Qusarda 20 gündür itkin düşən ana və azyaşlı qızı tapıldı

Qusarda 20 gündür itkin düşən ana və azyaşlı qızı tapıldı
00:25
16.09.2019
11282
Hadisə
A
Qusarda itkin düşən ana və qızı tapılıb.

“Ölkə.Az” xəbər verir ki, bu barədə Daxili İşlər Nazirliyinin Mətbuat Xidmətinin Quba regional qrupundan məlumat verilib.

Məlumata görə, Xaçmaz rayonu Zuxuloba kənd sakini, 32 yaşlı Rima Talıbova avqustun 25-i səhər saatlarında azyaşlı qızı ilə birlikdə Qusar rayonunun Aşağı Ləgər kəndində yaşayan anasıgilə gedəcəyini bildirərək evdən çıxıb və bir daha geri qayıtmayıb.

Polis əməkdaşlarının həyata keçirdikləri əməliyyat axtarış tədbirləri nəticəsində Rima Talıbova və azyaşlı qızı sentyabrın 14-də Qusar rayonu ərazisində tapılaraq ailəsinə təhvil verilib.

Ölkə.Az

ŞƏRH YAZ
0

Defne avtomobili jurnalistlərin üzərinə sürdü — FOTO

Defne avtomobili jurnalistlərin üzərinə sürdü
20:07
Bu gün
8
Hadisə
A
Türkiyənin tanınmış müğənnisi, eyni zamanda televiziya proqramlarının aparıcısı Defne Samyeli qəza törədib.

"Ölkə.Az" cebhe.info-ya istinadən xəbər verir ki, çıxış etdiyi bir məkandan ayrılan müğənni avtomobillə operatoru ayağının üstündən keçib.

Qardaşı Sübhan ilə məkandan ayrılan və sürətlə ərazidən uzaqlaşmaq istəyən Samyeli ehtiyatsızlıq üzündən onu gözləyən jurnalistlərin üzərinə sürüb.

Avtomobilin təkəri 6-7 saniyə ərzində operatorun ayağının üzərində dayanıb. Avtomobildən düşən müğənni müxbirdən üzr istəyib, “Tələsirdim, belə oldu. Lazımdırsa, xəstəxanaya gedək” - deyib. Operatorun ciddi xəsarət almadığı bildirilir.

ŞƏRH YAZ
0

Tutulan icra başçısının müavini ilə Təhsil Şöbəsinin müdirinin rüşvət əməliyyatları — “Məcbur idim” - VİDEO

Tutulan icra başçısının müavini ilə Təhsil Şöbəsinin müdirinin rüşvət əməliyyatları
19:20
Bu gün
494
Hadisə
A
Dövlət Təhlükəsizliyi Xidmətinin (DTX) keçirdiyi əməliyyatla saxlanılan Neftçala Rayon İcra Hakimiyyətinin başçısının müavini Gültəkin Sadıqova rayonda “təhsil biznesi şəbəkəsi” qurubmuş.

"Ölkə.Az" xəbər verir ki, bu barədə Oxu.Az DTX-nin yaydığı əməliyyat çəkilişlərinə istinadən xəbər verir.

Belə ki, sorğu-suala çəkilən icra başçısının ictimai-siyasi və humanitar məsələlər üzrə müavini Gültəkin Sadıqova məktəb direktorlarından alınan rüşvətin siyahısı barədə məlumat verir.

Rayon Təhsil Şöbəsinin müdiri Əjdər Kərimov isə qeyd edir ki, müəllimlərdən yığılan 30 min manatı şəxsən İsmayıl Vəliyevə təqdim edib.

O bildirib ki, hər ayın sonunda da 2000 manat rüşvət verib.

“Mən bu pulu əldə etmək üçün məcbur qalıb, hər ay məktəb direktorlarından 50-150 manat arası pul almışam”, - deyə Əjdər Kərimov bildirir.

Ümumiyyətlə, bundan əvvəl də mətbuatda yazılırdı ki, Neftçalanın təhsili bərbad səviyyədədir.

İnternet materiallarında qeyd edilirdi ki, Əjdər Kərimovla Gültəkin Sadıqova rüşvət əməliyyatlarına birlikdə rəhbərlik ediblər.

Məktəb direktorlarının təyin edilməsi, dərs saatlarının bölüşdürülməsinin onların müştərək diktəsinin “bəhrəsi” olduğu bildirilirdi.  

Gültəkin Sadıqovanın məktəblərin təmirinə ayrılan pulu da mənimsədiyi haqqında çoxsaylı iddialar mövcuddur.

Onun bu vəzifədə işlədiyi müddətdə Bakı şəhərində iki bina evi, Neftçalada böyük bağ evi, əkin sahələri və sair mülklərə sahib olduğu da yazılırdı.

Gültəkin Sadıqovanın uşaq bağçalarına ayrılan vəsaiti də mənimsədiyi, bunun nəticəsində uşaq bağçalarında bərbad vəziyyətin hökm sürdüyü də iddia olunurdu.

Müavin Milli Məclisə keçirilən növbədənkənar seçkilərdə 61 saylı Neftçala Seçki Dairəsindən namizəd idi.

Xatırladaq ki, DTX-nin keçirdiyi əməliyyatla Neftçalanın icra başçısı İsmayıl Vəliyev, icra hakimiyyəti başçısının birinci müavini Vurğun Əkbərov, icra başçısının digər müavini Gültəkin Sadıqova, Memarlıq və tikinti şöbəsinin müdiri Vüqar Nağıyev, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, rayon Mərkəzi Xəstəxanasının baş həkimi Telman Zahidov, rayon Təhsil şöbəsinin müdiri Əjdər Kərimov saxlanılıblar.

Prezident İlham Əliyevin fevralın 20-də imzaladığı sərəncamla İsmayıl Vəliyev icra başçısı vəzifəsindən azad edilib.

ŞƏRH YAZ
0
BAĞLA