Rada qarşısında baş verən toqquşmalarda 15 nəfər xəsarət aldı

Rada qarşısında baş verən toqquşmalarda 15 nəfər xəsarət aldı
17:35
06.12.2017
719
Dünya
A
Saakaşvilinin Ukrayna parlamenti qarşısında başladığı etiraz davam edir.

"Ölkə.Az" xəbər verir ki, çərşənbə günü səhər saatlarında hüquq-mühafizə orqanları çadır düşərgəyə daxil olaraq Odessanın sabiq qubernatorunu saxlamaq istəyiblər. Nəticədə polis və siyasətçinin tərəfdarları arasında toqquşma baş verib. İnsident 16 nəfərin xəsarət alması ilə nəticələnib.

Qeyd edək ki, Saakaşvilinin evində dünən axtarış aparılıb. Saakaşvili saxlanılsa da, aktivistlər onu aparan avtobusun qapısını qıraraq Mixeili azad ediblər. Mixeil isə kütlə ilə birlikdə Rada binasına doğru hərəkət edərək prezidentin impiçmentini tələb edib.

Hikmət Həsənov
Ölkə.Az

ŞƏRH YAZ
0

Putin və Tramp görüşü başa çatdı

Putin və Tramp görüşü başa çatdı
17:42
Bu gün
187
Dünya
A
ABŞ prezidenti Donald Tramp ilə Rusiya lideri Vladimir Putin arasında görüş vaşa çatıb.

“Ölkə.Az” xəbər verir ki, görüş 2 saat 10 dəqiqə davam edib.

Prezidentlər 1.5 saat təkbətək görüş keçiriblər. Sonradan isə görüş geniş tərkibdə davam edib. Bu görüş 1 saat 45 dəqiqə davam edib.

Tramp bəyan edib ki, Putinlə görüş hamı üçün yaxşı startdır.

Hikmət Həsənov
Ölkə.Az

ŞƏRH YAZ
0

Alimlər mumiya “fabrik”i kəşf etdilər

Alimlər mumiya “fabrik”i kəşf etdilər
17:30
Bu gün
224
Dünya
A
Alimlər Qədim Misirin ərazisində, Sakkara vilayətində “mumiya fabriki” aşkar ediblər.

“Ölkə.Az” xəbər verir ki, bu ərazi müstəqil fironlar sülaləsinə məxsusdur və 30 mumiya aşkar edilib. Eyni zamanda bədəni mumiyalamaq üçün istifadə edilən artefaktlar da tapılıb.

Sakkarada qazıntılar bir neçə ildir ki, aparılır. Alimlər üçölçülü lazer skanerlər və radarlardan da istifadə edirlər. İki il əvvəl fironların 26-cı sülaləsinin sərdabələri olan ərazidə qazıntılara start verilib. Alimlər bildirirlər ki, bu sülalənin nümayəndələri Misirin köhnə qüdrətini və şöhrətini geri qaytarmağa cəhd ediblər. Eyni zamanda köhnə mədəniyyət və dini ayinlər bərpa edilib. Fironlar varlılar üçün nəzərdə tutulan sərdabələr inşa etdirirdilər. Bu tədbirlər ölkəni birləşdirə bilərdi və işğalçı assuriyalıları qovmağa kömək edə bilərdi. Amma yüz il sonra Misiri Əhəmənilər imperiyası işğal edir. 

Əvvəlcə komanda XIX əsrin sonlarında kəşf edilmiş firon sərdabələrini tapmağa başlayır. Sərdabənin yaxınlığında imperiyanın məmurlarından biri, II Amasisin qəbri tapılır. Bu qəbir kvadrat formada idi və tipik sərdabəyə bənzəmirdi. 13 metr dərinlikdə olan qəbirin eni və uzunu 5 metrdir.

Alimlər bu məkana daxil olanda unikal mumiya emalatxanası ilə qarşılaşdılar. Burada 35 hazır mumiya, 5 sarkofaq, bir sıra bahalı və adi artefaktlar var idi. Hazırda alimlər yeni kəşf edilən sərdabənin tədqiqi ilə məşğul olurlar.

Hikmət Həsənov
Ölkə.Az

ŞƏRH YAZ
0
BAĞLA