İran silkələndi — 5 bal

İran silkələndi
00:08
20.03.2018
3620
Dünya
A
İranın cənub bölgəsində zəlzələ baş verib.

“Ölkə.Az” xəbər verir ki, Yerli vaxtla saat 23:02-də qeydə alınan yeraltı təkanların episentri Behbahan şəhərindən 13  km cənub-şərqdə, ocağı isə 10 km dərinlikdə yerləşib. Zəlzələ 5 bal gücündə olub.

Dağıntı və təlafat barədə hələ ki məlumat yoxdur.

Ölkə.Az

 

ŞƏRH YAZ
0

Ermənilərin Belçikada soyqırımlarla bağlı qanuna düzəliş səyləri iflasa uğrayıb

Ermənilərin Belçikada soyqırımlarla bağlı qanuna düzəliş səyləri iflasa uğrayıb
01:30
Bu gün
111
Dünya
A
Belçika erməni icmasının soyqırımların təkzib edilməsi üçün cinayət məsuliyyəti nəzərdə tutan qanuna düzəliş səyləri iflasa uğrayıb.

"Ölkə.Az"ın məlumatına görə, aprelin 25-də Belçika federal Parlamenti tərəfindən Ruanda, Kamboca və keçmiş Yuqoslaviyada törədilmiş soyqırımların təkzib edilməsi üçün cinayət məsuliyyətini nəzərdə tutan qanun qəbul edib.

Belçika erməni icmasının və onun təsiri altında olan parlamentarların güclü təzyiqlərinə baxmayaraq, qondarma “erməni soyqırımının” yeni qanunla əhatə edilmiş soyqırımlar siyahısına daxil edilməsi səyləri uğursuzluğa düçar olub. Belə ki, fransızdilli DéFİ (Demokrat, Federalist və Müstəqillər) və cdH (Xristian-Demokrat Mərkəzi) partiyaları tərəfindən bu xüsusda təqdim edilmiş düzəliş təklifi 2019-cu il *aprelin 24-də - qondarma soyqırımın ildönümü kimi qeyd olunan tarixdə* Belçika federal Parlamentinin Ədliyyə Komissiyasında müzakirələr nəticəsində rədd edilib.

Məsələyə münasibət bildirən Belçika ədliyyə naziri Kun Qens ölkə qanunvericiliyini Avropa İttifaqı və Avropa Şurasının hüquqi təlimatlarına uyğunlaşdırmaq məqsədilə, yeni qanun layihəsinə yalnız beynəlxalq yurisdiksiya çərçivəsində barəsində yekun qərar qəbul edilmiş soyqırımların daxil edildiyini, erməni soyqırımı ilə bağlı isə belə bir qərarın olmadığını vurğulayıb.

Ölkə.Az

ŞƏRH YAZ
0

Mixail Qorbaçov xəstəxanalıq oldu

Mixail Qorbaçov xəstəxanalıq oldu
00:13
Bu gün
695
Dünya
A
Mixail Qorbaçov xəstəxanaya aparılıb.

"Ölkə.Az"ın məlumatına görə, TASS bu barədə SSRİ-nin ilk prezidenti haqqında çəkilmiş filmin həmrejissoru Andre Singerə istinadən xəbər yayıb.

O, bildirib ki, Qorbaçov 41-ci Moskva Beynəlxalq Film Festivalı çərçivəsində nümayiş olunacaq "Tanış olun, Qorbaçov" sənədli filminin premyerasına getmək istəsə də, həkimlər ona xəstəxanadan çıxmağı qadağan ediblər. Singer 88 yaşlı siyasətçinin hansı səbədən xəstəxanaya aparıldığını bildirməyib. O, sadəcə qeyd edib ki, Qorbaçov özünü yaxşı hiss etmir.

Qorbaçov Fondunun nümayəndəsi isə bu məlumatı təkzib edib. O, bu gün Qorbaçovla iki saat birlikdə olduqlarını və siyasətçinin filmin premyerasında iştirak etməyi düşünmədiyini bildirib.

Ölkə.Az

ŞƏRH YAZ
0
BAĞLA