Qusarın ən qədim parkının qış mənzərələri — FOTOREPORTAJ

Qusarın ən qədim parkının qış mənzərələri
23:55
14.02.2020
1784
Ölkə
A
Azərbaycanın şimalında, Qusar şəhərində yerləşən Nəriman Nərimanov adına mərkəzi mədəniyyət və istirahət parkı ölkədə ən qədim parklardan sayılır.

"Ölkə.Az" AZƏRTAC-a istinadən bildirir ki, 1853-cü ildə yaradılan bu park on il sonra Azərbaycanın ən yaxşı parkı adına layiq görülüb.

Bu parkın əsas üstünlüyü onun zəngin florası və buradakı nəhəng ağaclardır. İsti aylarda yaşıl dona bürünən park qarlı qış günlərində də öz gözəlliyi ilə diqqət çəkir.

Ərazisi üç hektardan çox olan Qusar mədəniyyət və istirahət parkında palıd, şabalıd, fıstıq, göyrüş, cökə, çaytikanı, zoğal, alça, yemişan və s. ağaclar var. Parkda Azərbaycan yazıçısı, ictimai və siyasi xadim Nəriman Nərimanovun heykəli ucaldılıb. Buradakı Qəhrəmanlar Xiyabanında Qusar rayonunun sakini, Sovet İttifaqı Qəhrəmanı Mirzə Vəliyevin abidəsi qoyulub.

Qusarın ən gözəl istirahət məkanlarından olan Nəriman Nərimanov adına parkın qış mənzərələrini təqdim edirik.

ŞƏRH YAZ
0

Xırdalanda təhlükəli manevr: “Niva” sürücüsü əks yola çıxdı — VİDEO

Xırdalanda təhlükəli manevr: “Niva” sürücüsü əks yola çıxdı
23:47
Bu gün
218
Ölkə
A
Xırdalanda yol-hərəkət qaydalarının kobud şəkildə pozulması halına rast gəlinib.

"Ölkə.Az" oxu.az-a istinadən xəbər verir ki, fakt həmin yolda hərəkət edən avtomobillərdən birində quraşdırılmış kamera ilə qeydə alınıb.

Videoda “Niva” markalı avtomobilin yolun əks istiqamətində hərəkət edərək digər avtomobillər üçün açıq təhlükə yaratdığı aydın görünür.

Həmin görüntünü təqdim edirik.

 

ŞƏRH YAZ
0

Koronavirusla bağlı sosial şəbəkələrdə yayılan səs yazısı haqqında — RƏSMİ AÇIQLAMA

Koronavirusla bağlı sosial şəbəkələrdə yayılan səs yazısı haqqında
23:29
Bu gün
3119
Ölkə
A
Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri birgə məlumat yayıblar.

"Ölkə.Az" xəbər verir ki, məlumatda sosial şəbəkələrdə koronovirsa yoluxmuş şəxslərin Mərkəzi Klinik Xəstəxanaya yerləşdirilməsi barədə yayılan səs yazısının həqiqəti əks etdirmədiyi bildirilir.

Məlumatın həqiqətə uyğun olmamasını Mərkəzi Klinik Xəstəxananın rəhbərliyi də təsdiqləyib.

Qeyd edək ki, ölkəyə daxil olan şəxslərdə virus təhlükəsi olduqda onlar xüsusi ayırılmış dövlət tibb müəssisələrinə yerləşdirilir. Hazırda koronavirus şübhəsi ilə xəstəxanaya yerləşdirilən yoxdur.

Azərbaycan Respublikası Səhiyyə Nazirliyi və İcbari Tibbi Sığorta üzrə Dövlət Agentliyi vətəndaşları yalnız rəsmi məlumatlara inanmağa çağırır.

Ölkə.Az

ŞƏRH YAZ
0
BAĞLA