Qurban Qurbanov: "Razı qalmadım"

Qurban Qurbanov:
18:48
05.11.2017
1570
İdman
A
Gəncədəki oyunlarmız həmişə ağır olub. Çətin qələbə qazandıq.

Ölkə.Az-ın report-a istinadən məlumatına görə, bu sözləri "Qarabağ"ın baş məşqçisi Qurban Qurbanov səfərdə "Kəpəz"i 2:0 hesabı ilə yendikləri Topaz Premyer Liqasının XI tur matçından sonra mətbuat konfransında deyib.

45 yaşlı mütəxəssis jurnalistlərin suallarını da cavablandırıb...

Oyundan nə dərəcədə razı qaldınız?

- Qələbə qazansaq da, oyundan tam razı qalmadım. Ola bilər ki, futbolçularda yorğunluq var idi. "Kəpəz"in futbolçusu Viktor Oseqeylə təşəkkür edirəm. O, necə insan olduğunu göstərdi və penalti olmadığını dedi. Meydanın durumuna gəlincə, hər şey yaxşı idi. Sadəcə, bir az su vurulsaydı, daha yaxşı olardı.

Pedro Enrike bu gün çox zəif çıxış etdi. Bunu yorğunluqla əlaqələndirmək olar?

- Oyununa görə onu əvəzlədim, geri qalırdı. Heç bir zədəsi yoxdur. İlk dəfədir Gəncədə oynayırdı, ola bilər ki, özünü rahat hiss etməyib.

Gəncədə uşaq futboluna maraq çox azdır. Millinin baş məşqçisi kimi bu məsələyə münasibətiniz necədir?

- Açığı, hələ tam proqram üzərində düşünməmişik. Amma fikirləşirəm ki, AFFA buna diqqət yetirir. Təkliflər olsa, bunu irəli sürəcəyik. Gəncədə futbolçu özü yetişir və düşünürəm ki, diqqət daha çox olsa, yaxşı olacaq.

ŞƏRH YAZ
0

Gənc cüdoçularımız 8 medal qazandılar

Gənc cüdoçularımız 8 medal qazandılar
00:48
Bu gün
517
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışı keçirilir.

"Ölkə.Az" xəbər verir ki, mötəbər turnirin ilk günü millimiz üçün uğurlu olub. Belə ki, təmsilçilərimiz 2 qızıl, 2 gümüş və 4 bürünc medal qazanıblar.

Rövşən Əliyev (55 kq) və Şəfəq Həmidova (44 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Balabəy Ağayev (55 kq) və Yaşar Nəcəfov (60 kq) Avropa Kubokunun gümüş medallarına yiyələniblər. Tofiq Məmmədov (60 kq), Nurlan Osmanov (66 kq), Ramilə Əliyeva (44 kq) və Gültac Məmmədəliyeva (52 kq) isə bürünc medal qazanıblar.

Bununla da, millimiz Avropa Kuboku yarışının birinci günündə medalların əyarına və sayına görə ilk pillədə qərarlaşıb.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunur.

Ölkə.Az

ŞƏRH YAZ
0

İdmançılarımız qızıl medal qazandılar

İdmançılarımız qızıl medal qazandılar
18:18
21.07.2018
972
İdman
A
Rumıniyanın Kluj-Napoka şəhərində stolüstü tennis üzrə gənclər arasında Avropa Çempionatı keçirilir.

“Ölkə.Az” xəbər verir ki, 44 ölkədən 42 kişi və 39 qadın komandasının iştirak etdiyi çempionatda qızlardan ibarət Azərbaycan stolüstü tennisçiləri finalda Rusiya komandasına qalib gələrək qızıl medal qazanıb. Bu, Azərbaycan stolüstü tennis tarixində ən yüksək nəticədir.

Xatırladaq ki, 2017-ci il gənclərin Avropa çempionatında qızlardan ibarət yığmamız bürünc medal qazanıb.

Çempionat şəxsi yarışlarla davam edir.

 

 

ŞƏRH YAZ
0
BAĞLA