Qurban Qurbanov: Hamı fikirləşirdi ki, biz xal toplamayacağıq

Qurban Qurbanov: Hamı fikirləşirdi ki, biz xal toplamayacağıq
22:44
04.12.2017
2081
İdman
A
"Son oyunu keçirəcəyik. Nəticədən razı qala bilmərik. Amma böyük faydası oldu, təcrübə topladıq. Ola bilsin, "Roma"nın şansı bu oyundan asılı olsun. Amma futbolçularım özlərini göstərmək üçün bu, böyük imkan olacaq".

Ölkə.Az qol.az-a istinadən xəbər verir ki, bu sözləri "Qarabağ"ın baş məşqçisi Qurban Qurbanov  Çempionlar Liqasının qrup mərhələsinin sonuncu turunda "Roma" ilə oyun öncəsi keçirilən mətbuat konfransında deyib. Daha sonra o, jurnalistlərin suallarını cavablandırıb.
 
- Hansı baş məşqçi sizdə xoş təsir bağışladı, Konte yoxsa Di Françesko?

- Hər ikisi barədə xoş söz deyə bilərəm. Amma hərəsi öz oyun üslubu var. Onları bir-birindən ayırmazdım. "Çelsi"nin qapısından 2 oyuna 6 qol keçirmək asan deyil. Ona görə də bizi necə rəqibin gözlədiyini bilirik.
 
- "Qarabağ" sabah meydana nə üçün çıxacaq?

- Bu, son böyük oyundur. Hər bir matç bizə böyük təcrübə, inam verir. Sabah daha yaxşı oyun göstərəcəklər. Təzyiq altda yox, rahat oynamağa çalışacağıq.
 
- Amma böyük oyuna ciddi itkilərlə çıxacaqsınız...
 
- Belə bir görüşdə 3 əsas müdafiəçimizin olmaması böyük problemdir. Amma çempionat ərzində rotasiya etmişik. Pedro Enrike də oynamayacaq. Amma ən yaxşı oyununu sərgiləyəcəklərinə inanıram.
 
- Sizcə, bundan çox xal toplamaq olardı?
 
- Real baxmalıyıq. Qrupa düşəndə hamının fikri ola bilər ki, 0 xalımız olsun idi. Amma "Atletiko"dan 2 xal götürdük. Qazancımız belə ölkələrin Bakıya gəlməsi idi. Uduşlarımız çoxdur. Həm "Qarabağ", həm də Azərbaycan futbolu böyük təcrübə qazandı. Razıyam. Amma bəzi problemlər olmasaydı, daha böyük nəticələr göstərə bilərdik.
 
- "Roma" ilə oyunda şanssız məğlubiyyət aldınız. Bakıdakı matçdan sonra komandada nələr dəyişdi?
 
- Əlbəttə, rəqibin gücünü daha yaxından tanıdıq. İlk 20 dəqiqəni çıxsaq, yaxşı oynadıq. Komandada özünəinam yarandı. Futbolçularda özünəinamın çoxalması və meydanda ortaya qoymaları çox vacibdir. İlk oyunla müqayisədə bu gün futbolçularım özlərini daha inamlı hiss edirlər.

- Millidə vəzifənizin icrasına başlamısınız. Yoxlama oyunları üçün rəqiblərinizi və köməkçilərinizi müəyyənləşdirmisiniz?
 
- Milli barədə çox məlumat vermək istəmirəm. Yanvarda ilk oyunumuz olacaq. Rəqib axtarırıq. Bu yaxınlarda açıqlama veriləcək. Az da olsa, hazırda vaxt ayırıram.

ŞƏRH YAZ
1

Floyddan Həbibə yeni mesajlar — “Mənim artıqlarımla döyüşürsən”

Floyddan Həbibə yeni mesajlar
22:28
18.10.2018
2755
İdman
A
Amerikalı boksçu Floyd Meyvezer ona meydan oxuyan Həbib Nurməhəmmədova yeni mesaj göndərib.

“Ölkə.Az” xəbər verir ki, Floyd döyüşə hazır olduğunu qeyd edib.
Həbibin Makqreqoru nakaut etdiyi ilə bağlı sözlərinə Meyvezer belə cavab verib: “Mən özüm özümün rəhbəriyəm. Həbib nə düşünür bilmirəm, amma mən döyüşə hazıram. Eşitdim ki, Həbib mənim Makqreqoru nakaut edə bilmədiyimi deyirmiş. Olsun da, Həbib, demək ki, sən mənim artıqlarımla döyüşürsən”.

İkilinin matçı hələ baş tutmayıb, lakin böyük qarşılaşmanın 2019-cu ilin il aylarında gerçəkləşəcəyi gözlənilir.

Ölkə.Az

 

ŞƏRH YAZ
0

Cüdoçumuz 8 qat dünya çempionu oldu

Cüdoçumuz 8 qat dünya çempionu oldu
11:21
18.10.2018
937
İdman
A
Meksikanın Kankun şəhərində veteran cüdoçular arasında dünya çempionatına start verilib.

"Ölkə.Az" xəbər verir ki, yarışın ilk günündə Azərbaycan millisi bir qızıl medal qazanıb. Fərhad Rəcəbli M-6 kateqoriyası üzrə 90 kq çəki dərəcəsində Rusiya, ABŞ və Braziliyadan olan rəqiblərini məğlub edərək, fəxri kürsünün ən yüksək pilləsinə qalxıb. 

Qeyd edək ki, bu, Rəcəblinin usta cüdoçular arasında qazandığı 8-ci dünya çempionluğudur.

ŞƏRH YAZ
0
BAĞLA