Qurban Qurbanov məğlubiyyətin səbəblərindən DANIŞDI

Qurban Qurbanov məğlubiyyətin səbəblərindən DANIŞDI
00:06
14.08.2019
1136
İdman
A
"Təəssüf ki, uduzduq. İki oyunun yekununda mərhələ adlamağı çox istəyirdik. Bəzən gözlənilməz nəticələr olur. Rəqibin təhlükəli epizodunu xatırlamıram. Amma biz belə imkanlardan yararlana bilmədik".


"Report"un məlumatına görə, bunu "Qarabağ"ın baş məşqçisi Qurban Qurbanov Bakıda Kipr APOEL-inə 0:2 hesabı ilə uduzduqları UEFA Çempionlar Liqasının III təsnifat mərhələsinin cavab görüşündən sonra mətbuat konfransında deyib. O, rəqibdən zəif çıxış etmələri ilə razılaşmayıb: 

"Bəlkə də biz oyuna fərqli baxırıq. Bəzi epizodları saymasaq, komandamın çıxışından razı qaldım. Məğlub olduqdan sonra çoxlu sual ortaya çıxır. Bədavi Hüseynov və Filip Ozobiç meydanda olsaydılar, digər variantlarımız da olardı. Simeon Slavçevin ağır təsir bağışlaması ilə razı deyiləm. Onun da bir neçə imkanı oldu".

Qurbanov APOEL-in həddən artıq istəkli çıxışı sayəsində qələbəyə nail olduğunu əlavə edib: "Uduzmuşuqsa, rəqibi təbrik etməliyik".

Baş məşqçi hakimliklə bağlı fikirlərini də bölüşüb: "Bir neçə epizodda baş hakim cərimə zərbəsini əks tərəfə verməli idi. Riçard Almeyda bir qədər emosional davrandı. Növbəti oyunumuzu Rahil Məmmədov da sarı vərəqə limitini doldurduğu üçün buraxmalı olacaq".

Ölkə.Az 

ŞƏRH YAZ
0

UFC Həbiblə Konorun revanş görüşünü təşkil edə bilər

UFC Həbiblə Konorun revanş görüşünü təşkil edə bilər
01:16
Bu gün
202
İdman
A
UFC prezidenti Deyn Uayt Konor Makqreqorla Həbib Nurməhəmmədov arasında təkrar görüş keçirilməsinə etiraz etmir.

"Ölkə.Az" bildirir ki, Həbiblə Konor arasındakı məşhur döyüşdən bir ildən çox vaxt keçsə də, hələ də bu mövzuda mübahisələr davam etməkdədir. O vaxtdan Həbib çempionluq titulunu qorumaq üçün Puarye ilə görüşüb qalib gəlsə də, bu döyüş elə də gündəmdə qalmadı. İndi təşkilatçılar Həbiblə Konor arasında revanş görüşün keçirilməsi haqqında ciddi düşünürlər. Lakin bunun üçün bir neçə şərt var.

UFC prezidenti “Rich Eisen Show” proqramında bu şərtləri açıqlayıb:

“Əvvəlcə Konor Kovboya qalib gəlməlidir – bu çox çətin olacaq, xüsusilə orta çəkidə. Bir də Həbib Toni Ferqyusonu məğlub etməlidir. Əgər hər iki döyüşçü qalib gəlsə, biz onların revanşını təşkil edə bilərik”.

Qeyd edək ki, Makqreqor növbəti döyüşünü gələn ilin 18 yanvarında Las-Veqasda, Həbib isə 18 apreldə keçirəcək.

ŞƏRH YAZ
0

Şenol Günəş Elxan Məmmədova Türkiyə millisinin formasını bağışladı — FOTO

Şenol Günəş Elxan Məmmədova Türkiyə millisinin formasını bağışladı
02:03
06.12.2019
551
İdman
A
Bu gün AFFA-nın inzibati binasında baş katib Elxan Məmmədov Türkiyə milli komandasının baş məşqçisi Şenol Günəşlə görüşüb.

"Ölkə.Az" bildirir ki, görüş zamanı Türkiyə milli komandasının Avro-2020-nin final mərhələsinin A qrupunda iki oyununu Bakı Olimpiya Stadionunda keçirəcəyi ilə bağlı məmnunluq hissləri ifadə edən fikirlər səsləndirilib.  

Qeyd olunub ki, oyunların məhz Bakıda keçirilməsi türkiyəli azarkeşlərin doğma komandalarını dəstəkləməsi üçün məsafə və atmosfer baxımından daha rahat olacağı bildirilib.  

Eyni zamanda, ölkəmizdə olan çoxsaylı Türkiyə futbolu azarkeşlərinin sevimli komandalarına doğma meydan əhval-ruhiyyəsi yarada biləcəyi vurğulanıb.  

Elxan Məmmədov Türkiyə milli komandasına Avropa çempionatında uğurlar arzulayıb, Şenol Günəş isə öz növbəsində səmimi qəbula görə təşəkkürünü bildirib.  

Qeyd edək ki, Şenol Günəş Türkiyə millisinin Bakıda məşq edəcəyi Bakı Olimpiya Stadionu, Tofiq Bəhramov adına Respublika Stadionu və “Bakcell Arena”nın durumuna nəzər salıb. 

ŞƏRH YAZ
0
BAĞLA