Rafael Dadaşov: \"Bir qız yaxınlaşdı, eynəyi ölçdük...\"
Xalq artisti Rafael Dadaşov "Space" telekanalında Kamran Həsənlinin aparıcılığıyla yayımlanan "Onda başladıq" verilişində gənclərdən gileylənib.
"Ölkə.Az"ın məlumatına görə, o, bir müddət öncə Mədəniyyət və İncəsənət Universitetinin tələbəsinin onu tanımadığını söyləyib:
"Bu yaxınlarda özümə optik eynək alırdım. Bir qız yaxınlaşdı, eynəyi ölçdük və dedi ki, sabah gəlib götürərsiniz. Məndən soruşdu ki, adınızı necə qeyd edim? Məlum oldu ki, məni tanımır. Soruşdum ki, qızım, mən sənə kimisə xatırlatmadım? Sonra kassir oğlan yaxınlaşıb mənimlə salamlaşdı. Məlum oldu ki, qız Mədəniyyət və İncəsənət Universitetinin tələbəsidir".
Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.
İntiqam VALEHOĞLU
Ölkə.Az
