Rasionunuzda həmişə olmalı 3 super məhsul

Rasionunuzda həmişə olmalı 3 super məhsul
02:58
16.12.2019
2139
Maraqlı
A
Minimum üç super məhsul var ki, onlar həmişə sizin rasionunuzda olmalıdır. Həmin məhsulların istifadəsi iltihab və müxtəlif xəstəliklərin qarşısını alır.

"Ölkə.Az" qafqazinfo-ya istinadən xəbər verir ki, bu barədə mütəxəssislərin fikirlərini "Domaşni oçaq" jurnalı dərc edib.

Həmin üç super məhsulu sizə təqdim edirik:

Yumurta. Orqanizmi dəyərli nutrientlərlə təmin edən ən yaxşı əlçətan məhsullardan biridir. Bir orta ölçülü yumurta bizə 6 qram zülal verir və bundan əlavə, onun tərkibində yüksək miqdarda A, B, D vitaminləri, kalium mineralı var. Mütəxəssislərin fikrinə görə, yumurtanın istifadəsi ürək xəstəlikləri riskini aşağı salır, onların sarısı isə xolesterinin artması ilə heç cür bağlı deyil.

Qırmızı bolqar bibəri. Onun tərkibində C vitamininin miqdarı portağaldakından iki dəfə çoxdur. Bundan başqa, qırmızı bolqar bibərinin tərkibində antioksidant xüsusiyyətlərə malik beta-karotin və likopin var. Bibərin istifadəsi orqanizmin hüceyrələrini oksidləşdirici stres və dağılmadan qoruyur, immun sistemini xərçənglə mübarizədə möhkəmləndirir.

Zeytun yağı. O, orqanizmə lazım olan bütün sağlam yağlarla zəngindir, iltihabi əleyhinə təsir göstərir, qanda xolesterin və şəkərin səviyyəsini aşağı salır. Zeytun yağı ürək xəstəliklərindən effektiv qoruyur. 

ŞƏRH YAZ
0

Zaqatala sakinindən maraqlı ixtira — VİDEO

Zaqatala sakinindən maraqlı ixtira
00:03
Bu gün
177
Maraqlı
A
Zaqatala sakini evinin bütün enerji sistemini idarə etmək üçün xüsusi qurğu hazırlayıb.

"Ölkə.Az" oxu.az-a istinadən xəbər verir ki, 44 yaşlı Sahib Şahmalıyevin ərsəyə gətirdiyi kənardan idarə edilən kombi sistemi öz üstünlükləri ilə ağıllı ev sistemindən fərqlənir. 

Belə ki, bu sistem vasitəsi ilə, yalnız kombi və yaxud hansısa qaz cihazını deyil, evdə istifadə edilən bütün enerji sistemini yalnız internet şəbəkəsinə qoşulmuş smartfon telefonları ilə istənilən məsafədən idarə etmək mümkündür. 

S.Şahmalıyev bu sistemin hətta böyük müəssisə, zavod, fabrik və yaxud çoxmənzilli binaların qazanxanalarında da tətbiq etməyin mümkün olduğunu bildirir. Hələlik tətbiq etdiyi yenilikdə hər hansı bir qazanc məqsədi güdməyən mühəndis bu sistemin ona 300-400 manat civarında xərcə başa gəldiyini vurğulayır.

Elmin və texnikanın inkişaf etdiyi dövrdə bu cür sistemlərin geniş şəkildə tətbiqi insanların rahatlığı üçün məqsədə uyğundur.

ŞƏRH YAZ
0

Ötən il 200 milyarddan çox mobil tətbiq yüklənilib — REKORD

Ötən il 200 milyarddan çox mobil tətbiq yüklənilib
22:53
18.01.2020
296
Maraqlı
A
2019-cu ildə dünyada istifadəçilər 204 milyard mobil əlavə yükləməklə rekorda imza atıblar. Bu, 2018 və 2016-cı illərlə müqayisədə müvafiq olaraq 6 və 45 faiz çoxdur.

"Ölkə.Az" "ICTnews"a istinadən xəbər verir ki, ötən il istifadəçilər tərəfindən qlobal miqyasda mobil proqramların alışına, eləcə də onlar daxilində abunə və kontentə 120 milyard dollar sərf edilib.

Bu, 2016-cı ilin xərclərini iki dəfədən çox üstələyir. İnsanlar belə proqram və oyunlarda orta hesabla gündə 3 saat 40 dəqiqə keçiriblər ki, bu da 2017-ci ildən 35 faiz çoxdur.

Smartfon və planşet sahibləri arasında mobil oyunlara tələbat daha böyükdür. 2019-cu ildə istifadəçilərin bütün mobil əlavələr arasında xərclərinin 72 faizi (86 milyard dollar) oyunların payına düşüb. 2020-ci ildə bu rəqəm 100 milyard dolları ötə bilər. Ötən il istifadəçilər mobil oyunlara ümumilikdə bütün digər oyun növləri ilə müqayisədə 25 faiz daha çox pul xərcləyiblər.

2019-cu ildə mobil əlavələri ən çox Çin, Hindistan, ABŞ, Braziliya və İndoneziya sakinləri yükləyiblər.

Tədqiqatda, həmçinin qeyd olunur ki, müasir smartfonun ekranı televizoru tam əvəzləyib. Video və əyləncələrə baxmaq üçün istifadəçilər həmişə əl altında olan kiçik ekrana üstünlük verməyə başlayıblar. Bununla yanaşı, ötən il dünya istifadəçiləri əyləncəli mobil əlavələrdə iki il əvvəllə müqayisədə 1,5 dəfə çox vaxt keçiriblər.

Sosial şəbəkələr lider olaraq qalır: mobil əlavələrə sərf edilən vaxtın yarısı sosial şəbəkə və messencerlərin payına düşür. Bundan əlavə, istifadəçilər ünsiyyət üçün yeni əlavələr yükləməkdə davam edirlər: təkcə 2019-cu ildə 9,5 milyard ünsiyyət proqramı yüklənilib.

Ölkə.Az

ŞƏRH YAZ
0
BAĞLA