki, bu mərhələdə uduzmağı komandası üçün faciə saymaq düzgün deyil: “Dünya futbolunda hər şey ola bilər. Önəmlisi səhvlərdən nəticə çıxarmağı bacarmaqdır. Biz burada qələbə istəyirik, amma hər zaman sərfəli nəticə qazanmaq daha vacibdir. Bəzən qol buraxmamağı da uğurlu nəticə saymaq olar”.

Oyun günü gözlənilən isti hava şəraitini düşünmədiklərini vurğulayan baş məşqçi hər cür hava şəraitinə hazır olmalarının vacibliyini dilə gətirib. Onun sözlərinə görə, əsas iş tam konsantrasiya olmaq və oyun intizamını saxlamaqdır.

Baş məşqçi “Qarabağ”dan ayrılan Ansi Aqollinin təkcə komandadan yox, ailədən getdiyini də vurğulayıb: “Bir baş məşqçi kimi arzulamışam ki, komandamda Aqolli kimi yaxşı insan və futbolçular çox olsun”.

Qeyd edək ki, iyulun 10-da Tiranada keçiriləcək matç Bakı vaxtı ilə saat 19:30-da başlanacaq.

Ölkə.Az

ŞƏRH YAZ
0

““Qarabağ"ın büdcəsi bizdən qat-qat çoxdur” — Franko Lerda

““Qarabağ
23:12
16.07.2019
960
İdman
A
"Partizani"nin baş məşqçisi Franko Lerda “Qarabağ”la oyundan öncə mətbuat konfransı keçirib.

“Ölkə.Az” xəbər verir ki, o, ilk oyundakı nəticədən sonra Bakıya ümidli gəldiklərini söyləyib:

“Mərhələ adlamaq üçün əlimizdən gələni edəcəyik. Bura turist kimi gəlməmişik. Var gücümüzlə çıxış edəcəyik. İlk oyun geridə qalıb. Cavab matçında uğurlu nəticə qazanmağa çalışacağıq. Qələbə qazanacağımıza 100 faiz əmin deyilik. "Qarabağ"ın büdcəsi bizdən qat-qat çoxdur. Amma futbolda hər şey ola bilər”.

Qeyd edək ki, “Partizani” sabah Çempionlar Liqasının I təsnifat mərhələsi çərçivəsində "Qarbağ"ın qonağı olacaq.

Ölkə.Az

ŞƏRH YAZ
0

“Bizim üçün o qədər də uyğun rəqib deyil” — Qurbanov ehtiyatlı danışdı

“Bizim üçün o qədər də uyğun rəqib deyil”
20:29
16.07.2019
795
İdman
A
“İlk oyunda rəqibi tanıdıq. Bizim üçün ciddi rəqibdi, oyun intizamı yüksəkdi, aqressiv müdafiə olunurlar”.

“Ölkə.Az” xəbər verir ki, bunu “Qarabağ”ın baş məşqçisi Qurban Qurbanov bildirib.

O, Albaniyanın “Partizani” komandası ilə UEFA Çempionlar Liqasının I təsnifat mərhələsinin cavab oyunundan öncə deyib ki, “Qarabağ” üçün ağır oyun olacaq:

“İlk matçda bizə çox çətinliklər yaratdılar. Sürətli əks-hücumlar qura bilirlər. "Partizani" bizim üçün o qədər də uyğun rəqib deyil. Ancaq belə komandalara qarşı əvvəllər də oyunlarımız olub. Onların açıqlamalarından da görünür ki, çox istəklidirlər. Çalışacağıq ki, həddən artıq diqqətli və intizamlı oynayaq. Azarkeşlərimizi sevindirmək istəyirik".

Qurbanov oyunları keçirmək istədiyi stadiuondan da danışıb və bunları deyib:

“Son illərdə bir stadionda oynaya bilmirik. Bu barədə danışmaq istəməzdim. Bu amil bizə mənfi təsir göstərir. Bizim üçün ən uyğun arena Tofiq Bəhramov adına Respublika stadionudur. Ancaq istənilən meydanda oynamalıyıq”.

Qeyd edək ki, sabah “Dalğa Arena”da keçiriləcək “Qarabağ” – “Partizani” oyunu saat 21:00-da başlanacaq. İlk oyun 0:0 başa çatmışdı.

Ölkə.Az

ŞƏRH YAZ
0
BAĞLA