İranda qəzaya uğrayan təyyarənin göyərtəsindəki 66 nəfərin hamısı həlak olub
İranın “Aseman Airlines" aviaşirkətinə məxsus "ART-72" tipli sərnişin təyyarəsi qəzaya uğrayıb.
“Ölkə.Az” İSNA Agentliyinə istinadən xəbər verir ki, təyyarənin göyərtəsində olan 66 nəfərin hamısı həlak olub.
***
“Ölkə.Az” İran KİV-lərinə istinadən xəbər verir ki, təyyarə Tehran-Yasuc reysi ilə hərəkət edirmiş.
Məlumata görə, səhər saat 08.00-da havaya qalxan təyyarə 50 dəqiqə sonra radarlardan itərək qəzaya uğrayıb. Təyyarədə sərnişin və ekipaj üzvləri ilə birlikdə 66 sərnişin olduğu bildirilir.
İran Fövqalədə Hallar Mərkəzinin məlumatına görə, təyyarə İsfahan əyalətində Semirom şəhərinin yaxınlığında düşüb. Təyyarə dağlıq ərazidə qəzaya uğradığından və qatı duman səbəbindən xilasedicilər hələ ki, hadisə yerinə çatmayıblar.
Ölkə.Az