İraq ordusu Türkiyə sərhədinə yaxınlaşdı

İraq ordusu Türkiyə sərhədinə yaxınlaşdı
12:21
24.10.2017
3014
Dünya
A
İraqın şimalındakı Sincarı peşmərgədən təmizləyən İraq ordusunun yeni hədəfi məlum olub.

"Ölkə.Az" xəbər verir ki, ordu Ankara və Bağdadın açmaq istədiyi Ovaköy sərhəd qapısına doğru hərəkət edir. Artıq Duhokun qərbini keçən əsgərlər Feys Habura çatıb.

İraq ordusunun Bərzaniyə zərbələri davam edir. Ordu şimala doğru hərəkətinə davam edir. Dəclə çayı boyunca hərəkət edən ordu birləşmələri Feys Haabura çatıb. İraq ordusunun Türkiyə sərhədinə çatmasına artıq çox az məsafə qalıb.

Hikmət Həsənov
Ölkə.Az

ŞƏRH YAZ
0

“Facebook”un iki binasında bomba həyəcanı

“Facebook”un iki binasında bomba həyəcanı
11:21
Bu gün
648
Dünya
A
“Facebook” şirkətinin Kaliforniyadakı iki binasında bomba həyəcanı verilib.

“Ölkə.Az” xəbər verir ki, gecə saatlarında hər iki bina təxliyə edilib. Polisin partlayıcı maddələr üzrə xüsusi qrupu saatlarla binada axtarış aparıb. Verilən açıqlamaya əsasən, heç bir şübhəli vəziyyət olmayıb. Həm polis, həm də şirkətin mətbuat xidməti insanların təhlükəsizlikdə olduğunu açıqlayıb.

Polis idarəsinin mətbuat xidmətindən Nikol Aker, Menlo Park səmtindəki İnstaqram və Facebook işçilərinin olduğu  mərkəzdə bomba olduğu barədə anonim zəngə qarşı lazımi tədbirlərin görüldüyünü açıqlayıb. O, bildirib ki, hazırda araşdırmalar davam edir amma insanların həyatına qarşı heç bir təhlükə yoxdur.

Hikmət Həsənov
Ölkə.Az

ŞƏRH YAZ
0

Putinin Almaniya Dövlət Təhlükəsizlik Nazirliyindəki vəsiqəsi üzə çıxdı — FOTOLAR

Putinin Almaniya Dövlət Təhlükəsizlik Nazirliyindəki vəsiqəsi üzə çıxdı
10:18
Bu gün
1631
Dünya
A
Rusiya prezidenti Vladimir Putinin Şərqi Almaniyanın KQB-si olan Ştazidə işlədiyi dövrdə ona verilən vəsiqə üzə çıxıb.

“Ölkə.Az” xəbər verir ki, vəsiqə Almaniyanın Drezden şəhərindəki arxivlərdə KQB və Ştazi arasındakı əməkdaşlığa dair araşdırma zamanı tapılıb.
Şərqi Almaniyada Sovet İttifaqının agenti kimi işləyən Putin vəsiqəni 1985-ci ildə alıb. Vəsiqəyə əsasən, Putin Ştazi binalarına girib-çıxa bilir amma bu onlar üçün casusluq etdiyi mənasına gəlmir.

Kremlin mətbuat katibi Dmitri Peskov da Ştazi vəsiqəsi ilə bağlı deyib:

“SSRİ dövründə KQB və Ştazi partnyor olub. Bu səbəbdən belə vəsiqələrin verilməsi normaldır”.

Qeyd edək ki, Putin 1985-ci ildə, 33 yaşı olanda Şərqi Almaniyaya təyin edilib. O, Şərqi Almaniyada kommunist rejiminin çökdüyü 1989-cu ilə qədər Drezdendə KQB agenti kimi işləyib. Onun qız övladı da burada dünyaya gəlib. 

Vəsiqənin üstündəki möhürlər kartın üç aydan bir yeniləndiyini sübut edir. Stalinin kartı niyə Drezdendə qoyub gəldiyi bilinmir.

Hikmət Həsənov
Ölkə.Az

ŞƏRH YAZ
0
BAĞLA