"Real Madrid" 450 milyon avroya Neymarı heyətinə qatır

15:51
12.11.2017
5008
İdman
A
"Real" futbol tarixinin ən böyük transferini reallaşdırmaq istəyir.

Ölkə.Az Fanat.Az-a istinadən xəbər verir ki, "Kral Klubu" PSJ-dən Neymarı heyətinə qatmaq üçün hərəkətə keçib.

Son günlər braziliyalı futbolçunun Fransadakı həyata alışa bilmədiyi və xoşbəxt olmadığı deyilir. Bu səbəbdən onun PSJ-dən ayrılmaq istədiyi deyilir. "Real" isə bu şansdan yararlanaraq onu heyətinə qatmaq niyyətindədi.

"Marca"nın iddiasına görə, "Real" yayda ulduz bir futbolçunun alınması üçün 200 milyon avro büdcə ayırıb və hədəfindəki ilk futbolçu isə Neymardı. Amma PSJ 222 milyon avroya aldığı braziliyalıya 450 milyon avro qiymət qoyub. Bildirilir ki, "Real" rəhbərliyi Neymarı almaq üçün bu məbləği ödəməyə hazırdı.

ŞƏRH YAZ
0

"Şah" dünya çempionuna uduzmasa da...

01:29
17.10.2018
421
İdman
A
Yunanıstanda keçirilən şahmat üzrə klublararası Avropa çempionatında (AÇ) V tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız Norveçin “Volerenqa” klubu ilə üz-üzə gəlib.

İlk lövhədə Şəhriyar Məmmədyarovla dünya çempionu Maqnus Karlsen mübarizə aparıb. Görüşdə qalib müəyyənləşməyib.

Lakin ümumi hesabda Norveç komandası 3,5:2,5 hesabı ilə qalib gəlib. Həlledici görüşdə Qədir Hüseynov Borki Predoyeviçə uduzub.

Bununla da “Odlar Yurdu” ilk məğlubiyyətini alıb. Reytinqdə III sırada olan komandamız indi turnir cədvəlində yeddi xalla IX pillədədir.

“Odlar Yurdu”nun qadınlar komandası isə İtaliya klubunu 3:1 məğlub edib. Bununla da komandamız altı xalla B qrupunda III pilləni tutub.

“Odlar Yurdu”nun qadınlar komandası V yer uğrunda Kiyev Şahmat Federasiyasının kollektivi ilə qarşılaşacaq.

Ölkə.Az

ŞƏRH YAZ
0

Almaniya millisi növbəti məğlubiyyətlə üzləşib — VİDEO

Almaniya millisi növbəti məğlubiyyətlə üzləşib
01:15
17.10.2018
428
İdman
A
UEFA Millətlər Liqasında IV tura yekun vurulub.

"Ölkə.Az" xəbər verir ki, günün ən maraqlı matçı A Liqasında keçirilib. Son dünya çempionları Fransa ilə Almaniya üz-üzə gəlib. Hesabı 14-cü dəqiqədə qonaq komandadan penalti zərbəsi ilə Toni Kroos açsa da, meydan sahiblərinin hücumçusu Antuan Qrizmann 63-cü və 80-ci dəqiqələrdə fərqlənərək, komandasına qələbə qazandırıb. Bununla da Almaniya qrup qalibi olma şanslarını tam itirib.

B Liqasında Ukrayna Çexiyaya minimal hesabla qalib gələrək, 9 xalla 1-ci qrupun qalibi olub və A Liqasına yüksəlib. D Liqasında isə Gürcüstan yığması ardıcıl 4-cü qələbəsini səfərdə Latviya üzərində əldə edib - 3:0. Bununla da qonşu ölkə millisi 12 xalla 1-ci qrupun qalibi kimi C Liqasına və 2019-cu ilin iyununda keçiriləcək final mərhələsinə yüksəlib.

Ölkə.Az

ŞƏRH YAZ
0
BAĞLA