Ramil Usubov jurnalistləri mükafatlandırdı

Ramil Usubov jurnalistləri mükafatlandırdı
16:54
20.11.2018
4353
Ölkə
A
Azərbaycan Polisinin 100 illik yubileyi ilə bağlı keçirilən tədbirlər sırasında tariximizi, polis əməkdaşlarının çətin və şərəfli xidmətini, Vətənə, xalqa, dövlətçiliyə sədaqətini, qəhrəmanlığını təcəssüm və tərənnüm edən yaradıcılıq işləri üzrə elan olunmuş müsabiqə başa çatıb.

DİN-in Mətbuat xidmətindən “Ölkə.Az”a bildirilib ki, seçimə onlarla yaradıcılıq məhsulu təqdim edilib və artıq “yarış”a yekun vurulub.

“Azərbaycan”qəzetinin şöbə müdiri İxtiyar Hüseynlinin “İstiqlalın canlı sipərləri” yazısı “Ən yaxşı oçerk”, AzTV-nin əməkdaşı Tural Məmmədovun “Azərbaycan Polisi-100” sənədli filmi isə “Ən yaxşı film” nominasiyaları üzrə mükafata layiq görülüb.

Daxili işlər naziri, general-polkovnik Ramil Usubov müsabiqənin qaliblərini qəbul edib.

Nazir mükafatçı jurnalistləri təbrik edərək Azərbaycan Polisinin şanlı tarixini, çətin və şərəfli xidmətini yüksək peşəkarlıqla işıqlandırdıqlarına görə onlara təşəkkürünü bildirib. O, polisin 100 illiyi münasibətilə elan edilmiş müsabiqənin tam şəffaf şəkildə keçirildiyini, ekspert qrupu tərəfindən tələblərə cavab verən yaradıcılıq nümunələrinin ədalət prinsipləri əsasında müəyyən edildiyini xüsusi vurğulayıb.

Qeyd olunub ki, müsabiqənin şərtlərinə, sənətkarlıq xüsusiyyətlərinə, Azərbaycan Polisinin xidmətini daha layiqincə geniş oxucu kütləsinə və tamaşaçı auditoriyasına təqdim edə bildiyi üçün adı çəkilən jurnalistlər fərqləniblər.

Nazir Ramil Usubov keçirilən bu cür tədbirlərin polis-media münasibətlərinin daha da dərinləşməsinə, insan hüquq və azadlıqlarının qorunmasına, ölkəmizdə multikultural dəyərlərin inkişafına töhfə verəcəyinə əminliyini bildirib.

Müsabiqənin qalibləri yaradıcılıq nümunələrinə yüksək qiymət verdiyinə və səmimi qəbula görə daxili işlər nazirinə minnətdarlıqlarını bildiriblər.

Sonra onlara diplomlar, pul mükafatları təqdim olunub.

Ölkə.Az

ŞƏRH YAZ
1

Bu dəstə Balakəndə meşəni narkotik plantasiyasına çeviribmiş — FOTO

Bu dəstə Balakəndə meşəni narkotik plantasiyasına çeviribmiş
22:40
23.07.2019
2833
Ölkə
A
Balakən rayonunun Gərəkli kəndindəki meşəlik ərazidə xüsusi aqrotexniki qaydada qulluq edilməklə yetişdirilən 900 ədəd çətənə bitkisi aşkar edilib.

“Ölkə.Az” xəbər verir ki, bu barədə Daxili İşlər Nazirliyi məlumat yayıb.

Sözügedən bitkiləri becərən şəxslərin Gərəkli kənd sakinləri Eşqin və Dibirov Motuxov qardaşları, Anar Umarov, Oqtay Gülüyev, Araz Quliyev, Rasim Xəlilov, həmçinin Balakən şəhər sakini Natiq Dibirov olduğu müəyyən edilib.

Onlar şübhəli şəxs qismində saxlanılaraq Balakən Rayon Polis Şöbəsinə gətiriliblər.

Saxlanılan şəxslər ifadələrində əvvəlcədən bir qrup şəxs halında birləşərək meşəlik ərazidə narkotik tərkibli bitkiləri yetişdirib, daha sonra qazanc əldə etmək məqsədilə satmaq istədiklərini bildiriblər.

Faktla bağlı cinayət işi başlanılıb.

Ölkə.Az

ŞƏRH YAZ
0

Azərbaycanda robotexnikaya böyük dəstək — Məktəblərdə robototexnika kursu yaradılacaq

Azərbaycanda robotexnikaya böyük dəstək
21:55
23.07.2019
1278
Ölkə
A
Azərbaycanda 2019-2020-ci tədris ilində 50-dən artıq məktəbdə robototexnika kursu yaradılacaq.

“Ölkə.Az trend-ə istinadən xəbər verir ki, bunu Təhsil Nazirliyinin Təhsilin inkişafı proqramları şöbəsinin müdiri Emin Əmrullayev deyib.

Onun sözlərinə görə, bu kurslar 5000-dən artıq şagirdi əhatə edəcək.

E.Əmrullayev bildirib ki, hazırda Təhsil İnstitutunun əməkdaşları məzmun və tədris planı üzərində işləyirlər:

"Hazırda STEAM-ın (Science, Technology, Engineering, Art and Mathematics - Elm, Texnologiya, Mühəndislik, İncəsənət və Riyaziyyat) tətbiqi üçün hazırlıq işləri davam edir. STEAM müxtəlif fənlərin inteqrativ təliminə əsaslanır, şagirdləri maraqlı layihələrə cəlb etməklə onların motivasiyasını artırır, şagirdlərdə məsələ həlletmə, qrupda iş və əməkdaşlıq, ünsiyyət, yaradıcılıq, tənqidi təfəkkür kimi bacarıqları inkişaf etdirir. Bunun üçün mart ayında Təhsil Nazirliyinin dəstəyi ilə 50 nəfər müəllim İsrailə 4 həftəlik müvafiq təlimlərə göndərilmişdi".

Ölkə.Az

ŞƏRH YAZ
0
BAĞLA