Ramil Quliyevdən ard-arda 2 qələbə — YENƏ BİRİNCİ OLDU

Ramil Quliyevdən ard-arda 2 qələbə
23:03
10.06.2018
5279
İdman
A
14 turdan ibarət olan “Brilliant Liqa”da 200 metr məsafəyə qaçışda Türkiyəni təmsil edən azərbaycanlı idmançı Ramil Quliyev qələbə qazanıb.

“Ölkə.Az” xəbər verir ki, İsveçin paytaxtı Stokholmda yarışa çıxan atlet 19,92 saniyədə finiş xəttinə çatıb. Kanadalı idmançı Aoron Braun 20,07 ilə ikinci, Cənubi Afrikalı Luksolo Adams isə 20,36 ilə üçüncü olub.

Məlumat üçün bildirək ki, Ramil Quliyev iyunun 7-də Norveçin paytaxtı Osloda da birincilik əldə etmişdi.

Qeyd edək ki, Ramil Quliyev Türkiyə atletika tarixində bir ilki həyata keçirərək, Türkiyənin dünya çempionatlarında qızıl medala çatan ilk milli atleti olub. Belə ki, o, ötən il Londonda keçirilən Dünya Atletika Çempionatında 20.09 saniyəlik dərəcəsiylə birinci olub və qızıl medal qazanıb.

Ölkə.Az

 

ŞƏRH YAZ
0

İdmançılarımız üç medal qazandı

İdmançılarımız  üç medal qazandı
18:13
Bu gün
1035
İdman
A
Karate üzrə yeniyetmə və gənclərdən ibarət milli komandamız Venesiyada keçirilən ilin sonuncu liqa turnirində üç medal qazanıb.

Azərbaycan Milli Karate Federasiyasından "Ölkə.Az"a bildiriblər ki, 14-15 yaşlı yeniyetmələrin yarışında Hüseyn Məmmədli (57 kq) və Tale Yaqubov (63 kq) qızıl medal qazanıblar. Turnirdə 16-17 yaşlı idmançıların mübarizəsində isə Əminağa Quliyev (61 kq) gümüş medala sahib olub. 

Qeyd edək ki, 16-17 yaşlı gənclərdən ibarət komandamızın liderlərindən olan Polina Qurenko (53 kq) məşqlərdə zədələndiyi üçün yarışa qatıla bilməyib. 

Dünya Karate Federasiyasının (WKF) bu ildən etibarən təşkil etməyə başladığı gənclər liqası beynəlxalq turnirinin yekun yarışında 67 ölkədən 2600-dən çox karateçi mübarizə aparıb. 

Bu yarış baş məşqçi Anar Allahverdiyevin rəhbərlik etdiyi yeniyetmə və gənclərdən ibarət komandamız üçün fevralda Danimarkada keçiriləcək Avropa çempionatına hazırlıq xarakteri daşıyıb. 

Ölkə.Az

ŞƏRH YAZ
0

Çempionlar Liqasında 1/8 finalın püşkü atılacaq

Çempionlar Liqasında 1/8 finalın püşkü atılacaq
11:51
Bu gün
1938
İdman
A
Bu gün Çempionlar Liqasında 1/8 final mərhələsinin püşkü atılacaq.

"Ölkə.Az" xəbər verir ki, İsveçrənin Nyon şəhərində keçiriləcək püşkatma mərasimi Bakı vaxtı ilə 15:00-da başlayacaq. 

Belə ki, klublar qrup qalibi və ikincisi olmaqla 2 səbətə bölünüblər. Əsasnaməyə görə, eyni qrupdan çıxanlar və bir ölkəni təmsil edənlər 1/8 finalda üz-üzə gələ bilməzlər. 

Qrup birinciləri: 

"Borussiya" (Dortmund, Almaniya) 

"Barselona" (İspaniya) 

PSJ (Fransa) 

"Porto" (Portuqaliya) 

"Bavariya" (Almaniya) 

"Mançester Siti" (İngiltərə) 

"Real" (İspaniya) 

"Yuventus" (İtaliya) 

Qrup ikinciləri: 

"Atletiko" (İspaniya) 

"Tottenhem" (İngiltərə) 

"Liverpul" (İngiltərə) 

"Şalke" (Almaniya) 

"Ayaks" (Hollandiya) 

"Lion" (Fransa) 

"Roma" (İtaliya) 

"Mançester Yunayted" (İngiltərə) 

Qeyd edək ki, 1/8 final mərhələsinin ilk oyunları 12-13 və 19-20 fevralda, cavab qarşılaşmaları isə 5-6 və 12-13 martda keçiriləcək. 

ŞƏRH YAZ
0
BAĞLA