Qurban Qurbanov məğlubiyyətin səbəblərindən DANIŞDI

Qurban Qurbanov məğlubiyyətin səbəblərindən DANIŞDI
00:06
14.08.2019
1141
İdman
A
"Təəssüf ki, uduzduq. İki oyunun yekununda mərhələ adlamağı çox istəyirdik. Bəzən gözlənilməz nəticələr olur. Rəqibin təhlükəli epizodunu xatırlamıram. Amma biz belə imkanlardan yararlana bilmədik".


"Report"un məlumatına görə, bunu "Qarabağ"ın baş məşqçisi Qurban Qurbanov Bakıda Kipr APOEL-inə 0:2 hesabı ilə uduzduqları UEFA Çempionlar Liqasının III təsnifat mərhələsinin cavab görüşündən sonra mətbuat konfransında deyib. O, rəqibdən zəif çıxış etmələri ilə razılaşmayıb: 

"Bəlkə də biz oyuna fərqli baxırıq. Bəzi epizodları saymasaq, komandamın çıxışından razı qaldım. Məğlub olduqdan sonra çoxlu sual ortaya çıxır. Bədavi Hüseynov və Filip Ozobiç meydanda olsaydılar, digər variantlarımız da olardı. Simeon Slavçevin ağır təsir bağışlaması ilə razı deyiləm. Onun da bir neçə imkanı oldu".

Qurbanov APOEL-in həddən artıq istəkli çıxışı sayəsində qələbəyə nail olduğunu əlavə edib: "Uduzmuşuqsa, rəqibi təbrik etməliyik".

Baş məşqçi hakimliklə bağlı fikirlərini də bölüşüb: "Bir neçə epizodda baş hakim cərimə zərbəsini əks tərəfə verməli idi. Riçard Almeyda bir qədər emosional davrandı. Növbəti oyunumuzu Rahil Məmmədov da sarı vərəqə limitini doldurduğu üçün buraxmalı olacaq".

Ölkə.Az 

ŞƏRH YAZ
0

Nizami Paşayev 38 yaşında üçqat dünya çempionu oldu

Nizami Paşayev 38 yaşında üçqat dünya çempionu oldu
12:14
Bu gün
235
İdman
A
Beynəlxalq Ağır Atletika Federasiyası rəsmi şəkildə qazaxıstanlı atlet Vladimir Sedovun 2008-2016-cı illərdə qazandığı nəticələri ləğv edib.

"Ölkə.Az" xəbər verir ki, buna səbəb idmançının dopinq testinin müsbət nəticə verməsidir.

Beləliklə, onun dünya çempionatından qazandığı üç medal (qızıl, gümüş və bürünc), eləcə də, Asiya birinciliyi zamanı əldə etdiyi üç mükafat (iki qızıl və bir gümüş medal) əlindən alınacaq. 31 yaşlı Sedov səkkiz il müddətinə diskvalifikasiya olunub.

Azərbaycan üçün bunun önəmi isə bundan ibarətdir ki, Vladimir Sedov 2009-cu ildə Cənubi Koreyanın Koyanq şəhərində keçirilmiş dünya çempionatında 94 kq çəki dərəcəsində çıxış edib və toplamda 402 kq qaldırıb. O, qızıl medal qazanarkən ikinci yeri Nizami Paşayev tutub. Nizaminin nəticəsi 387 kq olub.

Bu isə o deməkdir ki, 38 yaşlı Paşayev üçqat dünya çempionu olub. Həmçinin, üçüncü yeri tutmuş koreyalı Kim Min-ceyə gümüş, dördüncü yerdə qərarlaşmış onun həmyerlisi Kim Seon-conqa bürünc medal veriləcək. Digər azərbaycanlı atlet Rövşən Fətullayev isə altıncı sıradan beşinci yerə yüksəlib.

Qeyd edək ki, Nizami Paşayev 2002-ci ildə Varşavada və 2009-cu ildə Dohada dünya çempionu olmağı bacarıb. Bununla da o, üçqat dünya çempionu olmuş ilk azərbaycanlı kimi tarixə düşüb.

ŞƏRH YAZ
0

Güləş üzrə ölkə çempionatının qalibləri müəyyənləşdi

Güləş üzrə ölkə çempionatının qalibləri müəyyənləşdi
10:11
Bu gün
333
İdman
A
Dekabrın 6-da "Sərhədçi" İdman Olimpiya Mərkəzində keçirilən yunan-Roma və sərbəst güləş üzrə Azərbaycan çempionatının qalibləri müəyyənləşib.

"Ölkə.Az" xəbər verir ki, üçüncü yarış günündə sərbəst güləş üzrə 10 çəki dərəcəsində final görüşləri keçirilib.

Sərbəst güləşçilərdən Əfqan Xaşalov (57 kq), İntiqam Vəlizadə (61 kq), Əli Rəhimzadə (65 kq), Ağahüseyn Mustafayev (70 kq), Hacımurad Ömərov (74 kq), Abubakr Abakarov (79 kq), Osman Nurməhəmmədov (86 kq), Şamil Zubairov (92 kq), Sənan Əlizadə (97 kq) və Roman Bəkirov (130 kq) qızıl medal qazanaraq Azərbaycan çempionu olublar.

Yunan-Roma güləşi üzrə isə İbrahim Nurullayev (55 kq), Sakit Quliyev (60 kq), Taleh Məmmədov (63 kq), İslambek Dadov (67 kq), Ülvi Qənizadə (72 kq), Tuncay Vəzirzadə (77 kq), Elvin Mürsəliyev (82 kq), İslam Abbasov (87 kq), Orxan Nuriyev (97 kq) və Oyan Nəzəriani (130 kq) fəxri kürsünün ən yüksək pilləsinə qalxıblar.

ŞƏRH YAZ
0
BAĞLA