İran Prezidenti Azərbaycanın iqtisadiyyat nazirini qəbul edib

İran Prezidenti Azərbaycanın iqtisadiyyat nazirini qəbul edib
23:52
13.03.2018
1545
İqtisadiyyat
A
Martın 13-də İran İslam Respublikasının Prezidenti Həsən Ruhani bu ölkədə səfərdə olan Azərbaycanın iqtisadiyyat naziri, Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayevi qəbul edib.

"Ölkə.Az" "Azərtac" istinadən xəbər verir ki, İran Prezidenti ölkələrimiz arasında tarixi dostluq münasibətlərini vurğulayaraq, siyasi, iqtisadi və mədəni əlaqələrimizin yüksələn xətlə inkişaf etdiyini, İranın Azərbaycanla əlaqələrin genişləndirilməsinə önəm verdiyini qeyd edib. Azərbaycan və İran arasında əlaqələrin daha da inkişafı üçün geniş potensialın olduğunu bildirən Həsən Ruhani nəqliyyat, enerji, investisiya qoyuluşu sahəsində əməkdaşlığın daha da genişlənməsinə, Azərbaycana nəzərdə tutulan səfərinə dair fikirlərini bölüşüb. İran Prezidenti salamlarını Azərbaycan Respublikasının Prezidentinə çatdırmağı xahiş edib.

İqtisadiyyat naziri Şahin Mustafayev səmimi qəbula görə təşəkkürünü bildirib və Azərbaycan Respublikasının Prezidenti İlham Əliyevin salamlarını İran Prezidentinə çatdırıb. Şahin Mustafayev Azərbaycan və İran prezidentlərinin siyasi iradəsi və dostluq münasibətlərinin əməkdaşlığın inkişafı üçün möhkəm zəmin yaratdığını, son 4 ildə dövlət başçılarının yüksək səviyyəli 10 görüşünün keçirildiyini vurğulayıb. Qeyd edilib ki, Azərbaycan İranla əlaqələrə xüsusi əhəmiyyət verir və İranın uğurları Azərbaycanı sevindirir. Azərbaycan-İran əməkdaşlığı bütün sahələrdə, o cümlədən iqtisadi sahədə inkişaf edir. Hazırda ölkələrimiz sənaye, ticarət, energetika, nəqliyyat-tranzit və digər sahələrdə uğurla əməkdaşlıq edir, ticarət dövriyyəsi artır, işgüzar dairələr səmərəli əməkdaşlıq edir, avtomobil istehsalı və əczaçılıq sahələrində birgə layihələr reallaşdırılır, Azərbaycan və İranın tranzit potensialının reallaşdırılmasında mühüm əhəmiyyət kəsb edən Şimal-Cənub beynəlxalq nəqliyyat dəhlizi üzrə işlər davam etdirilir.

Nazir Şahin Mustafayev Ermənistan-Azərbaycan, Dağlıq Qarabağ münaqişəsi ilə bağlı tutduğu ədalətli mövqeyə və ərazi bütövlüyümüzü dəstəklədiyinə görə İran tərəfinə bir daha təşəkkür edib.

Ölkə.Az

ŞƏRH YAZ
0

Otellərə ulduzlar yenidən veriləcək

Otellərə ulduzlar yenidən veriləcək
12:41
Bu gün
2052
İqtisadiyyat
A
“Azərbaycanda bütün otellər ulduzlarına uyğun xidmət göstərmir”.

“Ölkə.Az"ın məlumatına görə, bunu Dövlət Turizm Agentliyinin sədri Fuad Nağıyev deyib.

“Keyfiyyət problemi Bakıda fəaliyyət göstərən 100-dən çox otellə demək olar ki, yoxdur. Amma regionlarda bu problem var. Azərbaycan Otellər Assosiasiyası Avropa Otellər Assosiasiyasının – (“Hotrec”) üzvü olub. Bundan sonra onlar Hotrec-in standartlarına uyğun ulduzlaşma aparacaqlar", - deyə o, qeyd edib.

“Hotrec”in standartları Avropa Komissiyasının qəbul etdiyi standartlardır. Bu, təxminən 300 vərəqlik bir sənəddir ki, orada ulduzların necə verilməsi barədə bütün meyarlar göstərilib. Ulduz bir neçə illik verilir, həmin müddətdə açıq və gizli monitorinq aparılacaq. Açıq monitorinq gəlib birbaşa fəaliyyətin yoxlanılmasından ibarətdir, həmçinin məşhur saytlar vasitəsilə qoyulan rəyləri izləyəcəyik. Gizli monitorinqdə isə Avropa və Azərbaycanın Otellər Assosiasiyasının mütəxəssisləri bu yerdə qonaq gizli qalacaqlar, sonradan onun nəticələrini analiz edəcəklər”, - deyə F.Nağıyev əlavə edib. 

Ölkə.Az

ŞƏRH YAZ
0

Deputatdan maliyyə amnistiyası ilə bağlı — TƏKLİF

Deputatdan maliyyə amnistiyası ilə bağlı
12:31
Bu gün
300
İqtisadiyyat
A
Millət vəkili maliyyə amnistiyası verilməsini təklif edir.

 “Ölkə.Az” xəbər verir ki, bunu millət vəkili Tahir Kərimli parlamentdə növbədənkənar sessiyadı çıxışı zamanı deyib.

Onun sözlərinə görə, əgər biz ölkədə bazar iqtisadiyyatının inkişafını və büdcəyə gəlirlərin daha da artmasını istəyiriksə o zaman maliyyə amnistiyasını təklif edirik.

Deputat bildirib ki, iş adamlarına qarşı olan qərəzli, qisasçılıq, monopol münasibətlərə son qoyulmalıdır. 

“Əgər maliyyə amnisityasiyası elan olunarsa və sahibkarların əldə etdiyi vəsaitin mənbəyi soruşulmadan onların ölkə iqtisadiyyatına sərmayə qoyuluşuna şərait yaradılarsa, bu qısa zamanda iqtisadiyatın daha da inkişafına və büdcə gəlirlərinin bir neçə dəfə artması ilə nəticələnəcək. Bu da öz növbəsində işsizliyin azalmasına gətirib çıxaracaq”,- deputat qeyd edib.

Deputat eyni zamanda partiyaların da maliyyəsinin artırılmasını təklif edib.

Mürtəza
Ölkə.Az

ŞƏRH YAZ
0
BAĞLA