Qusarda 2 dost bıçaqlaşdı

“Ölkə.Az” xəbər verir ki, məhkəmə prosesi martın 19-da hakim Fərhad Kərimovun sədrliyi ilə keçiriləcək.

İttihama görə, 2010-cu il oktyabrın 9-da Qusar rayonunun Piral kəndində Vadik Şalbuzov dostu Sakit Ağaşərifovu bıçaqlayaraq qətlə yetirib.

Müəyyən edilib ki, həmin gün Vadik Şalbuzov Sakit Ağaşərifovla spirtli içki qəbul ediblər. Dostlar bir qədər spirtli içki qəbul etdikdən sonra keflənərək mübahisə ediblər. Sakit Ağaşərifov münaqişə zəminində Vadik Şalbuzova bıçaqla qolundan xəsarət yetirib. Yaralanan Vadik Şalbuzov bu bıçaq zərbəsini cavabsız qoymayaraq Sakit Ağaşərifovun bədəninin müxtəlif nahiyələrinə 4 bıçaq zərbəsi vurub. 

Təqsirləndirilən şəxs Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib. Bakı Ağır Cinayətlər Məhkəməsinin hökmü ilə Vadik Şalbuzov 11 il azadlıqdan məhrum edilib.

Natiq Allahverdiyev
Ölkə.Az