İranda terror törətməyi planlaşdıran terrorçular saxlanıldı

İranda terror törətməyi planlaşdıran terrorçular saxlanıldı
20:28
13.01.2018
1213
Dünya
A
İran hərbçiləri Pakistan sərhədi yaxınlığında terrorçuları həbs ediblər.

“Ölkə.Az” xəbər verir ki, əməliyyat İran İslam İnqilabının Mühafizəçiləri Korpusu (SEPAH) əməkdaşları tərəfindən həyata keçirilib.

Bu barədə “IRGC” saytı məlumat yayıb. Verilən məlumata görə, Pakistanla sərhəddə keçirilən əməliyyat nəticəsində saxlanılan terrorçuların üzərindən partlayıcılar və çox sayda sursat aşkarlanıb.

Saxlanılan terrorçular “Əl-Qaidə” terror qruplaşması ilə əlaqəli olublar. Onlar İranda inzibati binaları partlatmaq və insanların sıx məskunlaşdığı ərazilərdə terror törətməyi planlaşdırırlarmış.

Ziya Səccad
Ölkə.Az

ŞƏRH YAZ
0

Səudiyyə Ərəbistanı yığmasını daşıyan təyyarədə problem — Mühərrikə quş girib

Səudiyyə Ərəbistanı yığmasını daşıyan təyyarədə problem
01:20
Bu gün
935
Dünya
A
Səudiyyə Ərəbistanı yığmasını Rostov şəhərinə daşıyan təyyarədə nasazlıq yaranıb.

"Ölkə.Az" xəbər verir ki, bu barədə  “Rusiya” aviaşirkətinin mətbuat xidməti açıqlama yayıb. Bildirilir ki, mühərrikə buna səbəb mühərrikə quş girməsi olub.

“Eniş ştat rejimdə keçib. Təyyarənin mühərrikində guya yanğının baş verməsinə dair xəbərlər həqiqətə uyğun deyil. Hadisə nəticəsində zərərçəkən olmayıb”, məlumatda deyilir.

Qeyd edək ki, Səudiyyə Ərəbistanının futbol üzrə yığması Rusiyada keçirilən XXI Dünya çempionatında iştirak edir.

Ölkə.Az

ŞƏRH YAZ
0

Lavrov və Pompeo telefonla danışdı — Şimali Koreya və Suriya məsələləri

Lavrov və Pompeo telefonla danışdı
01:05
Bu gün
792
Dünya
A
Rusiyanın xarici işlər naziri Sergey Lavrov və ABŞ-ın dövlət katibi Mayk Pompeo bazar ertəsi telefon danışıqları aparıb.

"Ölkə.Az" Rusiya mətbuatına istinadən xəbər verir ki, tərəflər arasında Koreya yarımadasındakı vəziyyət, eləcə də yaxın gələcəkdə Rusiya və ABŞ əlaqələrinin genişlənməsi məsələləri müzakirə olunub.

Həmçinin BMT Təhlükəsizlik Şurasının 2254 nömrəli qətnaməsi əsasında Suriya münaqişəsinin həlli, eləcə də Koreya yarımadasında problemlərin həlli məsələləri diqqət mərkəzində olub.

S.Lavrov və M.Pompeo ikitərəfli münasibətlərin bəzi aspektləri, eləcə də Rusiya və ABŞ arasında yaxın zamanlarda siyasi təmasların planı barədə fikir mübadiləsi aparıblar.

Bu danışıqların ABŞ tərəfinin təşəbbüsü ilə keçirildiyi qeyd edilib.

Ölkə.Az

ŞƏRH YAZ
0
BAĞLA