Rayonlarda toyuqlar kütləvi şəkildə tələf olur — Sakinlər narahatdır + Video

Rayonlarda toyuqlar kütləvi şəkildə tələf olur
21:31
19.01.2018
1505
Hadisə
A
Son bir həftədə rayonlarda ev quşları kütləvi şəkildə tələf olmağa başlayıb.

"Ölkə.Az" "Xəzər Xəbər"ə istinadən xəbər verir ki, baytarlar bunu havaların qeyri-sabit keçməsi ilə əlaqələndirsələr də sakinlər bundan narahatdır. Ev quşlarının ölüm halları İsmayıllı və Kürdəmirdə daha çox müşahidə olunub.

Belə ki, İsmayıllının Kürdmaşı kəndində ev quşlarının kütləvi şəkildə tələf olması faktı qeydə alınıb. Son bir neçə gündə 120-yə yaxın ev quşu tələf olub.

Kənd sakinlərinin sözlərinə görə, quşların qırılması bir neçə gün davam edib. Buna görə də tələfatın qarşısını almaq məqsədi ilə digər ölmüş quşlar basdırılıb. Buna baxmayaraq ev quşlarının ölməsi davam edir.

Tələf olmuş heyvanlardan analiz və yoxlama üçün nümunələr götürülərək rayon baytarlıq idarəsinə göndərilib.

Kürdəmir rayonunun Sor-sor kəndində də bənzər hadisə olub. Sakinlər təsərrüfatlarında ev quşlarının kütləvi tələf olmasından narahatdırlar. Onların sözlərinə görə, son bir həftə ərzində təlafat kütləvi hal alıb.

Xəstəlik ev quşları arasında toyuqlarla yanaşı qaz, hindquşuna da yoluxur. Sakinlər məsələ ilə bağlı rayon baytarlıq idarəsinə müraciət ediblər.

Bildirilir ki, bu günə qədər 500 başdan çox ev quşu tələf olub.

 

ŞƏRH YAZ
0

Maşından 8 kq-dan çox tiryək aşkar edildi

Maşından 8 kq-dan çox tiryək aşkar edildi
12:12
Bu gün
297
Hadisə
A
Ötən gün Biləsuvar rayonunda polis əməkdaşları tərəfindən külli miqdarda narkotik vasitə götürülərək qanunsuz dövriyyədən çıxarılıb.

DİN Mətbuat Xidmətindən "Ölkə.Az"a verilən məlumata görə, dekabrın 11-də daxil olmuş məlumat əsasında Biləsuvar Rayon Polis Şöbəsinin əməkdaşları tərəfindən rayonun Xırmandalı kəndi ərazisində “Ford-transit” markalı avtomobil saxlanılıb. 

Polis əməkdaşlarının keçirdikləri əməliyyat-axtarış tədbirləri nəticəsində Salyan rayon sakini Şahin Qəfərovun idarə etdiyi həmin nəqliyyat vasitəsindən çəkisi 8 kiloqram 55 qram narkotik vasitə olan tiryək aşkar edilərək götürülüb. Faktla bağlı cinayət işi başlanılıb, istintaq aparılır. 

Ölkə.Az

ŞƏRH YAZ
0

Avtobusu qapısı açıq şəkildə idarə edən sürücüdən sərnişinə cavab — "Özüm bilərəm" (VİDEO)

Avtobusu qapısı açıq şəkildə idarə edən sürücüdən sərnişinə cavab
11:56
Bu gün
249
Hadisə
A
Bakıda ictimai nəqliyyatda daha bir qayda pozuntusu yaşanıb.

"Ölkə.Az" femida.az-a istinadən xəbər verir ki, hadisə 18 saylı marşurut xətti ilə hərəkət edən avtobusda yaşanıb. 10 -TH-327 dövlət nömrə nişanlı avtobusun sürücüsü bir neçə dəfə ciddi qayda pozuntusuna yol verib. Belə ki, Hüseyn Cavid prospekti ilə hərəkət edən sürücü ilk öncə qaydaları pozaraq sərnişinləri qarşı qapıdan düşürüb.Daha sonra əsəbi halda avtobusun qapısı açıq şəkildə nəqliyyat vasitəsini idarə edib. Daha sonra qeyd olunan avtobusun sürücüsü iki dəfə qəza şəraiti yaradır. Sərnişinlərdən sürücüyə etiraz edən olsa da, o buna məhəl qoymayıb. "Özüm bilərəm, sizin yaşınız qədər mənim stajım var", deyərək əsəbi halda idarə etməyə davam edib. Xatırladaq ki, 18 saylı marşurut xəttinə “Xaliq Faiqoğlu” MMC nəzarət edir.Şirkət 2002-ci ildə fiziki şəxs kimi Rusiya istehsalı olan az sayda Qazel markalı mikroavtobusla 65 saylı xətt üzrə xidmət göstərməyə başlayıb.

Sözü gedən görüntüləri təqdim edirik:

Ölkə.Az

ŞƏRH YAZ
0
BAĞLA