Azərbaycan taekvondoçusu ikinci dəfə Avropa çempionu oldu
Rusiyanın Kazan şəhərində keçirilən taekvondo üzrə Avropa çempionatında Azərbaycan millisi növbəti medalını qazanıb.
"Ölkə.Az" xəbər verir ki, +87 kq çəki dərəcəsində çıxış edən Radik İsayev bütün rəqiblərinə qalib gələrək, qızıl medala sahib olub.
Bununla da 28 yaşlı idmançı karyerasında ikinci dəfə Avropa çempionu olub. İsayev ilk dəfə 2014-cü ildə Bakıda keçirilən qitə çempionatında bu titula yiyələnib. Onun aktivində dünya və olimpiya çempionluğu da var.
Ölkə.Az
