“Rauf Qurbanovun 26-larla qohumluq əlaqələri var” — deputat partiya sədrini “TOPA TUTDU”

“Rauf Qurbanovun 26-larla qohumluq əlaqələri var”
17:24
25.09.2017
449
Ölkə
A
Milli Məclisin deputatı Çingiz Qənizadə Azərbaycan Kommunist Partiyasının Mərkəzi Komitəsinin (AKP MK) sədri Rauf Qurbanovun 26 Bakı Komissarı haqqında söylədiyi fikirlərə münasibət bildirib.

Ç.Qənizadə “Ölkə.Az”-a açıqlamasında deyib ki, Rauf Qurbanov öz fikirlərində ciddi səhvə yol verir:

“Mən Rauf Qurbanovun hərəkətlərini və açıqlamalarını izləyirəm. Onu qınamıram. Görünür, Rauf Qurbanov öz babalarından danışır. Yəni, onun 26 Bakı Komissarı ilə genetik qohumluq əlaqələri var”. 

Deputat qeyd edib ki, müstəqil Azərbaycan Respublikası Azərbaycan Xalq Cümhuriyyətinin varisidir: 

“Azərbaycan Xalq Cümhuriyyətini devirən də məhz bolşeviklər olub. Rauf Qurbanovun həmin bolşevikləri müdafiə etməsi qəbuledilməzdir. Onun fikirlərində Azərbaycanın müstəqilliyinə qarşı təhdid olmasa da, ancaq Rauf Qurbanov Azərbaycanın keçmişi ilə bağlı öz beyninin məhsulunu ortaya qoyur. Görünür, Azərbaycan Kommunist Partiyası hələ də bolşevikləri, Lenini arzulayır. Hesab edirəm ki, bu cür adamları saxta fikirlərinə görə çox gündəmə gətirmək lazım deyil. Əksinə, onları unutmaq lazımdır”.

Xatırladaq ki, Rauf Qurbanov “Ölkə.Az”-a açıqlamasında 26 Bakı Komissarını açıq şəkildə müdafiə edib:

“26 Bakı Komissarı Azərbaycan tarixində mühüm rol oynamış tarixi şəxsiyyətlərdir. Kimliyindən asılı olmayaraq bu inqilabçı dəstə tarixi şəxsiyyətlərdən ibarət olub və onları təhqir etmək olmaz”.

Vasif Həsənli
Ölkə.Az

ŞƏRH YAZ
0

Bakıda eyvanlardan paltar asmaq qadağan edildi

Bakıda eyvanlardan paltar asmaq qadağan edildi
00:59
Bu gün
2971
Ölkə
A
Bakının Nərimanov rayon İcra Hakimiyyəti rayon sakinlərindən balkonlardan paltarların qurudulması üçün çəkdikləri zivələri yığışdırmağı tələb edib.

“Ölkə.Az” “Xəzər TV”yə istinadən xəbər verir ki, İcra Hakimiyyətinin ictimai-siyasi və humanitar məsələlər şöbəsinin müdiri Hüseyn Cəfərov bildirib ki, həmin tələb mərkəzi prospektlərdə yerləşən binaların sakinlərinə aiddir.

Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.

Ölkə.Az

ŞƏRH YAZ
0

Yavər Camalovun son — VİDEOSU

Yavər Camalovun son
22:10
23.06.2018
5086
Ölkə
A
Bu gün dünyasını dəyişən müdafiə sənayesi naziri Yavər Camalovun son görüntüləri yayılıb.

“Ölkə.Az” xəbər verir ki, yayılan məlumatlarda nazirin bu günlərdə Parisdə keçirilən “EUROSATORY-2018” beynəlxalq müdafiə və təhlükəsizlik sərgisində iştirak etdiyi, elə sərgidən sonra səhhətinin pisləşdiyi bildirilir. 

Yeniçağ.az isə nazirin sərgidə çəkilmiş və son görüntülərini yayıb. Həmin videonu təqdim edirik:

Ölkə.Az

ŞƏRH YAZ
0
BAĞLA