Ramil Quliyev dünya çempionu oldu — FOTO + VİDEO

Ramil Quliyev dünya çempionu oldu
09:01
11.08.2017
400
İdman
A
Londonda keçirilən dünya çempionatında Türkiyəni təmsil edən azərbaycanlı Ramil Quliyev 200 metrəlik yarışda finala vəsiqə qazanmışdı.

"Ölkə.Az" xəbər verir ki, idmançı finalda uğurla çıxış edərək dünya çempionu olub.

"Fənərbaxça" klubunun prezidenti Əziz Yıldırım Quliyevin qızıl medal qazanmasından qürur duyduğunu bildirib. Türkiyə prezidenti Ərdoğan isə idmançıya təbrik teleqramı göndərib.

Ramin Quliyev kişilər arasında keçirilən yarışda 20.09 dərəcə ilə qızıl medala qovuşub. Bununla da idmançı Türkiyənin dünya atletizm çempionatında ilk qızıl medalını qazanaraq tarixi bir  rekorda imza atıb.

Yarışda Cəubi Afrikalı Vayde Van Niekerk 20.11 dərəcə ilə gümüş, Trinidad Tobakolu Jerem Riçards isə 20.11 dərəcə ilə bürünc medal qazanıb. 

1 həftə əvvəl müsahibə verən Ramil Quliyev "0.2 saniyəlik fərqlə dünya çempionu ya da səkkizinci ola bilərsiniz".

Türkiyə prezidenti Ərdoğan isə qızıl medal qazanan idmançıya təbrik teleqramı göndərib.

Əziz Yıldırım isə çox qürur duyduğunu, hətta gözlərinin dolduğunu qeyd edib.

Hikmət Həsənov
Ölkə.Az

ŞƏRH YAZ
0

Qış Olimpiya Oyunlarında Azərbaycanın bayraqdarı kim olacaq?

Qış Olimpiya Oyunlarında Azərbaycanın bayraqdarı kim olacaq?
16:55
22.01.2018
452
İdman
A
Cənubi Koreyanın Pxençxan şəhərində keçiriləcək XXIII Qış Olimpiya Oyunlarında Azərbaycan nümayəndə heyətinin tərkibi və bayraqdar müəyyənləşib.

 "Ölkə.Az" xəbər verir ki, bu barədə "Report"a Milli Olimpiya Komitəsinin (MOK) beynəlxalq əlaqələr İdarəsinin müdiri və Azərbaycanın şef de-missionu Anar Bağırov məlumat verib.

Onun sözlərinə görə, fevralın 9-da start götürəcək olimpiadanın Açılış mərasimində bayraqdar funksiyasını ölkənin yeganə təmsilçisi Patrik Braxner yerinə yetirəcək. Braxner slalom və böyük slalom yarışlarına qatılacaq.

A.Bağırov bildirib ki, əvvəlki qış olimpiadalarında nümayəndə heyətinin istənilən üzvü bayrağı daşımaq imkanına malik olub. Amma bu dəfə Beynəlxalq Olimpiya Komitəsi ölkə bayrağını yalnız idmançının daşımalı olduğuna dair tələb irəli sürüb. Ona görə də bu missiyanı elə avstriyalı legionerin özü yerinə yetirməli olacaq.

Nümayəndə heyətində isə ümumilikdə 11 nəfər, o cümlədən, MOK-un vitse-prezidenti Çingiz Hüseynzadə, baş katibin müavini Azər Əliyev, gənclər və idman nazirinin müavini İsmayıl İsmayılov, nazirliyin idman şöbəsinin müdiri Fərid Mansurov, Azərbaycan Dağ Xizəkçiliyi Federasiyasının prezidenti Rauf Xəlilov yer alacaq.

Braxner ardıcıl ikinci olimpiadada Azərbaycanı təmsil edəcək. O, 2014-cü il Soçi Qış Olimpiya Oyunlarında da iştirak edib. Həmin vaxt böyük slalom növündə 53-cü yeri tutmuş Braxner slalomçuların mübarizəsində finişə çata bilməyib.

Qeyd edək ki, ümumilikdə 2500 idmançının qatılacağı "Pxençxan-2018"ə fevralın 25-də yekun vurulacaq. 

ŞƏRH YAZ
0

Kriştianu Ronaldu oyun vaxtı al-qana qərq oldu — VİDEO

Kriştianu Ronaldu oyun vaxtı al-qana qərq oldu
13:12
22.01.2018
713
İdman
A
"Real Madrid" klubunun hücumçusu Kriştianu Ronaldu İspaniya çempionatında zədələnib.

 "Ölkə.Az" xəbər verir ki, "Deportivo" ilə oyun vaxtı portuqaliyalı oyunçu yerə düşən topa kəllə vurmaq istəyib. Rəqib komandanın müdafiəçisi isə səhvən top yerinə Ronaldunun başına təpik vurub.

Nəticədə Ronaldunun başı partlayıb və o, meydançanı tərk etmək məcburiyyətində qalıb. Meydançanı tərk edən futbolçu telefon vasitəsilə sifətini nəzərdən keçirib. Ronaldu gördüyü mənzərədən narazı qalıb.

Qeyd edək ki, 7-1 "Real Madrid"in qələbəsi ilə başa çatan oyunda Ronaldu 2 qola imza atıb.

Hikmət Həsənov
Ölkə.Az

ŞƏRH YAZ
0
BAĞLA