Ramil Quliyev: “Vətənim Azərbaycandan heç vaxt incikliyim olmayıb"

Ramil Quliyev: “Vətənim Azərbaycandan heç vaxt incikliyim olmayıb
14:32
12.08.2017
28
İdman
A
“Vətənim Azərbaycandan heç vaxt incikliyim olmayıb. Ümumiyyətlə, nəyə görə olmalıdır? Mənim xeyirimi istəməyən bəzi şəxslər vardı və yalnız bu səbəbdən ölkəni tərk etdim. Onlar mənə hazırlıq keçmək üçün şərait yaratmırdılar və Azərbaycanı beynəlxalq arenda layiqincə təmsil etməyimdə maraqlı deyildilər”.

"Ölkə.Az"ın Report-a istinadən məlumatına görə, bunu TASS-a müsahibəsində Türkiyəni təmsil edən və 200 metr qaçış üzrə dünya çempionu olan Ramil Quliyev Azərbaycanı tərk etməsinin səbəblərinə aydınlıq gətirərkən deyib.

27 yaşlı atlet bildirib ki, Türkiyədən əvvəl karyerasını Rusiyada davam etdirmək imkanı olub: “Azərbaycanlılarla türklər qardaş xalqlardır. Daha doğrusu, eyni xalqıq. Ona görə də Türkiyədə özümü rahat hiss edirəm. Dillərimiz oxşar olduğu üçün iki aydan sonra rahat türkcə danışa bilirdim. Türkiyədən əvvəl Rusiyadan təklif almışdım. Lakin proses yubandı. Türkiyə ilə bir neçə həftənin içində razılaşdıq. Rusiyada isə iki ay fikirləşdilər, amma təşəbbüs göstərmədilər”.

R.Quliyev növbəti hədəfinin 200 metr məsafəni 19,70 saniyəyə qaçaraq, Avropa rekordunu müəyyənləşdirmək olduğunu söyləyib: “İdmançıların imkanları sərhədsizdir. 200 metr məsafəni 18 saniyəyə qaçmağın mümkünlüyünə inanıram. Lakin bunun üçün fərqli məşq yanaşması lazımdır. İnsalar buna tədricən nail olacaqlar”.

Qeyd edək ki, R.Quliyev 2011-ci ilin aprelində Türkiyə vətəndaşlığını qəbul edib. O, dünya çempionu tituluna sahib çıxana qədər 200 metr məsafəyə qaçış üzrə 2009-cu il Universiadasının və "Brilliant Liqa"nın 2017-ci il Paris mərhələsinin qalibi, 2015-ci il Universiadasının və 2016-cı il Avropa çempionatının bürünc mükafatçısı olub. R.Quliyev 2016-cı il Rio-de-Janeyro Yay Olimpiya Oyunlarında iştirak edib, 100 metr məsafəyə qaçışda 9,97 saniyə, 200 metr məsafəyə qaçışda isə 19,88 saniyə nəticələrlə şəxsi rekordlara imza atıb.   

ŞƏRH YAZ
0

“Beşiktaş” 1/8 finalda

“Beşiktaş” 1/8 finalda
23:34
21.11.2017
468
İdman
A
Bu gün Çempionlar Liqasının qrup mərhələsində 5-ci tura start verilib.

Ölkə.Az xəbər verir ki, G qrupunda "Beşiktaş”  “Portu”nu qəbul edib. Qarşılaşma 1:1 hesablı bərabərliklə başa çatıb. Bu nəticə İstanbul klubunu tarixində ilk dəfə olaraq 1/8 finala yüksəldib. 

G qrupu

21:00. “Beşiktaş” (Türkiyə) - “Portu” (Portuqaliya) - 1:1
Qollar: Felipe, 29 (0:1), Talişka, 41 (1:1)

ŞƏRH YAZ
0

“Qarabağ”la ilk oyunda bəxtimiz gətirdi” — Konte

“Qarabağ”la ilk oyunda bəxtimiz gətirdi”
22:55
21.11.2017
586
İdman
A
“Bu oyunda çox diqqətli olmalıyıq. Rəqibimiz “Atletiko” kimi komanda ilə hər iki oyunda heç-heçə edib. “Roma” da burda çətinliklə üzləşib”.

Ölkə.Az qol.az-a istinadən xəbər verir ki, bu sözləri “Çelsi”nin baş məşqçisi Antonio Konte Çempionlar Liqasının qrup mərhələsində sabah “Qarabağ”la keçiriləcək oyun üçün təşkil edilən mətbuat konfransında deyib.

- 10 ballıq sistemlə “Çelsi” və “Qarabağ”ı hansı balla qiymətləndirərdiz?

- “Qarabağ” yaxşı komandadır. Bəxtimiz gətirdi ki, Londondakı matçda bu komanda ÇL-də ilk oyununu keçirirdi. Həmin oyundakı böyük hesablı qələbəni bununla bağlayardım.

- İngiltərə mətbuatına müsahibənizdə bildirmişdiniz ki, ilk məğlubiyyəti alana qədər saqqalınızı qırxmayacaqsınız. Sabah "Qarabağ"a məğlub olsanız, saqqalınızı Bakıda, yoxsa Londonda qırxdıracaqsınız?

- Əsas olan mənim saqqalım yox, komandanın qələbə qazanmasıdır (gülür). İlk dəfədir saqqal saxlayıram. Düzü, bu, çox çətindir. Ancaq dediyim kimi, mənim üçün əsas olan komandamın qələbəsidir. Udsam da, uduzsam da, nə vaxtsa bu saqqalı onsuz da kəsəcəm.

- İki il öncə, İtaliya millisinin “sükanı arxasında” bu stadionda qələbə qazanmışdız. Necə düşünürsüz, bu arena yenə sizə düşərli olacaq?

- Eyni nəticənin təkrarlanmasını istərdim. Həmin oyunda çətinliklə üzləşmişdik. Azərbaycanda futbol inkişafdadır. Sabahkı oyunun da çətin keçəcəyini düşünürəm. Çox diqqətli olmalıyıq.

- Bu matçdan sonra sizi “Liverpul”la çətin oyun gözləyir. Bu, elə oyunlardır ki, burda səhv etmək şansınız yoxdur...

- “Atletiko” ilə oyundan sonra da belə sıxlıq olmuşdu. Təqvimi tərtib edən insanlara qarşı iradım var. Bu təqvimi tərtib edənlər diqqətli olmalıdırlar. Bunu bəhanə etmək istəmirəm, ancaq təqvimin sıx olduğu açıqdır.

- Futbolçuları ilk oyunda 6:0 hesabıyla qalib gəldikləri komandaya qarşı oyuna kökləməkdə çətinlik çəkməyəcəksiz ki?

- Motivasiya ilə bağlı problem olacağını düşünmürəm. Bu oyuna futbolçuları xüsusi kökləməyə ehtyac görmürəm. Rəqib “Atletiko” ilə iki dəfə heç-heçə edib.

- Qarşıda “Liverpul”la vacib oyununuz olduğunu nəzərə alsaq, bu matçda heyətdə rotasiyalar ola bilər? 

- Həmişə komanda üçün ən yaxşı qərarı verməyə çalışıram. Nəzərə alsaq ki, 3 gündən bir oyun keçiririk, rotasiya mütləq olmalıdır. Ancaq “Qarabağ”la oyun bizim üçün vacibdir. Bu matçda qalib gələcəyimiz təqdirdə, növbəti mərhələyə vəsiqə qazanacağıq.

- Bayaq sıx təqvimdən narazı qaldığınızı bildirdiz. Bununla bağlı şikayət etmisiz?

- Bu, təkcə bizim üçün yox, digər komandalara da aiddir. İngiltərə ÇL-də 5 komanda ilə çıxış edir. Uzun müddətdir İngiltərə klubları ÇL-də finala çıxa bilmir. Baxmayaraq, çox güclüdürlər. Təqvimi tərtib edənlər bunu nəzərə almalıdılar.

- Saat neçədə İngiltərəyə çatacaqsız?

- Saat 4-də çatacağıq. Bir daha bildirmək istəyirəm ki, təqvimi hazırlayanlar dəyişikliklər etməlidilər.

- Eden Azarın vəziyyəti nə yerdədi? Son turda ayağından zədə almışdı.

- Onun vəziyyəti yaxşıdır. Oyuna tam hazırdır. Yalnız Viktor Mozes və Mişi Batşuayinin zədəsi var. Kennedi Musandanın da zədəsi var. Onun zədəsi əzələ dartılması ilə bağlıdır.

ŞƏRH YAZ
0
BAĞLA