“Real” rəqibinə futbol dərsi keçdi — 6-1 +VİDEO

“Real” rəqibinə futbol dərsi keçdi
21:28
06.12.2018
2210
İdman
A
İspaniya Kubokunun 1/16 final mərhələsinin daha bir oyunu keçirilib.

“Ölkə.Az” xəbər verir ki, “Real Madrid” öz meydanında “Melilla”nı qəbul edib. Qarşılaşma ev sahiblərinin böyük hesablı qələbəsi ilə başa çatıb. Kral klubunun baş məşqçisi Santyaqo Solari əsas heyətin bir çox oyunçusunu meydana buraxmayıb. Görüş “Real”ın 6-1 hesablı üstünlüyü ilə yekunlaşıb.

Qeyd edək ki, tərəflər arasında ilk qarşılaşma da “Real Madrid”in (4-0) qələbəsi ilə bitmişdi.

Qollar: Asensio 33, 35; Xavier Sançes Felipe 39; İsko 47, 83; Vinisus Yunior 75; - Yacine Qasmi 81 (penalti)

Ölkə.Az

ŞƏRH YAZ
0

Şərif Şərifov Rusiyada bürünc medal qazanıb

Şərif Şərifov Rusiyada bürünc medal qazanıb
22:46
09.12.2018
752
İdman
A
Şimali Osetiyanın paytaxtı Vladiqafqazda (Rusiya) sərbəst güləş üzrə "Alans" turniri keçirilib.

"Ölkə.Az" report-a istinadən bildirir ki, yığmamızın böyük məşqçisi Zəlimxan Hüseynovun rəhbərliyi altında olimpiya və dünya çempionu Şərif Şərifov və Məhəmmədhacı Xatiyev (hər ikisi 92 kq) yarışda ölkəmizi təmsil edib.

Aslenbek Alborov son anda zədə üzündən xalça üzərinə çıxa bilməyib. Digər təmsilçilərimizə gəlincə, Xatiyev 1/8 finalda mübarizəni dayandırıbsa, Şərifov bürünc medal qazanaraq, 1000 dollar pul mükafatına sahib çıxıb.

Ölkə.Az

ŞƏRH YAZ
0

"Ruslan Qurbanovu bazanı icazəsiz tərk etdiyi üçün əvəzedici heyətə göndərmişik" — Aftandil Hacıyev

21:52
09.12.2018
1100
İdman
A
"Çox maraqlı oyun alındı. Bu gün gördük ki, bütün komandalar avrokuboklara düşmək üçün layiqli mübarizə aparırlar. Belə getsə, çempion son turda bəlli olacaq"

"Ölkə.Az" report-a istinadən bildirir ki, bunu "Səbail"in baş məşqçisi Aftandil Hacıyev Azərbaycan Premyer Liqasının XIV turunda "Qəbələ" ilə evdə qolsuz bərabərliklə başa çatan oyundan sonra söyləyib.

37 yaşlı mütəxəssis bildirib ki, komandasının çıxışından razı qalıb: "Qarşıda iki kubok matçımız var. Bu görüşlərdə də maksimum nəticə qazanmağa çalışacağıq".

Baş məşqçi komandanın aparıcı futbolçularından olan Ruslan Qurbanovu əvəzedici heyətə göndərdiyini söyləyib:

"Hər oyundan bir gün qabaq toplaşırıq. Ruslan Qurbanov bazanı icazəsiz tərk etdiyi üçün cəzalanıb və əvəzedici heyətə göndərmişik. Onun istəyi ilə deyil, lazım gəlsə əvəzedici heyətdə oynayacaq. Həm də indi zədəsi var. Qurbanovun qış fasiləsində komandanı tərk edib-etməyəcəyi barədə heç nə deyə bilmərəm".

Hacıyev Edqar Paçekodan savayı qarşılıqlı razılaşma əsasında başqa futbolçuların da göndərilməsini düşündüklərini bildirib.

Ölkə.Az

ŞƏRH YAZ
0
BAĞLA