\"Range Rover\" problemli avtomobillərini geri çağırdı
Böyük Britaniyanın “Jaguar Land Rover” şirkəti Çin bazarından 8952 avtomobilini təhlükəsizlik yastıqlarındakı problemə görə geri çağırır.
“Ölkə.Az” xarici KİV-ə istinadən xəbər verir ki, bu barədə Çinin Keyfiyyətə Nəzarət, Təftiş və Karantin Baş Administrasiyası məlumat yayıb.
Qüsurlara görə avtomobillərin geri çağırılması üçün administrasiyaya “Jaguar Land Rover” şirkəti müraciət edib.
Geri çağırılan avtomobillər 2012-ci ilin iyunundan 2013-cü ilin oktyabrınadək olan dövrdə istehsal edilən “Jaguar XF” avtomobilləridir. Geri çağırma prosesinə yanvarın 19-dan başlanılacaq və texniki problemlər istehsalçı şirkətin hesabına aradan qaldırılacaq.
Zaur Əziz
Ölkə.Az
