Rasim Balayevin səhhəti ilə bağlı — SON MƏLUMAT

Rasim Balayevin səhhəti ilə bağlı
12:47
22.12.2017
4588
Mədəniyyət
A
Xalq artisti Rasim Balayevin səhhətində irəliləyiş var.

"Ölkə.Az"ın xəbərinə görə, bu barədə Report-a açıqlamasında Xalq artisti özü məlumat verib.

O bildirib ki, artıq müalicələr nəticəsini göstərməyə başlayıb. Xalq artistinin sözlərinə görə, İsraildən gələn ortoped həkim, onun belində olan ağrıları müayinə etdikdən sonra müəyyən tapşırıqlar verib: 

"Həkim təxminən 10 gün qabaq gəlmişdi. Mənə bəzi hərəkətlər etməyimi və hər gün gəzməyimi tapşırdı. Müalicəm gedir, özümü yaxşı hiss edirəm. Həmin həkim 3-4 aydan bir Bakıya gəlir. Yenidən gəldikdə müayinə üçün mənə xəbər edəcəklər".

Rasim Balayev Türkiyədən gələn nevropotoloqun müalicəsindən sonra səhhətində müsbət yöndə dəyişikliklərin olduğunu deyib: 

"Əvvəlkinə nisbətən daha yaxşıyam. Müalicəm isə davam edir".

Qeyd edək ki, R.Balayev şəkər və təzyiq xəstəliklərindən əziyyət çəkir. Onun onurğasında da problem var. Xalq artistinin müalicə xərclərini dövlət ödəyir.

ŞƏRH YAZ
0

Tanınmış alim vəfat etdi

Tanınmış alim vəfat etdi
15:45
22.01.2018
812
Mədəniyyət
A
Görkəmli alim Əsəd Musayev vəfat edib.

"Ölkə.Az" xəbər verir ki, bu barədə APA-ya Kənd Təsərrüfatı Nazirliyindən (KTN) məlumat verilib.

Bildirilib ki, Ə. Musayev yanvarın 21-də 80 yaşında dünyasını dəyişib.

Əsəd Cənnət oğlu Musayev uzun müddət Aqrar Elm Mərkəzinə və Əkinçilik Elmi-Tədqiqat İnstitutuna rəhbərlik edib.

Ə. Musayevin tədqiqat işləri nəticəsində yüzlərlə buğda, çovdar və digər dənli bitkilərin təbii hibrid formaları toplanıb. Rəhbərlik etdiyi “Bitki seleksiyası” şöbəsində bir sıra buğda, arpa, qarğıdalı, soya, lobya, noxud, tritikale bitkilərinin 20 mindən çox genofondunun toplanmasına nail olunub, dənli, dənli-paxlalı bitkilərin 90-dan çox sortu yaradılıb, KTN yanında Bitki Sortlarının Qeydiyyatı və Toxum Nəzarəti üzrə Dövlət Xidmətinə verilib. İndiyədək onlardan 47-si rayonlaşıb və patentləşib. Bu sortlar hər il respublikada 600 min hektardan artıq sahədə əkilir. 

Mərhum alim “Şərəf nişanı” ordeni ilə təltif edilib, əməkdar kənd təsərrüfatı işçisi fəxri adına və Azərbaycan prezidentinin fərdi təqaüdünə layiq görülüb.

ŞƏRH YAZ
0

“Paddinqton 2” Azərbaycan dilində nümayiş olundu — Foto

“Paddinqton 2” Azərbaycan dilində nümayiş olundu
22:27
21.01.2018
778
Mədəniyyət
A
"CinemaPlus Ganjlik Mall"da Azərbaycan dilinə dublyaj olunmuş “Paddinqton 2” filminin nümayişi keçirilib.

"Ölkə.Az" xəbər verir ki, ekran əsərində baş rolları Hyu Bonnevill, Salli Hokins, Brendan Qlison, Hyu Qrant kimi məşhurlar ifa edirlər.

Xronometrajı 103 dəqiqə olan filmin rejissoru Paul Kinqdir.

Filmi Azərbaycan dilinə Murad Dadaşov, Oksana Rəsulova, Aqil M. Quliyev, Kamran Ağabalayev və Sənubər İsgəndərli səsləndiriblər.

Filmin süjet xəttinə görə, Londonun əntiq əşyalar satılan mağazasında gözəl və yaxşı tərbiyə olunmuş ayı Paddinqton qədim qeyri-adi bir kitab tapır. O, bütün ayı gücü ilə həmin kitaba pul yığana kimi, nadir kitab oğurlanır. Paddinqton, it konservləri reklam edən, öz çevrilmə bacarığını bütün Londanda gizlədilən zinət əşyalarının ovuna istifadə edən aktyorun planı olan əsrin hiyləsinə qoşulmuş olur.

Ölkə.Az

ŞƏRH YAZ
0
BAĞLA