“Quska” Emin Milliyə 50 min, Orduxan Teymurxana isə 22 min avro ayırdı — ŞOK FAKTLAR

“Quska” Emin Milliyə 50 min, Orduxan Teymurxana isə 22 min avro ayırdı
15:04
14.03.2018
68309
Ölkə
A
Hazırda Avropa ölkələrində yaşayan və Azərbaycan əleyhinə çirkin qarayaxma kampaniyaları aparan bir qrup təxribatçılar – Emin Milli, Orduxan Teymurxan, Tural Sadiqli, Məhəmməd Mirzəli, Rafael Priyev, Həbib Müntəzir və digər bu kimi şəxsləri dəstəkləyən əsas qüvvənin kimliyi məlum olub.

Avropada fəaliyyət göstərən diaspora dairələrindən "Ölkə.Az"a daxil olan məlumata görə, Almaniyada sığınacaq alan keçmiş deputat, “Quska” ləqəbli Hüseyn Abdullayev yuxarıda adları qeyd olunan şəxsləri bir araya gətirərək, onlara maliyyə vəsaiti ayıracağını vəd edib. 

“Mafiyoz bəstəkar” kimi tanınan Hüseyn Abdullayev verəcəyi pulun qarşılığında Emin Milli, Orduxan Teymurxan, Tural Sadiqli, Məhəmməd Mirzəli, Rafael Priyev, Həbib Müntəzir və digər “siyasi narazılar”dan Azərbaycan prezidenti, ayrı-ayrı yüksək vəzifəli şəxslər, onların ailə üzvləri, eyni zamanda dövlətimiz və xalqımız haqqında iyrənc şər-böhtan və qarayaxma kampaniyaları aparılmasını tələb edib.

Hüseyn Abdullayev başladılacaq kampaniyalar üçün də həmin təxribatçıların lazımı qədər vəsaitlə də təmin olunacağına söz verib. 

Hüseyn Abdullayev təxribatçılara xüsusi tapşırıq verib ki, ara-sıra Ermənistan səfirliyi qarşısında da kiçik aksiyalar keçirilsin və bununla Azərbaycan xalqının gözündə onların Ermənistana qarşı “düşmən” obrazı yaradılsın. Daha sonra Hüseyn Abdullayev Azərbaycan dövlətinin atributlarına və ayrı-ayrı vəzifəli şəxslərə qarşı qarayaxma kampaniyası aparacaq qrupun başında Emin Milli ilə yanaşı Orduxan Teymurxanın dayanmasını istəyib. 

Müzakirələrdən sonra təxribatçı qrup üzvləri dərhal Hüseyn Abdullayevin bu təkliflərini qəbul edərək, hərəkətə keçiblər. 
Mənbənin məlumatına görə, artıq Hüseyn Abdullayev ilkin olaraq Emin Milliyə 50 min, Orduxan Teymurxana isə 22 min avro vəsait ayırıb. Hüseyn Abdullayev vəsaitin davamlı olacağına söz verib.  

Onların yaşayış tərzi və həyatı normal əxlaqa sığmadığı üçün bu cür ləyaqətsiz və şərəfsiz tapşırığı can-başla qəbul edib işə başlayıblar.

Çünki “moşennik” Hüseyn Abdullayevin nə savadı, nə də intelektual səviyyəsi imkan vermir ki, çıxıb sağlam mübarizə aparsın. 

Ona görə də küyə gedən ağılsız gənclərdən “kukla” kimi istifadə edir. 

Əslində Azərbaycan xalqı “Quska”nın hansı yuvanın quşu olduğunu gözəl bilir. Ona görə də “moşennik iş adamı” kimi ad çıxaran Hüseyn Abdullayevin ümidi təxribatçı qrupa qalıb.   

Qeyd edək ki, Azərbaycan cəmiyyətində “mafiyoz deputat” obrazı yaratmış Hüseyn Abdullayevin son illər mütəmadi olaraq Avropada erməni dairələri ilə gizli görüşlər keçirməsi və onlardan maliyyə vəsaiti alması barədə xəbərlər yayılır. Bu baxımdan Hüseyn Abdullayevin bu təxribatçılara çirkin məqsədlər üçün ayırdığı vəsaitin erməni fondlarından qaynaqlanması istisna deyil. 

“Quska” vaxtilə Azərbaycanda jurnalistlərə, vətəndaş cəmiyyətinin üzvlərinə saxladığı “qoçu dəstələri” ilə hücum çəkirdi.

2007-ci ildə Milli Məclisin iclası zamanı deputat həmkarına nalayiq söyüşlər söyən və sonra da ona hücum edən Hüseyn Abdullayevin deputat mandatı əlindən alınıb.

Bundan sonra isə Hüseyn Abdullayev müalicə almaq adı ilə Azərbaycanı tərk edərək Almaniyaya qaçıb. Buradan isə müntəzəm olaraq Azərbaycan xalqını, dövlət məmurlarını təhqir edərək düşmən dəyirmanına su töküb.

Haqqında küllü miqdarda vergidən yayınma maddəsi ilə cinayət işi açılan və beynəlxalq axtarışa verilən “Quska” Almaniyadan yeni fotosunu paylaşmışdı. Fotodan da göründüyü kimi, Hüseyn Abdullayevin kefi yerindədi və haqqında cinayət işinin açılmasına baxmayaraq şəkildə kifayət qədər arxayın görünürdü. Bu isə onun Qərbdə özünə yeni havadarlar tapdığını bir daha üzə çıxarırdı.

Ramal Hüseynli
Ölkə.Az

ŞƏRH YAZ
3

Azərbaycan və Rusiya gömrük xidmətləri arasında işçi görüş keçirilib

Azərbaycan və Rusiya gömrük xidmətləri arasında işçi görüş keçirilib
20:59
14.12.2018
9587
Ölkə
A
Rusiya Federasiyasının Dərbənd şəhərində Azərbaycan və Rusiya gömrük xidmətlərinin nümayəndə heyətləri arasında işçi görüş keçirilib.

DGK-nın Mətbuat və ictimaiyyətlə əlaqələr idarəsindən "Ölkə.Az"a verilən məlumata görə, Azərbaycan nümayəndə heyətinə Dövlət Gömrük Komitəsinin Şimal Ərazi Baş Gömrük İdarəsinin rəisi Pərviz Rəhimov, Rusiya nümayəndə heyətinə Federal Gömrük Xidmətinin Dağıstan Gömrük İdarəsi rəisinin səlahiyyətlərini icra edən Hacıramazan İslamov rəhbərlik edib.

Görüşdə iki ölkənin dövlət sərhədindən keçən nəqliyyat vasitələrinin və şəxslərin sərhədkeçmə prosesinin tənzimlənməsinə, qarşılıqlı əlaqələrə dair məsələlər müzakirə olunub.

Bundan başqa, görüşdə sərhəddən keçən şəxslər, nəqliyyat vasitələri, mallar və yüklərə dair qarşılıqlı məlumat mübadiləsinin həyata keçirilməsinin vəziyyəti ilə bağlı fikir mübadiləsi aparılıb. Eyni zamanda mövsümə uyğun olaraq kənd təsərrüfatı məhsullarını daşıyan nəqliyyat vasitələrinin sürətli keçidinin təmin edilməsi və digər məsələlər müzakirə edilib.

Sonda tərəflər arasında işçi görüşün protokolu imzalanıb.

Ölkə.Az

 

ŞƏRH YAZ
0

Qanunsuz ov edənlər 6 min manat cərimə olunacaq

Qanunsuz ov edənlər 6 min manat cərimə olunacaq
18:48
14.12.2018
8344
Ölkə
A
Vəhhşi heyvanların istifadəsi və ya qanunsuz ovlanması üçün ödəmələrin miqdarı Azərbaycan Respublikası Nazirlər Kabinetinin 2004-cü il 6 noyabr tarixli 176 nömrəli qərarı ilə təsdiq edilmiş “Heyvanlar aləmindən istifadəyə görə ödəmələrin növləri, dərəcələri, tətbiq edilmə qaydaları və qeyri-qanuni heyvan ovuna cərimələr”ə əsasən tənzimlənir.

"Ölkə.Az" xəbər verir ki, bunu Ekologiya və Təbii Sərvətlər Nazirliyinin Bioloji müxtəlifliyin qorunması və xüsusi mühafizə olunan təbiət ərazilərinin inkişafı departamentinin direktoru Hikmət Əlizadə deyib. Onun sözlərinə görə, bu normativ sənədə əsasən həmin quşların qeyri-qanuni ovlanması və tutulmasına görə təbiətə dəymiş ziyanın miqdarı bir baş şahin quşu üçün 1100 manat, bir baş bəzgək üçün 330 və dovdaq üçün isə 550 manat müəyyən edilib: 

"Eyni zamanda dövlət təbiət qoruqlarının ərazilərində və milli parkların xüsusi mühafizəsinin hüquqi rejimi tətbiq edilən zonalarında Azərbaycan Respublikasının “Qırmızı Kitabı”na və Beynəlxalq Təbiəti Mühafizə İttifaqının “Qırmızı Siyahısı”na düşmüş vəhşi heyvan növləri qanunsuz olaraq məhv və ya əldə edilərsə, təbiətə dəymiş ziyana görə ödəmələr hər bir növ üçün vəhşi heyvan növü üzrə təyin olunmuş məbləğ üçqat ölçüdə, yəni şahin quşu üçün 3300 manat, bir baş bəzgək üçün 990 və dovdaq üçün isə 1650 manat məbləğində hesablanır. Beləliklə, bir baş şahin quşunun qeyri-qanuni ovlanması və tutulması artıq cinayət tərkibi yaratmış olur. Bəzgək və dovdaq quşlarına gəldikdə isə onların xüsusi mühafizə olunan təbiət ərazilərində 1 baş, digər ərazilərdə isə müvafiq olaraq 2 və 3 baş ovlanması cinayət tərkibi yaradır". 

O, qeyd edib ki, Azərbaycan Respublikası Cinayət Məcəlləsinin 258-ci maddəsinə əsasən lazımi icazə olmadan və ya qadağan edilmiş yerlərdə, yaxud qadağan edilmiş vaxtda, qadağan edilmiş alət və üsullarla ov etmə xeyli miqdarda (400 manatdan 1000 manatadək) ziyan vurduqda iki min manatdan üç min manatadək miqdarda cərimə və ya iki yüz qırx saatdan üç yüz iyirmi saatadək ictimai işlər və ya bir ilədək müddətə islah işləri və ya bir ilədək müddətə azadlığın məhdudlaşdırılması ilə cəzalandırılır. 

"Eyni əməllər külli miqdarda (1000 manatdan artıq olan məbləğ) ziyan vurulmaqla, partlayıcı maddələrdən və ya quşların və heyvanların kütləvi məhvinə səbəb olan başqa üsullardan istifadə etməklə, ovlanması tamamilə qadağan edilmiş quşlara və heyvanlara qarşı, qoruqların ərazisində və törədildikdə isə üç min manatdan altı min manatadək miqdarda cərimə və ya bir ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılır". 

Ölkə.Az

ŞƏRH YAZ
0
BAĞLA