Qurban Qurbanov niyə narahatdır?

Qurban Qurbanov niyə narahatdır?
15:12
20.08.2017
171
İdman
A
Vurulan bir qola görə bir gənc futbolçunu dağ başına qaldırmaq ən çox elə onun karyerasına ciddi zərbədir. Çox tərifləyəndə onlarda başgicəllənməsi yaranır. "Kopenhagen"lə oyundan sonra bir neçə jurnalist narahatlıqla yazdı ki, Mahir Mədətovu futboldan kənar məsələlərlə gündəmə gətirmək, ümumiyyətlə, çox reklam etmək birinci elə onun özünə ziyandır.

Jurnalistlər bunu niyə yazırdı? Çünki daha çox ictimai-siyasi mediadan olan həmkarlarımız futbolçunun nə zamansa bir xanım telejurnalistə gül hədiyyə etməsi kimi adi və köhnə faktı qabardır, digərləri Mahirin üzərində haqqı olan atası ilə müsahibələr dərc edirdi. Əlbəttə, medianın mötəbər bir oyunda qol vuran bir oyunçunun futboldan kənar həyatından yazması başadüşələndir. Amma… Biz bəzən unuduruq ki, bu səpkili yazılar istənilən futbolçunun, o cümlədən Mahirin diqqətini əsas işindən ayırar və bu, onun gələcək karyerasına ciddi zərbə vurar, futbolçuda çox erkən yaşda “ulduz xəstəliyi” yaradar.

Elə “Qarabağ”ın baş məşqçisi Qurban Qurbanov da dünən “İnter”lə oyundan sonra keçirdiyi mətbuat konfransında bundan narahatlığını dilə gətirib. Mahirin “ulduz xəstəliyi”nə tutulmayaraq növbəti matçlarda da yaxşı oyun nümayiş etdirəcəyinə, medianın bu məsələdə daha diqqətli olacağına inanaraq Qurban Qurbanovun gənc futbolçu ilə bağlı dediklərini bir daha təqdim edirik. 

- Mahir Mədətov son vaxtlar formadadır. Onun mətbuatın gündəmində olması sizi narahat etmir ki?

- Təsəvvür edin, mən futbolçuları oyunlara hazırlamaqla yanaşı, sosial şəbəkədəki fikirlərdən də qorumalıyam. Həmişə çalışıram ki, futbolçularım belə şeylərdən uzaq olsunlar. Futbolçu psixologiyası elədir ki, 99.9 faizi belə hallarda ulduz xəstəliyinə tutulur. Bir çox oyunçu olub ki, şan-şöhrət onların karyerasına ziyan vurub. Bu gün mən Mahirə görə narahatam. “Kopenhagen”lə matçda qol vurduqdan sonra əvvəlki oyununun 50 faizini oynamadı. Buna görə gənc oyunçularımızın bu cür reklam olunmasına qarşıyam. Hər şeyin həddi var. Elə ola bilər ki, mən də onlarla fərdi söhbətlərdən yorulum.

- Ola bilər ki, vacib oyunlardan öncə futbolçulara sosial şəbəkələrdən istifadə qadağa edilsin?

- Olur ki, futbolçu özü bununla maraqlanır. Mühüm matçlardan əvvəl dəfələrlə futbolçulara müsahibə verməyi qadağa etmişəm. Ancaq buna nəzarət etmək çox çətindir. Təəssüf ki, bizim hətta ən bacarıqlı futbolçularla bağlı belə problemlər olub. (qol.az)

ŞƏRH YAZ
0

DÇ-də G qrupunun ilk turuna yekun vuruldu

DÇ-də G qrupunun ilk turuna yekun vuruldu
00:17
Bu gün
195
İdman
A
Rusiyadakı futbol üzrə dünya çempionatında G qrupunun ilk turuna yekun vurulub.

"Ölkə.Az" xəbər verir ki, qrupda növbəti oyun Volqoqraddakı eyniadlı arenada Tunis və İngiltərə yığmaları arasında keçirilib. Görüş İngiltərənin 2:1 hesablı qələbəsi ilə yekunlaşıb. Hesabı artıq 11-ci dəqiqədə Harri Keyn açıb. Lakin 35-ci dəiqə Ferjani Sassi penaltidən dəqiq yararlanıb. İngiltərə millisi qələbə topunu uzatma dəqiqəsində vurmağa müvəffəq olub. Yenə Keyn fərqlənərək, komandasına vacib 3 xal qazandırıb.

Qeyd edək ki, G qrupunun ilk oyununda Belçika Panamanı darmadağın edib - 3:0. Bu nəticələrdən sonra Belçika və İngiltərə hərəyə 3 xalla ilk 2, xalı olmayan Tunis və Panama isə son 2 pillədə qərarlaşıb.

DÇ-2018
18 iyun

G qrupu

19:00. Belçika - Panama - 3:0

Qollar: Dris Mertens, 47. Romelu Lukaku, 69; 75

Hakimlər: Canni Sikazu (Zambiya), Jerson Dos Santos (Anqola), Zaxele Siula (CAR), Ryuji Sato (Yaponiya)

Soçi, "Fişt" stadionu

22:00. Tunis - İngiltərə - 1:2

Qollar: Ferjani Sassi, 35 (pen.) - Harri Keyn, 11; 90+1

Hakimlər: Vilmar Roldan, Aleksander Quzman, Kristian de la Kruz (hamısı Kolumbiya), Rikardo Montero (Kosta-Rika), Kori Rokuel (ABŞ)

Volqoqrad, "Volqoqrad Arena" 

Ölkə.Az

ŞƏRH YAZ
0

Belçika ilk qrup matçında Panama yığmasını darmadağın etdi

Belçika ilk qrup matçında Panama yığmasını darmadağın etdi
21:08
18.06.2018
218
İdman
A
Rusiyada keçirilən futbol üzrə Dünya Çempionatının qrup mərhələsinin ilk turu davam edir.

"Ölkə.Az" xəbər verir ki, "G" qrupu çərçivəsində baş tutan ilk matç Belçika və Panama komandaları arasında keçirilib.

Oyun belçikalıların 3-0 hesablı qələbəsi ilə yekunlaşıb. Belçikanın qollarını 47-ci dəqiqədə Dries Mertens, 69 və 75-ci dəqiqlərdə isə Romelu Lukaku vurub.

Bildirək ki, qrup çərçivəsində növbəti oyun bu gün Bakı vaxtı ilə saat 22:00-da İngiltərə və Tunis komandaları arasında baş tutacaq.

ŞƏRH YAZ
0
BAĞLA