"Real Madrid" Ronaldunun maaşını artırdı

17:30
03.02.2018
1012
İdman
A
"Real Madrid" futbol klubunun rəhbərliyi hücumçu Kriştianu Ronaldunun maaşını artırmaq qərarına gəlib.

"Ölkə.Az" xəbər verir ki, rəhbərlik futbolçunun maaşını 9 milyon avro artırıb.

Bundan sonra Ronaldu 2021-ci ilə qədər, yəni müqaviləsi başa çatana qədər 30 milyon avro illik maaş alacaq.

Hazırda Ronaldunun maaşı 25 milyon avrodur. Bu məbləğ bonuslarla birlikdə 25 milyon avroya qədər artır. Amma vergiləri də nəzərə alsaq, "Real Madrid" hücumçuya görə 44 milyon avro xərcləyir.

Hikmət Həsənov
Ölkə.Az

ŞƏRH YAZ
0

Kişilər arasında şahmat üzrə Azərbaycan çempionatı davam edir

Kişilər arasında şahmat üzrə Azərbaycan çempionatı davam edir
22:40
17.01.2019
338
İdman
A
Bakıda kişilər arasında şahmat üzrə Azərbaycan çempionatı davam edir.

"Ölkə.Az" xəbər verir ki, İsveçrə sistemi üzrə keçirilən və 9 turdan ibarət olan yarışda ikinci turun oyunlarına yekun vurulub. İki turda ardıcıl qələbə qazanan Fərid Zeynalov və İsmayıl Şahəliyev maksimum xalla turnir cədvəlində 1-2-ci yerləri bölüşürlər.

Azərbaycan Şahmat Federasiyasının binasında keçirilən ölkə çempionatı yanvarın 24-də başa çatacaq.

Ölkə.Az

ŞƏRH YAZ
0

Bakıda Para Cüdo üzrə “Qran Pri” yarışı keçiriləcək

Bakıda Para Cüdo üzrə “Qran Pri” yarışı keçiriləcək
21:55
17.01.2019
431
İdman
A
Azərbaycan Respublikası Milli Paralimpiya Komitəsinin (ARMPK) Prezidenti İlqar Rəhimovla İctimai Televiziyanın Baş Direktoru Balakişi Qasımov arasında görüş keçirilib.

“Ölkə.Az” xəbər verir ki, görüş zamanı İ.Rəhimov Azərbaycanda paralimpiya hərəkatı, bu sahədə görülən işlərlə bağlı məlumat verib. O qeyd edib ki, ölkəmizdə sağlamlıq imkanları məhdud olan insanların idmanla məşğul olması, yerli və beynəlxalq yarışlara qatılması üçün şərait yaradılıb. Minlərlə vətəndaşımız paralimpiya hərəkatına qoşulub, ən mötəbər beynəlxalq yarışlarda bayrağımızı yüksəklərə qaldırırlar.

İ.Rəhimov bildirib ki, belə beynəlxalq yarışlardan biri də May ayında Bakı şəhərində keçiriləcək. Onun sözlərinə görə, 13-14 may tarixlərində Bakı şəhərində para cüdo idman növü üzrə “Qran pri” yarışı baş tutacaq. Şəhərimizdə ilk dəfə keçiriləcək bu mötəbər yarışda 43 ölkədən 250 idmançı iştirak edəcək.

İctimai Televiziyanın Baş Direktoru Balakişi Qasımov da öz növbəsində Azərbaycanda paralimpiya hərəkatını izlədiyini qeyd edib. Azərbaycanlı idmançıların uğurlarından söz açıb. O qeyd edib ki, İctimai Televiziya Azərbaycanda sosial layihələrə hər zaman diqqətlə yanaşır. Fiziki məhdudiyyəti olan şəxslərin cəmiyyətə inteqrasiyası üçün həyata keçirilən bütün işləri dəstəkləyir. 

Görüşün yekunu olaraq İctimai Televiziya ilə ARMPK əməkdaşlıq memorandumunun imzalanması barədə ilkin razılıq əldə edilib. Əməkdaşlıq çərçivəsində İctimai Televiziya Bakıda keçiriləcək para cüdo idman növü üzrə “Qran Pri” yarışını canlı yayımlayacaq.

Ölkə.Az

ŞƏRH YAZ
0
BAĞLA