"Rasim Balayevə görə işimi atıb televizora baxmaram" deyən aktyora — sərt CAVAB

17:12
22.02.2017
448
Mədəniyyət
A
Akademik Milli Dram Teatrının aktyoru, əməkdar artisti Əli Nur Gənc Tamaşaçılar Teatrının aktyoru, Kalmıkiyanın əməkdar artisti İlham Əsədovun xalq artisti Rasim Balayev haqda səsləndirdiyi fikirlərə münasibət bildirib

Ə.Nur "Ölkə.Az"-a açıqlamasında Əsədovun səhv etdiyini deyib:

"Azərbaycanın bütün sənətçilərinə çox isti və dərin hörmətim var. Ola bilər kiminsə fikrini qəbul edərəm, kiminsə fikrini yox. Ancaq sənətkar, xüsusən də teatr sənətçisi olduqları üçün, ağır tale yoldaşlarım olan aktyorların bütün fikirlərini müsbət qəbul edirəm. Lakin İlham Əsədov Rasim Balayev haqda o fikri səsləndirməkdə böyük səhvə yol verib.

Nizami, Füzuli, Nəsimi, Xaqani, Səməd Vurğun, Mikayıl Müşfiq ədəbiyyat klassiklərimizdirsə, Ərəblinski, Abbas Mirzə Şərifzadə, Ülvi Rəcəb, Mərziyyə Davudova, Ələsgər Ələkbərov, Məlik Dadaşov, Həsənağa Turabov, Əli Zeynalov, Həsənağa Salayev də bizim teatr, mədəniyyət klassiklərimizdir, onlara hörmətlə yanaşmalıyıq. Eramızdan əvvəl imperator Perikil deyirdi ki, teatrı olmayan şəhəri şəhər saymıram. Deyirdi, teatr insana çörək qədər vacibdir. Höte deyir ki, xalqı millət etmək üçün birinci teatr yaratmaq lazımdır. Ola bilsin ki, İlham Əsədov cavanlığına salıb. Rasim Balayev bizim klassikimizdir, qəhrəmanlıq simvolumuzdur. Nəsimisi, Babəki, Beyrəyidir. Gənclik xətadır, səhvdir. Arzu edərdim ki, o səhvini düzəltsin. Rasim Balayev tək bir Nəsimi roluyla özünə heykəl qoyub. Bir gənc aktrisanın Hökumə Qurbanova, Leyla Bədirbəyli, Nəcibə Məlikova haqda belə söz deməyi, bu, bizə bağışlanmaz səhvdir. Onlar Azərbaycanı dünya miqyasında təbliğ edən korifeylərdir. Balayev də bu məktəbin üzvüdür".

Xatırladaq ki, İlham Əsədovun "Ölkə.Az"-a bu müsahibəsində "Rasim Balayevə görə işimi atıb televizora baxmaram" fikri sosial şəbəkələrdə narazılığa səbəb olub.

İntiqam VALEHOĞLU
Ölkə.Az

ŞƏRH YAZ
0

Sərxan Sərxan: "Sənətdə heç vaxt pul, şöhrət dalınca qaçmamışam"

Sərxan Sərxan:
13:27
Bu gün
532
Mədəniyyət
A
"40 ildir sənətdə, səhnədəyəm. Düz 30 il öncə Əməkdar artist fəxri adına layiq görüldüm. Bu il isə mayın 27-də ölkə prezidenti tərəfindən Xalq artisti fəxri adını aldım. İnanın ki, nə o vaxt, nə də indi xəbərim olmuşdu.Hətta dostlarımdan biri zəng vurub təbrik edəndə bildirdim, niyə tələsirsən, ad günümə hələ 20 gün qalır, qayıdıb dedi ki, ad gününü yox, Xalq artisti adını təbrik edirəm."

"Ölkə.Az" Oxu.Az-a istinaən  xəbər verir ki, bunu tanınmış sənətkar, Xalq artisti Sərxan Sərxan deyib.

O qeyd edib ki, sənətdə heç vaxt pul, şöhrət dalınca qaçmayıb. Xalq artistinin sözlərinə görə, sənətə pulun gözü ilə baxmaq düzgün deyil, sənətə sənət naminə gəlmək lazımdır və yalnız o zaman uğur qazana bilərsən.

Tanınmış sənətçi həm adının, həm soyadının Sərxan olmasına da aydınlıq gətirib.

Bildirib ki, gənc vaxtlarından Bakıdan Moskvaya üz tutmalı olub və o vaxt onu təqdim edərkən aparıcı soyadını söyləməkdə xeyli çətinlik çəkməli olub:

“Mənim gözəl soyadım var - Qurbanbəyov. Sərxan da babamın adıdır. Gördüm ki, soyadımı çəkməyə çətinlik çəkir, rus aparıcıya dedim ki, Sərxan Sərxan de (gülür). Elə ötən əsrin 80-ci illərindən də Sərxan Sərxan oldum və belə təqdim edildim.

Eyni zamanda, Sərxan adı o vaxt yeni və az qoyulan adlardan olduğu üçün mənim pərəstişkarım olan azərbaycanlıların - içərisində Rusiyada, ovaxtkı SSRİ-də yaşayan soydaşlarımız da var - bir çoxu övladlarına Sərxan adı verməyə başladılar. İndi həmin sərxanların bir çoxu ailə-uşaq sahibi olublar”.

S.Sərxan mərhum dövlət başçısı Heydər Əliyevlə bağlı maraqlı xatirəsini danışıb:

“Böyük dövlət adamı olan Heydər Əliyev hər zaman sənətə, sənət adamlarına xüsusi diqqət yetirib. Daim dövlət konsertlərindən sonra səhnənin arxasına gələrək sənət adamları ilə görüşüb, söhbətləşib. Bir gün yenə dövlət konsertlərindən biri idi, Heydər Əliyev konsertdən sonra sənət adamları ilə görüşürdü.

Hamı ilə Azərbaycan dilində danışırdı, mənə çatanda isə rus dilində danışdı. Dedim ki, Heydər Əliyevic, mənimlə də azərbaycanca danışın. O da gülə-gülə və özünəməxsus amiranəliklə dedi ki, o zaman sən də azərbaycanca oxu (gülür).

Bu söz məni əməlli-başlı tutdu. Elə həmin gün bir nəfər televiziyada çalışan dostum mənə bir xeyli şeir təqdim etdi. Əksəriyyəti də Tofiq Bayramın şeirləri idi, özü də hamısı gözəl idi.

Onlardan birini, tez bir zamanda hitə çevrilən “Ay gecikən məhəbbətim” şerini seçdim və ona musiqi bəstələdim, elə həmin gün, bir anın içində... Bu mahnım Azərbaycanla yanaşı, Moskvada, keçmiş SSRİ-də də çox məşhur oldu”.

ŞƏRH YAZ
0

Azərbaycanda iki teatra yeni direktorlar təyin olundu

Azərbaycanda iki teatra yeni direktorlar təyin olundu
17:22
17.07.2018
3311
Mədəniyyət
A
Azərbaycandaiki teatra yeni direktor təyin edilib.

"Ölkə.Az"ın "Report"a istinadən xəbərinə görə, Gənc Tamaşaçılar Teatrının keçmiş direktoru Mübariz Həmidov Sumqayıt Dövlət Dram Teatrına direktor təyin olunub. Sumqayıt şəhər İcra Hakimiyyəti başçısının I müavini Teymur Səmədov və Mədəniyyət Nazirliyinin İncəsənət şöbəsinin müdiri İsmayıl Hüseynov Mübariz Həmidovu kollektivə təqdim ediblər.

Sumqayıt Dövlət Dram Teatrının sabiq direktoru İslam Həsənov YUĞ teatrına direktor yeni təyin olunub.Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədov icra edirdi.

ŞƏRH YAZ
0
BAĞLA