Qurbanov Ndlovunun “diktator” sözünə cavab verdi

Qurbanov Ndlovunun “diktator” sözünə cavab verdi
23:11
06.05.2018
1230
İdman
A
Azərbaycan Premyer Liqasının 26-cı turunda evdə “Neftçi”yə uduzan (0:1) “Qarabağ”ın baş məşqçisi Qurban Qurbanov oyunsonrası mətbuat konfransında jurnalislərin suallarını cavablandırıb.

"Ölkə.Az" “Qafqazinfo”ya istinadən xəbər verir ki, Qurbanov əvvəlcə oyunla bağlı fikirlərini bildirib:

“Rəqibi təbrik edirəm. Məğlub olsaq da, komandamın oyunundan razı qaldım. Meydanda yaxşı futbol izlədik. Hər halda, meydanda mübarizə var idi. Məğlub olmaq istəmirdim. Komandada qalib əhval-ruhiyyəsini qoruyub saxlamaq lazımdı. Neçə oyundu uduzmurduq. Buna görə, komanda daxilində bir həyəcan var idi ki, hər an uduza bilərik”.

- Coşqun Diniyevin əvəzlənməsi qol epizodunda yol verdiyi səhvə görə idi?

- Qoldan başqa da, bəzi səhvləri var idi. Buna görə, eyni səhvlərin təkrarlanmaması üçün onu əvəzlədim.

- Riçard Almeydanın oynamamasının səbəbi nə idi?

- O, həm zədəlidi, həm də sarı vərəqəsi var idi.

- Dino Ndlovu sizin barənizdə “diktaror” olduğunuzu deyib. Onun fikirləri sizi əsəbləşdirmir ki?

- Bunları pis fikir kimi qiymətləndirməzdim. Bu, klubun kodeksində də yazılıb ki, futbolçu intizamlı olmalıdı. Şəxsi həyatına da diqqət yetirməlidi. Fikrimcə, bu, kluba verilən dəyərdi. Elə futbolçularımız var ki, oyun səviyyəsi hərdən aşağı düşür. Onlara nəzarət etmək lazımdı.

- Futbolçuların şəxsi həyatına nəzarət sırf sizin nəzarətinizdədi?

- Bu barədə məlumat verə bilmərəm.

- Bezotosnının milliləşdirilməsi ilə bağlı məlumatlar nə dərəcədə həqiqətəuyğundu?

- Bu barədə mənim məlumatım yoxdu. Ancaq hansısa mövqedə problem olsa, ola bilsin bu addımı nə vaxtsa ata bilək.

- “Qəbələ” ilə son turdakı oyunun Bakıda keçirilməsi ehtimalı var...

- Bu barədə məndə heç bir məlumat yoxdu.

- Oyunun sonunda Ramil Şeydayev və Miçel arasında gərginlik yaşandı.

- Mən belə bir şey görmədim. Hamı burda öz yerini bilir. Futbolçular özündən böyüyə hörmət edirlər. Məncə, ciddi heç nə yoxdu.

- Çempionluğu təmin etmisiz, ola bilər ki, bəzi legionerləri vaxtından əvvəl istirahətə göndərəsiz?

- Ola bilsin, milli komandanın üzvlərini bir qədər tez icazə verdim.

Ölkə.Az

ŞƏRH YAZ
0

“Mançester Yunayted”də iki ciddi itki

“Mançester Yunayted”də iki ciddi itki
01:17
Bu gün
136
İdman
A
İngiltərənin “Mançester Yunayted” klubunun futbolçuları Antonio Marsyal və Cessi Linqard 2-3 həftə yaşıl meydanlardan kənarda qalacaq.

“Ölkə.Az” xəbər verir ki, bu barədə “qırmızı şeytanların” baş məşqçisi Ole-Qunnar Sulşer məlumat verib.

Onun sözlərinə əsasən, hər iki futbolçu İngiltərə kubokunun 1/8 finalında “Çelsi”,  Premyer Liqanın 27-ci turunda “Liverpul”la oyunları dəqiq buraxacaqlar.

Onlar Çempionlar Liqasının 1/8 finalında PSJ ilə cavab matçında da iştirak etməyə bilərlər.

Qeyd edək ki, hər iki oyunçu PSJ ilə ilk qarşılaşmada zədələnib.

Ölkə.Az

ŞƏRH YAZ
0

Arvadını döyən dünya çempionu həbs edildi

Arvadını döyən dünya çempionu həbs edildi
14:16
15.02.2019
2297
İdman
A
Azərbaycanın kikboks üzrə dörd qat dünya çempionu Anar Süleymanov həbs olunub.

"Ölkə.Az" xəbər verir ki, bu barədə “Qafqazinfo” məlumat yayıb.

A.Süleymanov arvadı Ş.-nı döyməkdə ittiham olunur. İttihama görə, idmançı 2018-ci il noyabrın 5-də Nərimanov rayonunda yaşadığı evdə arvadını döyüb. Əvvəllər tələbəsi olmuş həyat yoldaşı da kikboks üzrə dünya çempionudur. 

Xanım polisə izahatında göstərib ki, A.Süleymanovla cəmi iki ay evli olub:

“Həmin müddət ərzində də məni qapalı yerdə saxlayıb, dəfələrlə döyüb. Məni boğaraq dilimi ağzımdan çıxarıb öldürmək istəyirdi. Sonuncu dəfə döyüldükdən sonra qayınanamın evdə olmasından istifadə edib qapını açıb qaçaraq atam evinə qayıtdım. Lakin Anar məni və ailə üzvlərimi ölümlə hədələyirdi. Evli olduğumuz vaxt mənə deyirdi ki, “kriminal aləmin üzvləriyik, biz heç kimdən qorxmuruq”. Üzümə yumruqla vururdu, saçımdan tutub evdə sürüyürdü, təpikləyirdi”. 

Zərərçəkmiş Ş. 17-ci Polis Bölməsinə şikayət edib və A.Süleymanov barəsində İnzibati Xətalar Məcəlləsinin 157-ci (döymə) maddəsi ilə protokol tərtib olunub. Nərimanov rayon Məhkəməsinin hakimi Vüsal Qurbanov protokol üzrə qərarını elan edib və A.Süleymanov fevralın 13-dən etibarən 20 gün müddətinə inzibati qaydada həbs olunub. 

A.Süleymanov Azərbaycan Kikboks Federasiyasının qızlardan ibarət milli komandanın baş məşqçisi olub.

ŞƏRH YAZ
0
BAĞLA