İran Trampa qarşı Rusiya və Çinə yaxınlaşır
İran parlamentinin milli təhlükəsizlik və xarici siyasət komissiyasının sədri Burucerdi ABŞ əleyhinə açıqlama verib.
“Ölkə.Az” xəbər verir ki, komissiya sədri ABŞ-ın İrana qarşı siyasət yürütməyə davam etdiyini qeyd edib.
“İran buna qarşı Şərqə, xüsusən də Çin və Rusiyaya yaxınlaşacaq. Biz Çin və Rusiyaya baxışımızı gücləndirməliyik”, - deyə parlamentari bildirib.
Tramp müharibə tərəfdarı və İran əleyhinə fəaliyyəti ilə tanınan Con Boltonu milli təhlükəsizlik üzrə müşavir təyin edib. İranlı deputatın fikrinə görə, bununla da ABŞ-ın İrana qarşı sərt siyasəti davam edəcək:
“ABŞ sanksiyalarının hədəfi olan Rusiya və Çin kimi önəmli ölkələrlə münasibətləri gücləndirməliyik”.
Hikmət Həsənov
Ölkə.Az
